بنات حماتي مناشبتني وانا ماسويت لها شي!!!

[احساس عروس]

السلام عليكم ورحمة الله وبركاته





مبارك عليكم الشهر يابنات وكل عام وأنتم بخير ...




ببلش بموضوعي على طول وبلييييييييز اللي تدخل لاتبخل علي برايها ، ولا تقول رايي لايجدم ولا يأخر،
لأني ماكتبت هالموضوع الا لأني فعلا محتاجه رايكم،







بنات حماتي ماتحبني
وياكثر ماتقط علي حجي وتجرحني بالكلام

من فترة لفترة تسوي فيني مواقف محترمة :eh_s(16)::eh_s(16):

تستفزني وايد
وانا والله العظيم مو متعودة على هالسوالف
حروب:eh_s(14):
معارك:23_asmilies-com:
دبابات:eh_s(13):
تنطرني انزل حتى تهب بوجهي وتسمعني جم كلمة تغثني فيهم:eh_s(16):


وانا والله ماسويت فيها شي
اصلا
العام متزوجة
وبعد جم شهر من العرس استلمتني

اخر مرة هزأتني جدام مرت حماي بس دخلت عليهم الصاله هبت فوجهي وقالت كلااااااااااااااااااااام وشرشحتني جدام المرا
انتي مغيرة اخوي علينا
وانتي ماتحبيني واكيد نازله علشان تشوفين مرت حماج (....) مو نازلة علشاني وادري ادري ان اخوي قاصبج علشان تجين البر معانا وانتي مو طايقتنا !!!
وانا والله كنت اترجى زوجي علشان ننام معاهم بالبر!!

وكلام واييييد ماتدكر نصه من الصدمـــــــــــــــــة ،

الحين برمضان
قاعدة تغثني على الفطور زهقتني
صارلي 3 ايام اسوي فطوري واتفطر بشقتي ما انزلهم ،


بنات هدا رمضان
ودي اقعد معاهم ونتفطر كلنا ونسولف ونضحك بس ياربي احس من نظراتها موطايقتني ودها اصعد شقتي بسرررعه حتى تحش فيني ،


اللي اسويه صح ولا غلط ؟

لازم اتحمل اكثر ؟
ولا بس خلاص اظل على هالحالة وما انزلهم؟

بنات مافقدوني محد سأل عني ولا رفع التلفون وقال خير عسا ماشر


اشرايكم؟

 

[Australia girl]

وي الله يعينج عليها

 

[كرز حالي.]

رد : بنات حماتي مناشبتني وانا ماسويت لها شي!!!

لا يبا نزلي فطري معاهم واذا قالت شي لااااااااااااااااااااااااا تتكلمين جنج طرمه ولا جنج ماسمعتي ولا جنها مو موجوده
علشان تطلعين انتي اللي عقلج كبير واحسن منها
وحقريها اهي راح تتعب وتطخ

 

[LA TROO7]

خلاص تفطري بشقتج والا عند اهلج منتي ملزوومه تشووفينها كل شووي

 

[حوريه عسل]

رد : بنات حماتي مناشبتني وانا ماسويت لها شي!!!

لاحول ولا قوه اللا بالله
الله يعينج ويصبرج عليها
حاولي تسايسينها بالكلام الحلو لاتخلين كلامها يأثر فيج
حتى لو قالت كلممه جرحتج فيها حاولي تردين باسلوب حلو صدقيني بتتغير في معاملتها معاج
وانتي وايد غلطانه لانج ماتاكلين معاهم تحت هذا اكبر غلط
نزلي واكلي معاهم عااااااااااادي .. خلج عادي صيري مثل المنظره لها اذا قالت كلمه ترد لها وانتي ساااااااااكته عادي
بس لاتبينين لها انج قاعد تحرينها او تبين تطلعين حرتج لا بس خليهها تحس ان نيتج صافيه معاها

 

[طير يحب سجانه]

الله يعينج عليه ويصبر قلبج ادا نزلتي حولي انش تجنبينها كتر ماتقدري
بس تبي نصيحه مدام ماحد سال عنج 3 ايام نزلت ولاحتى رفعوا سماعه
لاتعبريهم وعطيهم طاف وكافي يوم واحد تنزلي لهم

 

[al-musk]

خلي اخوها يوقفها عند حدها وعمج وخالتج..تحترم نفسها غصبن عنها ومالها شغل فيج وخلي العلاقة رسمي

 

[روحي تحبه غصب]

حبيبتي كبري عقلج وخليج انتي الكبيره


مادام بخاطرج النزله والجمعه مع حمولتج نزلي وتفطري واذا كلمتج احقريها وطنشي وجووووووووودها

واذا قطت عليج كلمه قويه خزيها ذيج الخزه اللي تخلي قلبها يطيح في بطنها

وقولي الحشيمه لريلي وللي موجودين والا جان عرفت ارد عليج


قوليها واقلبي ويهج عنها وكملي سالفتج وضحكي وخليها تموت من ردت فعلج

صدقيني بتحس انج قويه وماتخافين منها

واذا ماتبين المشاكل تفطري بشقتج وش تبين بالمغثه وضيقة الخلق

وعلى قولتج مافي احد سال عنج وقالج وينج مانزلتي للفطور

 

[خشتي قمر]

رد : بنات حماتي مناشبتني وانا ماسويت لها شي!!!

هاي حبوبه لاتسكتين لها وتبينين انك ضعيفه خلي زوجك يوقفها عند حدها
انتبهي من الحموات حسبي الله عليهن طبعا اقصد النذلات بس خخخخخخخ
ولاتخلين لها مجال تهينك

 

[أبله كويتيه]

حبيبتي هذي متزوجه ؟؟؟

اذا لا حطي بالج انها تغاااااار ومحتره

عطيها طاف وحقريها ونزلي وضحكي وسولفي ولا اطلين بويها

واذا مرت عاليمين .. روحي يسار .. واذا يت يسار روحي يمين ...

وحقريها الحقران ايقطع المصران

بعدين هذا الي اهي تبيه انج ماتنزلين وتمين بروحج .. باختصار لاتعطينها الي اهي تبيه

ومن رايي لا ادخلين ريلج بموضوع عشان ماتصير لويه يقعد يقول مرتي واختي مشاكل وكله يتأفف منج ومنها بعدين

موزين لج

حاولي تطلعين بصوره حلوه جدام ريلج ان انتي المسكينه والطيوبه واهي النسره ان اهي الي تتكلم عنج وانتي حاقرتها عشانه

ولمن تعدين بينج وبينه قوليله بس لاتحنين كل يوم عليه اختك وخاتك واختك لا ما انصحك
بس قوليله ترا كيت وكيت وانا حاقرتها عشانك لاني احشمك واحبك واعزك واعز الي تحبه واقدره

وانا محترمتها وبتم احترمها عشانك يالغالي )) من هالحجي السنع

 

[توليب بنفسجي]

رد : بنات حماتي مناشبتني وانا ماسويت لها شي!!!

اذا انتي حابه تنزلين نزلي و تفطري معاهم و طنشيها جنها مو موجوده اصلا ( الحقران يقطع المصران )
و تصرفي عادي على طبيعتج جنها كرسي و لا طوفة لا تخلين لها اي اعتبار

 

[(m & m)]

اول شي مبارك عليج الشهر

ثانيا في شغله مهمه انتي قلتيها

قلتي ان مرت حماج تقولج انتي مغيره اخوي و ما تحبينه

ما سالتي نفسج ليش ؟

شوفي اهل الزوج و خاصة الام و الاخت لما يكون عندها ولد او اخو و تعزه حيل

ومره وحده يتغير عليها يعني ما يقعد وياها وايد يظيق خلقهم حيل فيلومون مرت الولد

لانه في واااااااااااااااايد حريم يشيشون ازواجهم على اهلهم فالناس صارت تظن ان الكل ج>ي

او احيانا لان فراق الولد او الاخو يكون صعب حيل و تلقينهم اشتاقاو لقعداتهم معاه فيلومونج انتي لان لوللا

انشغاله فيج و بحياته ماكان تغير عليهم

بس في حالتج اهي تقولج اشكره انتي ما تحبينه و انتي ما تبينه

مع الوقت راح يقدرونج

صبري بعد شتسوين

وان الله مع الصابرين

 

[طواري لـ((العنقا))ـيل]

عندنا وعندج خييييييييييييير

يبه ماعليج انزلي وطااااااااف احقري احقري احقري

وخليج على طول مبتسمه نفسي

هالشي بروحه مجننها ههههههههه

وترا نصيحه لاتنصدمين من زوجج لانه اذا درا فـ لاتتوقعين انه يوقف معاج ضد اخته وحتى لو وقف معاج ترا بس جدامج لانه من وراج مع اخته فـ نصيحه لاتفتحين باب مسكر



والله يبعدهم عنا هالحموات النسرات

 

[الفدنه]

الله يكون بعونج

 

[احلى سماء]

الله يكفيج شرها

عندنا وعندج خير

اذا انتي استلمتج

بعد كم شهر من الزواج

انا الله وكيلج من ثاني اسبوع حتى ما كملت عشر ايام

لاااا وقدام منوو

قدام زوجي تكلم علي وتطنز

 

[لجين]

رد : بنات حماتي مناشبتني وانا ماسويت لها شي!!!

قطيعه هالحموات ..

يا غثهم .. ويييييييييييع

اسفهيهم ولا عليج منهم

شكو تكدرج وحده بايييخه

 

[هيبة ملك]

الله يعينج

 

[أم حمد =)]

الله يكون بعونج ..

نزلي تفطري معاهم لا تقعدين فوق .. وحقريها ..

 

[bobo lover]

قطيعه شتبي هذي!
حفريها بس بحدود يعني إذا قالت لج كلام مو زين ردي عليها بس بأسلوب زين بس لا تطنشينها ترا تاكلج أكل و ما تخاف منج.
الله يعينج عليها

 

[miss_ano0oma]

خليها تولي وتحاشيها ..
روحي تفطري ف بيت اهلج او بشقتج ..
مالج شغل فيها ..
تهذر وتتعب ومردها بتسكت