بنات حماتي مناشبتني وانا ماسويت لها شي!!!

[ايمان80]

طقيها بأكبر طوفة وعطيها طاف
وان كلمتج جعميها ووقفيها عند حدها انتي بنت ناس ولج كرامة منتي خدامة عندهم

وبعدين وين ريلج واهله عن سوالفها
شدعوة صمخان وعميان والا عاجبهم الوضع

خلي شخصيتج قوية وردي عليها ..وياجبل مايهزك ريح

 

[بولندية]

حبيبتي اذا خالتج زينه بتيي لج حماة مو زينه

واذا حماتج زينه بتيي لج خاله قشرة

واذا اهله زينين بيي لج ريال موزين وهذه الحياة ازوجية ماشيه جذي

وحبيبتي مو بس انتي اغلب المتزوجات جذي انتي لاتحتمين فيها حقريها ولا تردين عليها تبسمي بويهها

وبالعكس تفطري معاهم هذا حقج لان بعدين بيطلع كلام عليج انج مو حاشمتهم وانتي اساسا ما لج ذنب

 

[فوفو22]

دام انج ساكنه عند حمووووووووله

لازم تاخذين على الجو

مره نغزه

مره باص خفيف

مره تمريره سريعه

مره هوشه

مره هجوم

مره شماته

وغيره

ولكن تسلحي بالآتي

كل هجوم يرد عليه بابتسامه

كل سؤل يرد ليه بجواااااب واضح

كل تهمه يرد عليه بدفااااع قوي وبصوت عالي وبكل ثقة

عموما انا احب الجناين اللي دمهم خفيف... واللي يسولفون... واللي مالهم شغل بالنااااس

وسالفه تعزلين نفسج هذه ارفضها لان القعده مع الحووووله ونيسة اذا صارت بحدود ووقت معين

فوفو

 

[‏إنگِسَارْ آلشَـوْق ..!]

رد : بنات حماتي مناشبتني وانا ماسويت لها شي!!!

والله ياحبيبتي انزلي وتفطري وعطيها طاااف ..~
بنتغث ..~
وانتي اكلي واستانسي ولا كأنها موجوده أصلا ..
راح تشوفين شلون بتتغير ..!
وموفقه

 

[روئ الايام]

رد : بنات حماتي مناشبتني وانا ماسويت لها شي!!!

اختي احمدي الله انا حماتي اخت زوجي اخترتها من كل البنات وهووماشاء الله عليه اخلاق ودكتور ولكن اصبحت انسانه ثانيه سوي المشاكل تطلع منها واخوها معها ومصدقينها في كل شي انقلبت حياتنا جحيم الله ياخذها اخذ عزيز.

 

[احساس عروس]

بنات من امس بنزل واتراجع
ابيه مالي خلق نغزاتها وكلامها وحتى مالي خلق اشوفها ،
ماني متعودة على المشاكل
وما أحب المشاكل

وماسويت لها شي والله العظيم
بس انا لاحظت انها تموت على المشاكل وتحب تشيش الناس على بعضهم

اقلبت البيت علي وبصمت بالعشرة اني عوبة واحرض اخوها عليها و و و و
على كيفها تألف قصص وسوالف
تقول مرة اخوي صعدلج ونزل وبعدين ماقام يكلمني 4 أيام وانا استنتجت انج محرضته !!!!

انزين اخوج عايش معاج بنفس البيت ماتعرفين تروحيله وتسألينه اشفيه بدال ماتظلمين الناس؟؟؟؟؟
الظلم حرام
جان تصرخ علي وتقول لي لالالا لاتقولين ظلم!!!!

انا ما اعرف اتكلم بأسلوبها
واهي تتكلم بصراااااخ وتجمع كل السوالف كل شي كل شي والله اشياء صارت غير مقصودة فهمتها على كيفها
ومو راضية تقتنع ادا كلمتها !!

انا مالي بهالسوالف
تعودت على الهدوء

 

[om_dodo]

الله يعينج
ادعى ربج يسخرهم لج

 

[احساس عروس]

اللهم آميييييييييييييييييييييييييييييين

 

[الجــادل]

رد : بنات حماتي مناشبتني وانا ماسويت لها شي!!!

عط عوك اكبر الحقات ويعينك الله عليه

 

[أموت برزة عقاله]

رد : بنات حماتي مناشبتني وانا ماسويت لها شي!!!

انه لو منج اقول لزوجي بصراحه واقول له حبيبي جوف انه ابي اصلح الأمور ونيتي زينه بس اختك واكا جم يوم ما نزلت ولا فكروا

يسألون .. انتي ما قصرتي وخلي اخوج يحط حده وعن الفطور اخذي ريلج وتفطري بيت ابوج وهم بطقاق اهم ما عليج راحتج

موب لازم اهم يرضون عنج وانتي موب مقصره معاهم واهم العوب !! روحي بيت اهلج وغيري جو مع ريلج


الله يوفقج

 

[ديانا سبنسر]

البنات ماقصروا

 

[هدولى]

اذا بتطوفين كلامها نزلى وتفطرى معاهم اما اذا بتتضايقين وتتعبين نفسيا لا والله تفطرى بشقتج اريح لج .

 

[_ظل الياسمين _]

الباب اللى يجيك منه الريح سده واستريح.

 

[sKntyny]

من صجج تنزلين عند احد يغثج ويكدر خاطرج..

اللحين الناس يتنحشون من هـ النمونه وانتي تبين تنزلين عندها ..

خليج في شقتج احتفظي ع باقي كرامتج

ولانتي اثمه ..وخالتج اتصلي عليها فون وانتهينا

 

[ToOoTi]

الله يعينج

 

[متكحله @]

رد : بنات حماتي مناشبتني وانا ماسويت لها شي!!!

حبيبتي انا عن تجربه كنت مثلج يهبون بوجهي ويقطون حجي ومرات اطلع القى الكل مجتمع بس اجي يقومون ومحد يكلمني اقسمن بالله من غير سبب وانا برمضان وما احلف كذب

حبست نفسي بشقتي قلت هالناس ماتبيني واكبر دليل تصرفاتهم بس ماسلمت منهم صاروا يحشون براس زوجي زوجتج ماتقعد معانا ولا تاكل معانا ماتبينا وماتحبنا لين طلقوني منه حتى ولده مايسال عنه

ديري بالج وانزلي واقعدي وسولفي مع اللي يسولف معاج واللي يقط عليج كلمه طنشي كانج ماتسمعين ولا تسوين مثلي

لان الحريم كيدهن عظيم نرفزوني وحفروا لي لين طحت بالحفره اللي حفروها لي حسبي الله ونعم الوكيل عليهم

والحين زوجوه

ديري بالج هذي نصيحه من اخت لج بالله

لا تخلينهم يتفردون بزوجج ويعبون راسه عليج عشانه انزلي وتحملي اكيد زوجت حماج عارفتهم لاتهتمين لاحد بس زوجج وعشانه تحملي لانه ماله ذنب وحاشمج ومحترمج وانتي مستانسه معاه

الله يوفقج ويبعدها عنج ويلهيها بنفسها

 

[صمت المرافئ]

رد : بنات حماتي مناشبتني وانا ماسويت لها شي!!!

الله يعينج ويفكج من هالحماة اللي ما تستحي آنا صراحه مستغربة وين عمج وين خالتج زوجج محد يكلمها يبا اذا اهي قاعدتلج جذي ما راح ترتاحين وكل يوم بتسوء نفسيتج وغريبه ان ما في احد منهم سأل عليج ثلاث ايام !!! أخاف عاجبهم الوضع ؟ يبا سألي زوجج ، عرفي شالسالفه واذا خالتج وعمك عاجبهم انج تنزفين وما يكون لج احترام جذي يبا الباب اللي يجيك منه الريح سده واستريح لا تنزلين الا مره بالاسبوع زياره حشمة لعمج وخالتج واذا فتحت حلجها وغلطت عليج - مثلي وابجي وخليج شاطرة وقولي : شنو تبين مني حرام عليج اللي تسوينه فيني - بس انتبهي ان الموقف ما يكون بينج وبينها لازم احد يشوف اذا بروحكم ما ينفع ! وسوي نفسج تكسرين الخاطر وطلعي فوق لشقتج بسرعة لاتنطرين احد يدافع عنج ! صدقيني حتى اللي ضدج راح تكسرين خاطره ويدافع عنج ​

 

[*ريما*]

رد : بنات حماتي مناشبتني وانا ماسويت لها شي!!!

جلسي بشقتك اريح لك
ابعد عن الشر وغنيلوه

 

[miss mama]

الله يهديهاااااااااا حماتج

الدنيا دوارة باجر تتزوج وبتلقى كل شي ناطرها و بتحس

انا اقوول تحاشيها قد ما تقدرررررررين وبنفس الوقت لا تعزلين نفسج من اهل زوجج عشان لا يصيرون كلهم ضدج - الله يعينج

ترا سالفة الحروب هذي من زمان موجوودة وكل بنت تعاني بصمت خخخ انتي عاد تصبري الله بيفرجها عليج

 

[ستروبريه]

حبيبتي اول شي عزميها بمكان بروحكم او بغرفتج وقعدي معاها قوليلها يافلانه انتي عمت بناتي واخت زوجي يعني غاليه علي شنو مضايقج فيني شنو شفتي مني زعلج وشوي شوي شوفي شفيها ليش متضايقه وهذا اسلوبها صدقيني مهما كانت قوتها واخلاقها زفت مع الكلمه الطيبه بتغير واذا مافاد معاها خلاص ابتعدي عنها طوفي اي شي تقوله وحقريها
الله يهديها انشالله