بنات حدييييييي محتارة وريلي زاد الطين بله

[dlo3a81]

:eh_s(1):بنات انه حديييي محتارة وريلي حاطني بين نارين:0bee2e8d89:
احنا حاطين في بالنا نسافر اذا الله كتب لنا بالصيف
المهم بنات انه ودي اروح وبخاطري امريكااا لان السوق مالهاا يشوق وغير اللعب حق اليهال
وريلي مو عاجبته امريكاا ووده بماليزياا وانه رحنا لهاا اول العام وانه مااحب اكرر نفس الدولة وودي اغير وريلي مو عاجبة طريج امريكاا يقول طويل وممل واحنا عندنا 2 يهال اعمارهم 3سنوات و6 اشهر بس تقريبا للعطلة يصير عمره سنة
وابي اعرف احتاج اخذ الشغالة؟ وجم ميزانية السفر اللي احتاجهاا؟
وشلون السفر مع اليهال بهالعمر وانه قلبي مايطاوعني احطهم عند اهلي واسافر
وابي اعرف صج امريكاا تحتاج فيزااا وطول 6اشهرر على ماتخلص

 

[PinkY Dreams]

الله يهنيكم

انا بأمريكا وملاقه

وكارها عمري بأمريكا ماشفت فيها شي وودي ارد الكويت

 

[لندن سيتي]

انا رحت امريكا والحين في لندن وارشح اوروبا على امريكا ...

 

[miss_jamsheer]

اختي انا اقول لاتاخذين اليهال ماراح يستانسون وراح تتعبين انا خالتي اتقول طريج امريكا تعب فمابالج عالياهل وارشحلج ماليزيا حلو وعندج املنايا النماس زلمسي ميونخ روعه انا انشالله انا الله ااراد بالصيف اروح المانيا ويقولج نص 4 المانيا كله نص السعر حتى التذاكر بدال 260 اتصير 130

 

[dlo3a81]

الله يهنيكم

انا بأمريكا وملاقه

وكارها عمري بأمريكا ماشفت فيها شي وودي ارد الكويت

ليييييييييييش ودي اشووفهاا والكل يقولي حلوة وفيها اماكن تونس وتصلح لليهال

 

[dlo3a81]

انا رحت امريكا والحين في لندن وارشح اوروبا على امريكا ...

ليش شنو ميزة اوربا ؟وبشنو تختلف عن امريكا الطبيعة ولا الشعب ولا شنو ودي تفيدوني اكثر:eh_s(1):

 

[dlo3a81]

اختي انا اقول لاتاخذين اليهال ماراح يستانسون وراح تتعبين انا خالتي اتقول طريج امريكا تعب فمابالج عالياهل وارشحلج ماليزيا حلو وعندج املنايا النماس زلمسي ميونخ روعه انا انشالله انا الله ااراد بالصيف اروح المانيا ويقولج نص 4 المانيا كله نص السعر حتى التذاكر بدال 260 اتصير 130

تصدقين الكل يقولي المانيا حلووة ويمدحهاااا بس ماادري ليش ماافكر اروح لهااا بس ابي اعرف شلون سوقهم انه همي الكبير السوق

 

[dlo3a81]

اب لعيوني@@

 

[om_maria05]

حبيبتي نصيحه بتروحين امريكا لاتاخذين اليهال لا انتي بتستانسين و لا اهم وايد صغار و طريج 14 ساعه اذا دايركت من مطار الكويت لي جي اف كي نيويورك وايد تعب .. و اهناك اذا بتستانسين ما يبيله يهال صغااار كللللللللللللللش انا بنتي عمرها 4 سنين و نص بس هم أذتني و أذنت ابوها ..

 

[عروس الدنيا]

اذا تبين تسوقين لا تروحين امريكا لان سوقهم عادي
بس كوناسه مافي اونس من امريكا و عادي اليهال معاج كل شي موفر لهم ... و لا تقارنين ماليزيا بامريكا ماليزيا كلها حديقة ورود و حديقة حيوانات و ماعندهم شي ثالث
امريكا تهبل

 

[لندن سيتي]

امريكا الحلو فيها الشعب بشووش وارخص من اوروبا وكل شي حلو بس مافي تنوع بالملابس يعني جنز وتيشيرت كنت ابتلش بعيالي اما اوروبا احلى طبيعة والملابس تحتارين من كثر المحلات بس الشعب ثقيل دم والاسعار نار..

 

[ريماا]

انا رفيجتى كانت بامريكا وماشالله يابتلى هداياا تهبل لوشنات وعطور وملابس داخلية وبلوزتين حلوين تقول السووق روعة بس اهى حرام كانت تعباانة فمااطلعت وايد
وتقنعنى بالصيف اسافر امريكا كشوبنق
ماليزيا انا رايحتلة سوقتها حلوة بس لبس وبدل كشخة ماااافى او نادرا ماتحصلين وكسياحة عاادية وكلة خليج بصيف
عيالج صغار على الاقل اخذى الكبير وخلى بوست شهور صغير حرام ماراح يستانس توة صغير

 

[حضاره]

والله انا اقول الطريق حق امريكا طوييييييييييييييييييييييييييييييل يلوع الجبد انا اصلا شايلتها من الاوبشنز عندي00احنا بنساتنس ولابننغث؟؟؟

برايي اتسافرين اوربا احسن لج 00سوق وطبيعه وهواء يرد الروح00ان بغيتي المانيا سوقها بشكل عام حلو00وان بغيتي النمسا كذلك

وهم سويسرا حلوه وماتنعاف00واذا رحتي لندن بتكونين اخترتي الوناسه والسوق والزين كله00

اما على العيال كيفج 00انا عن نفسي الصغير ابو شهور ماأحب أخذه لان تعب00بس اذا حابه تاخذينه00عادي لاتحاتين00الامور سهالات

وعالاقل بتكونين مرتاحه نفسيا00

انتي اذا عزمتي فعلا 00ماراح نخليج بنضبط لج خوش سفره00ويارب الله يوفقج وين مارحتي

 

[dlo3a81]

مشكوووووووورين حبايب قلبي

 

[a7La_3eMeYa]

انا من رايي امريكا احلى =) و اليهال عادي حراام خل يستانسون الله يخليهم لج

 

[أوركيد]

امريكا واوروبا احلى من ماليزيا ..

ماكو مقارنة أصلاً...

بس ترى اوروبا أغلى ..يبيلها مصرف ..

 

[ام _خلودي]

انا وحده من الناس عشقة امريكاا

ومفكره اروح هالصيف اذا الله كتب وباخذ بنتى وولد

ديره حلوه وعالم عايشه ومدن ترفيهه للكبار والصغار

وسوقهم حلوو ويطيب الخاطر

تبين راى اذا تبين سفره طويله وعائليه روحى امريكاا

واذا تبين سفره خفيفه انت وريلج بس روحى اروبااا

 

[ظلال القرآن]

اوربا وبس اقرب واجمل طبيعه وجو ورحلات
واحلى الرحلات يا اما سويسرا فرنسا
او المانيا النمسا
لندن مو ذا الزود بس جحته وركضه بالسوق
واذا عزمتي انا اطرش لج جدول سفراتي

 

[*caramel macchiato*]

لا موووووووووصج ال يقول امريكا موحلوة....@@

ادري الناس اذوااااق...

بس امريكاااااااااااااا عجييييييييييييييييييبة ...امووووووووووووووووووووت عليها ...احبها حب ...رحتلها مرتين ولويحصلي كل سنه ما امل منها .......واشيااااب ماليزيا ويلا اوربا حق امريكاااا ....مافي وجه مقااارنه...

كلها ونااااااااااااااااااااااسه بوناااااااااااااااااااااااااااسة.....

وبالنسبة حق السوووق ...اينن...بس مو الماركااات الامريكية ...لأ ...الماااااركااااات العالمية.. اتهبل....وكل مكاااان سيييل ...لاني رايحة بالصيف ....اخذي اعيالج ....راح يستانسووون...واذا رحتوا يمعة بعد احلى واحلى ....

الله يسهل عليكم