بنات جاوبوني ، اقدر ادرس بكالريوس مرة 2 ، وانا ابله ثاني سنة بدون تفرغ ؟؟

[( المـلاك )]

السلام عليكم ،،

ما اطول عليكم بموضوعي

اول شي انا معلمة تعيين هالسنة

يعني من اول السنة الدراسيه تعينت ، اللي اهو شهر 9 سنة 2011

وانا معلمة علوم اسرة و مستهلك

و خريجة التربية الاساسية

.

اللي ابيه الحين

اني باخذ بكالريوس ثاني بمجال ثاني غير التدريس يعني مابي ادرس تربية بعد

و يكون بجامعة الكويت و ببالي حاليا اني ادرس حقوق

لان هذا اللي كان ودي اني ادرسه من 4 سنين بس الظروف وقتها ما سمحتلي

.

المهم ف بسجل عالسنة اليديده انشالله

معناته بكون ثاني سنة لي بالتدريس

ف سؤالي هني

يصير ولا ما يصير ؟

و للعلم ،،

انا مابي اتفرغ نهائياً

يعني ابي اتم اداوم بالمدرسه عادي يعني بتم موظفه الصبح

و يعني اضبط محاضراتي على العصر لي المغرب جذي

مو مهم عندي اتأخر بالمواد او شي جذي

المهم اني باخذ بكالريوس ثاني .

يصير ولا ما يصير ؟؟

وانا سمعت ان يصير و في ادارات بهالحاله يراعونج

و يعلمونج شلون تطلعين ورقه من الوزاره بخصوص انج تطلعين كل يوم من المدرسه الساعه 11 ونص ويكون تخفيف دوام مدرسي لظروف

صج يا ابلات ولا لا ؟؟

اللي عندها خبر اكيييد تبلغني
او تسألي احد ضرووووري

واللي مو عارفه ترفع الموضوع

و ياليت تقولون لي منو الطرف المختص اللي اقدر اسأله بهالموضوع
هل هو وزارة التربية او المنطقة التعليمية او العماده بالجامعه او وين ؟


و شكراااا مقدمااا

 

[( المـلاك )]

اب اب اب

 

[الصـوت الجريـح]

غررريبة تخصصج حلو وعندج بكالريوس
ليش تضيعين عمرج تدرسين بكالريوس مرة ثانية
أنا أنصحج تكملين ماجستير وتقدرين تخلصين بسنتين ماجستير
وبعدين لا خذيتيها قدمي ع الديوان وفيه وظائف شكثر غير التدريس
أنا أشور عليج وأنتي براحتج ��

أما التكميل ببكالريوس ثاني تقدرين بس لازم شهادتج الثانوية تكون نسبتج فوق ٨٠٪
لأنها شهادة قديمة ولا لازم تعيدين الثانوية ��
وما يصير تقدمين ع شهادة البكالريوس حق بكالويوس ثاني ��


بالتوفيق حبيبتي ��

 

[:: Diva ::]

حلو واااااااااايد حلو
طيب انا فوق 80% ثانويه
و خريجة تربيه بس الجامعه مو التطبيقي


ودي ادرس بعد بما ان الماجستير مسكرينها بويهي حسبي الله عليهم
ابي اقتصاد او اداره اعمال


خوش فكره ملاك

 

[غرور مطيريه]

اب اب اب اب اب اب

 

[طالبة1990]

ماكو قانون يمنع انج تدرسين

بس المشكلة ان شهادتج الثانوية قديمة

وجامعة الكويت ماتقبل شهادات قديمة

سنتين كحد اقصى


لو شهادتج اقل من بكالوريوس ممكن الوزارة تبعثج لجامعة الكويت

بس للاسف انتي معلمة

مالج الا جامعة خاصة او ماجستير

 

[( المـلاك )]

انتو شفتوا الماستر شنو شروطه
ولا تنسون اني خريجه تربية اساسيه مو الجامعه
و شفتوا لازم 3 سنين خبره بالمدرسه
و شفتوا لازم معدل معين
و شفتوا لازم حدي تخصص واحد بس بالتربيه

ولا انا كنت مفكره بماستر ترى
بس مصكوووكة بويهي
ولا تنسون محد يعطي ماستر بالكويت الا جامعه الكويت

فعشان جذي ابي بكالريوس ثاني
ماعندي مشكله حتى لو بجامعه خاصه
الفلوس مو مهم
المهم ما اكبر و يروح عمري كله بالتربيه
انا تعبت من الواسطات والظلم اللي جدام عيوني

 

[أم سليمان دشتي]

اممممم انا الي اعرفه ان الجامعة ما تقبل الا شهادات حديثة اقل من سنتين
فاتوقع انج تعيدين رابعة ثانوي وبما ان الحين صار تراكمي فما ادري شلون بيكون طريقة الاعادة للامانة


امممم انا اقولج سيناريوو واحد معانا بالدوام بما ان احنا شركة خاصة دوامنا من الاحد ليمن الخميس وعندنا دوام يوم سبت
فاهوا الي معانا قال للادارة انا بداوم من سبت لين الاربعا ودوامنا يخلص الساعة 3.30 ويطيرلج الاربعا عال5 البحرين محاضراته انتساب يومين الاربعاء والخميس ويرد الخميس بليل عال10 وهالحجي من 4 سنوات ،، اهوا تخصصه ادارة اعمال او شيء جذي من التطبيقي وراح كمل حقوق والحمدلله تبارك الرحمن خلص الكورس الي فات وقدم استقالته عندنا وفتحله مكتب محاماة والله يباركله فيه


احسن حل لحالتج ان تقدمين على جامعات البحرين انتساب

وللعلم ان الحقوق بالكويت نظام سنوات والمحاضرات ثابته الصبح يعني ماتقدرين تحطين محاضراتج العصر

الله يوفقج ياااااااااااااارب

 

[:: Diva ::]

الانتساب يالغاليه ما تعتمده وزارة التربيه للمعلمين
يعني اوكي تاخذين ماجستير و دكتوراه بس ما تتوظفين بالجامعه
و احتمال بعد يقول لج وين التفرغ الدراسي ؟


ياربي ليش ما يسهولنها علينا
مو من كثر طلبة العلم و الي يبون دراسات عليا!

 

[اشلون يعني &]

شنو شروط الماستر ؟؟؟؟

 

[( المـلاك )]

ممممممممممممم

يعني الحل بيكون

يا انه اعيد رابعه ثانوي وادش جامعه الكويت
او اني ادش جامعه خاصه

عيل مالي الا الجامعه الخاصه بهالحاله .


مشكورين حبايبي ،،

 

[بنات حواء2]

ملوكه نفس التفكير بالضبط سبحان الله