بنات خبيرات تركياا ابي مساعدتكم بليز

[Miss-Hummer]

السلام عليكم بنات

ومبارك عليكم باقي الشهر


بنات الله لايهينكم ابي مساعدتكم

احنا بنسافر تركيا انشالله بالعيد

وابي استفسر عن جم شغله

اتمنى تفيدوني الله يخليكم ماعندي غيركم

ابي منكم تسوولنا جدول الرحلات وين نروح وبشنو تنصحونا وبالاماكن وبكل شي

احنا انشالله سفرتنا بتكون ب 21/8

يعني من تاريخ 21/8 لي تاريخ 24/8 راح نكون باسطنبول

وبعدين من تاريخ 24/8 لي تاريخ 27/8 راح نكون يالوا

وبعدين من تاريخ 27/8 لي تاريخ 30/8 راح نرجع اسطنبول


مدة الرحله 10 ايام

يريت تسوولي جدول امشي عليه

واحنا قلنا انشالله من يالوا راح نروح بالعباره بورصه يوم واحد يعني نروح الصبح ونرجع بليل

وعندي شويه استفسارات

1- اذا نبي نروح من اسطنبول لي يالوا بالعباره السريعه وين نحجز

2- وسمعت انه بيالوا في اماكن مخصصه للحريم حق السباحه بالينابيع المعدنية صج ولا لا

3- وصج اذا نبي نروح المطار وقت الرده لازم نروح قبلها ب3 ساعات لانه زحمه

4- شلون تحسبون الاسعار هناك يعني الليره الركيه جم تساوي بالكويتي

5- وشنو تاخذون معاكم ليرات ولا دولارات


سامحوني طولت عليكم

بس مالي الا انتوا تكفون طلبتكم

مو بس تقرون ماتقولولي شي

بلييييييز​

 

[Miss-Hummer]

شدعوه عليكم بنات 17 مشاهده وماكو وولا رد او اي شي​

 

[اخت خالتهم]

يالوا ما انصح فيها انصح بورصه

واسطنبول فيها متاحف حلوة و اسواق والله ناسيه من ٤ سنين ما اذكر شوفي المسافرون العرب

 

[هدوء العالم]

وعليكم السلام ورحمة الله وبركاته

وعلينا وعليج تبارك وعساج من العوادة

بخصوص إستفسارج ماني خبيرة ولا عندي معلومات عن يالو

هذا تقريري

تركــــ من أحلى ـــــيا أيام عمري صيف 2011

جزء أسطنبول 5 ليالي بالصفحات 4 و 5 و 6
بكل أسف ما رحنا إلي سويته لأنه جاتنا ضروف
إن شاءالله يفيدج خصوصا بصفحة 4 فيه كاتبة الجدول كله ومواعيد المتاحف متى تفتح متى تسكر

والبورصة بداية التقرير

أنصحج بمنتدى العرب المسافرون في بوابة تقارير تركيا موضوع مثبت عن يالوا

ورحلة موفقة

 

[happy january]

ابي احسن فندق في اسطنبول وقريب من تقسيم لو سمحتوا

 

[bnt البحرين]

هلا حبيبتي .. انا سفرتي تاريخ 26 يعني بنصادفكم هناك ههههه ..

بالنسبه حق العبارة السريعه من اسطنبول الى يلوا تروحين محطة يني كابي ومن هناك في عبارات تبع شركة آيدو تحجزين تذاكر و تروحين ويقولج ان مواعيد العبارات مضبوطة يعني لازم ماتأخرين والا بتمشي عنج العباره

بالنسبة حق الحمامات المعدنيه الي في تيرمال (يلوا) في حمامات مختلطة وفي حمامات عائلية .. يعني كل عايله تاخذ لها حمام لهم بروحهم حسب اللي سمعته .. بس بحثي عن هالموضوع لأني مو متأكدة

وبالنسبة للمطار سمعت ان مطارهم وايد كبير ومزدحم فأكيد يفضل ان نروح له قبل بمدة تحسبا حق اي تأخير او اجراءات

الله يسلمج بالنسبة حق تحويل العملات اذا عندج ايباد او ايفون او غيره نزلي برنامج

(universal currency converter) و هاذي سايتهم XE - Universal Currency Converter

و الليرة التركية حوالي 157 فلس كويتي

بالنسبة حق الليرات او الدولارات سمعت ان لازم يكون معاج دولارات حق الفيزا في المطار يعني تجهزين دولارات من الديره حق الفيزا .. والفنادق بعضهم ياخذون بالدولار وبعضهم بالليرة .. والتكاسي يكون التعامل فيهم بالليرة .. انتي اخذي معاج الاثنين واذا احتجتي عندج محلات الصرافه ..

اتمنى اكون افدتج يالغالية

 

[Miss-Hummer]

مشكوريين بنات وماقصرتوا

وفديييتج والله يا بنت البحرييين مااااقصرتي ويعطيج الف الف عافيه يالغاليه​