بنات حده ضايق خلقي

[fatma-84]

السلام عليكم شلونكم بنات
احس اني متضايقه ومقموته وما لقيت غيركم يحس فيني مابي اتكلم مع الي اعرفهم ادري انهم بيحاتون وبيزعلون عشاني
هذي السنه الثالثه وليلحين الله مارزقني سويت اطفال انابيب 3 مرات مره صار حمل واجهضت المشكله في زوجي عدد الحيوانات المنويه قليل جدا والحركه بطيئه مادري يمكن عشان جذي مايصير حمل واذا صار ضعيف
نفسيتي تعبانه الي تزوجوا بعدي يابو عيال
والله العظيم اني ما احسدهم الله يهنيهم ويزيدهم بس غصبن علي اهلي واهل زوجي يشوفوني كاني مسكينه ادري انهم يحبوني ويداروني زياده عن اللزوم بس انا اتضايق حيل
توني مراجعه عند دكتور ناهض قالي زوجج لازم يجمد عينه لان بعد فتره النطف راح تختفي والله يوم قال جذي احس بغيت اموت
يارب ترزقني الذريه الصالحه المتعافيه وجميع بنات المنتدى يــــــارب
يارحيم يارزاق ياعظيم

 

[kuw_maha]

تفائلوا بالخير تجدوه حبيبتي لاتحاتين ولا تتضايقين هالشي بيد الله وخلي عندج امل بالله كثري من الاستغفار وقراءة القران والدعاء وانشالله الله يرزقج بالذرية الصالحة ويرزق جميع المحرومين يارب

 

[SOoOSA]

الله يصبر قلبج حبيبتي
رحمة ربج واسعه ادعي انتي لج ولريلج واستغفري ربج كل يوم وإقري قرآن وانشالله ربي مايخيب ضناج
ويرزقج بالذريه الصالحه

 

[ريمي74]

يااااااااااااااحبيبتي وسعي صدرج
رفيجتي الحيوانات المنويه عند زوجها صفر وسبحان الله طلعوا له من جدار او شئ جذيه
مااعرف الحاله بالضبط بس الحمدلله بفضل ربي الحين عندها بنت مثل القمر الله يحفظها
لاتيئسين من رحمة الله ووكلي امرج له ولا عليج من حجي الدكاتره "

اللهم إن كان رزقها في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لها فيه
ياااااااااااااااااااااااااااااااااااااااااااااااااااااااااااااارب

 

[mosta7eel]

بعد قلبي والله حاسة فيج
بس ماعليج من كلام الاطباء
انتي عليج بالدعاء وخلي ثقتج بالله كبيرة
وقولي دايما يارب ادري انك ماراح تردني
خايبه وانك راح تستجيب دعائي وعسى ربي يرزقج الذرية
الصالحه
وشوفي في بنات بالمنتدى حالاتهم مثل زوجج وفي منهم حملو والفال لج يارب

 

[نكهةالبرتقال]

خلي أملك بالله كبير..

أكيد راح يكرمك رب العالمين

ولا تحاتين، يكفي حيوان واحد لحصول الحمل

( يا أيها الذين آمنوا استعينوا بالصبر و الصلاة إن الله مع الصابرين)

تدرين شنو اهي معية الله؟

هي الرحمة و الكرم و كل صفات الكمال و الجلال التي يتصف فيها الله سبحانه

بس انسي الناس

و أوثقي بربك

 

[كويتيه مذهله 87]

حبيبتي الله يصبرج وشافي ريلج

بس خل يتابع مع دكتور مختص بمرضه وربي يرزقكم ياااارب

ومدام حملتي سوي العمليه مره ومرتين ميخالف حبوووبه المهم البيبي يكون موجود بحياتكم

 

[da7doo7y]

شوفي حبيبتي
الله الخالق ومحد غيرة بهالدنيا بخلقلج برحمج الى هو
وكلي امرج لله والحمدالله على كل حال

 

[ام_مرام]

الله يرزقكم و يرزقنا
دام قال جمدوا ... خلاص جمدوا عنده و جربوه
ان ما صار نصيب روحوا امريكا او الاردن
عالجوا و راكضوا دام انه ما عندكم وقت والله اعلم

 

[dalia83]

يا عمري انا لا تضايقي نفسك و وكلي امرك للي خلقك
ما في شي على الله كبير و يلي رزق مريم سيدنا عيسى بدون زوج اصلا هل رح يكون صعب عليه يرزقك
ان الله عند حسن ظن العبد فيه
الله يهدي بالك و يجبر بخاطرك و لا يحرمنا من هالنعمه ... اللهم آمين

 

[ترووفه]

حبيبتي مالج شغل باللي قاله الدكتور ولاتتضايقين

والله في بنات ازواجهم حيوانتهم ميته او عددها صفر ولله الحمد ربي من عليهم واحملوا

وهذا يدل على رحمة ربي

وانتي لاتيئسين ياقلبي في نااااااس طولوا اكثر من 3 سنين وربي عوض صبرهم خيــــــــــــــــر

وانتي ادعي ربج وان شاءالله ربي يستجيب دعائج وتحملين ياااااااااارب بتواام

 

[برديـــس]

حبيبتي لاتيأسين والله يكون بعونج

بس قولي لريلج يجرب حجامه البناي لان في وحده نفس حالتج وسبحان الله الريال صار طبيعي

ونصحيه عقب مايسوي هالحجامه يجرب ياكل عسل

وخل يكثر من الاستغفار


وعسى ربي يملي حظنج ياقلبي عاجلا غير اجلا ويرزقنا ويرزق كل محرومه يارب

 

[@حوريه86@]

الله يرزقج حبيبتي ويجبر بخاطرج ولا تحاتين حبيبتي ما في شي عند الله بعيد راح تحملين والتيبين كوكش يهال

 

[_ظل الياسمين _]

ربج الكريم الرحيم مابيقصر معاج ولا مع غيرج ..

بس خلج من الله قريبه وادعيه وتوسلى لرحمته الواسعه..وعليج بالاستغفار..

والله يرزقنا جميعا من فضله الواسع ويشملنا برحمته هو ارحم الراحمين الكريم.

 

[سارونه q8]

لاتتشائمين حبيبتي ودايما ادعي ربج ان يرزقج بالذريه الصالحه
وانشاءالله انشوفج حامل والله يرزقج ويرزقنا بالذريه الصالحه ومايضيع تعبنا

 

[ليمار الكويت]

الله يصبر قلبج ويرزقج يارب
ويرزق كل محرووم يارب العالمين

 

[fatma-84]

بعد عمري الله يجبر بخاطركم مثل ماجبرتوا بخاطري
ويارب يرزقنا كلنا بالتوئم المتعافين ويفرح قلوبنا
يارحـــــــيم