بنات تنصحوني بمصر ولالا ياويلها الي طنشني هههههههههههههه

[كلي ذرابه]

حبيبتي كل الكلام اللي قالوه البنات صح
اللي مدح واللي سب
آنا وحدة رحت لمصر شهر 4 اللي فات بصراحة وبدون مبالغة استانست وبنفس الوقت ضاق خلقي ...
استانست بالفرارة بالسوقة لان بضاعتهم حلوة حيل خاصة الجلود {الشنط والجواتي}والمواعين السكاين والفناجين وشقول وشخلي... وهم استانست بالقعدة بالحسين والمقاهي الشعبية والاماكن الاثرية وكان الجو روووعه وما فيه زحمة
وضاق خلقي من الفقر اللي هم فيه كسروا خاطري حيل الشعب مو فقارى تحت خط الفقر ...؟؟؟
وهم ضاق خلقي من الوساااااخة بمعنى الكلمة ومطاعمهم مو شي والطرارررين الجذابين ؟؟؟
ولو حصلت لي فرصة راح اروح لها بس يشهر 3او 4

 

[أميرة الحزن:)]

اذا كنتي حاجزه روحي كل الاماكن اللي فيها الا شرم الشيخ بلاوي حسب كلام الناس
واذا ما كنتي حاجزه روحي تركيا خو الناس ما صدقوا على الله من بعد نور وسننوات الضياع
والطبيعه اللي هناك حلوه وعجيبه واذا انتي اتابعين المسلسل راح اتلاحظين

 

[جد_مليت]

وييييييييييييييييييييييييييييييييييع
انا غلطت عمري اني قبلت العزيمة على مصر
رحت لها قبل جم سنه..قلت حق التكسي ودني مجمعات كشخه...اووووووف من اول واحد قلت لها خلاص ردني الشقه
مجمع النقره يطلع بالنسبه له الصااااالحيه...لوعه لوعه
والعالم واحد فوق الثاني......امبيه اطالع الدور الثاني اقول هذا شلون نصعد له؟
ادور ادور ادور......اخر شي اشوف سلم..بس سلم من بشر.....يماااااااي يخرعون

عندهم كافيهات عاديه...هذي اوكي تنبلع
بس الباجين الشعبيين صراحه انا مو مستواي اقعد فيها.....احس كل امراض الدنيا بتصير فيني من اقعد في كراسيهم

والا عاد لاقالولج خان الخليلي..مااااااافيه شي ينشرا كلش كلش.....مادري شلون صاير

والا عاد كرداسه اللي خبونا عليها..صراحه يخيب ثتاج ليما تلقين شي يناسب ذوقنا بالكويت
وشوفي عاد النصب والخمبقه والجذب على ودنووو مثل ما يقولون
وقمه الاستعباط....مره دخلنا محل وقلنا للي تبيع واااااي موت حر مانقدر نشوف شي من الحر
جان تقول اسفين مانفتحها الا لللي يشتري

!!!!!!!!!!!!!!! شتبيييين

والا الثانيه اذا سالتيها عن قطعه قالت لج جم درزن تبين؟؟؟ شنو بوزعهم سبيل
شافت هبال ربعنا وتحسب الكل مثلهم


وتعالي فججي عمرج اذا حاشتج زحمه بالطريج
ههههههههههههههههههههههههه يبيلج حمايه الشخصيات عشان يوخرون عنج هالطراروه اللي يتحاذفون عليج مثل المطر
زين مايكسرون السياره


عاااااااد تعالي حق المطاعم......الله يديم النعمه
وعن الحلال والحرام ماعجبني الا مطعم واحد في باخره يقولون انه تبع امريكانا الكويت...هذا شغله بحري ونظيف
اما الباااااجي لايحوشك
قزرناها اجبان ومعلبات...حتى المعلبات نوسوس منهم


صراحه تحسفت على الايام اللي ضاعت فيها

 

[مرايما]

مصر ممتازة لجميع الانماط

 

[فساتين فخمه]

شوفو عاد كل شي حلو اهم شي انك تطلعين من جو الخليج بررررررد شتاء قارص وحرررررررررر شوي باربيكيو خخخ صيفا
الله لايخليينا منها

 

[futooosh]

:hjy5jewf::eh_s:اللي ما يعرف حق مصر لا يروح احسن
صراحه رحت حق مصر اكثر من 15 مره وايد استانس فيها
مدام فيه بقشيش يحطونج على راسهم :eh_s::eh_s::eh_s:
كل شي يصير بالفلوس وماكو مستحيل عندهم :hearting::hearting::eh_s(7):

 

[سحيله_الحلوه]

واااي مصر لالالا
ماتيوووزلي
انا الحين بمصر دراسه !! غصبن علي متحمله

 

[الام المحبه]

حبيبتي بغيت اسالج
جم لقيتي التذكرة ؟ للقاهرة او الاسكندرية ؟ وعلى اي طيران ؟ الجزيرة او الكويتية او ... ؟ ومن اي سفريات ؟

 

[بنات حواء2]

حبيبتي روحي توكلي على الله
مصر حلوه بحرها و بردها و انا رايحتها بهلجزه و بصيف الحين جوها مو طبيعي يهبل البرد بس مو الي يدش بالعظم و الله عجيبه روحي و استانسي و افتر بالمجمعات و في وايد امناكن سياحيه تهبل مثل المتحف المصري و مجمع ستي ستار و اركاديا و ملحق رمسيس و القريه الفرعونيه الاناطر القلعه المدينه الترفيهيه مالتهم ما ادري شسمها روحي هيصي

 

[ألماس@@]

أقولكم بصراحه إلي ماسافر مصر لايقول أنه سافر أصلا حتي لو أنه فر العالم كله بصراحة يكفي البساطه ألي هم فيها وعدم التصنع فانا من عشاق مصر جداًجداً وأذا علي الطراروهأحتسبي الأجر عندالله ومبين أن إلي تكلمو عن مصر وشعبها للأسف ماعاشرو أهلها ناس بمعنى الكلمه بقمة البساطة والعفوية وموذنبهم أذا رب العالمين شح عليهم بالرزق وطرو أحنا نعطي وندور الأجر وبالنسبه للغردقة ماتنفع لعائله لأنها اكثرها أجانب ومناظر لاتسمح للرائيييييييييييييييييييييييييييييييييييييييييييييييييييييييييييييييي حبـــــــــــــــــــي لمصر أم الدنيا

 

[جداويه فلاويه %]

ياحلات مصر
الديره هذي انا اعشقهــــــــــــــــــــــــــا
مصر حلوه فجميع حالاتهـــــــــــــا
اتوكلي على الله وروحـــــــــــــــي ومابتندمين باذن الله

 

[قطوه وجذابه]

حاشتني نزله معويه اهناك ههههههههههـ

بس حلوه مصر تونس .. وروحي لها شهر 8و9و10 او عموما بغير وقت الصيف تونس

لانهابالصيف تنترس هيلق وناس مو شايفه خيـر .. توهم يسمعون عن مصـر ومنشفحيـن

 

[queen angel]

هههههههههههههههههههه... ضحكتني الردووود...
مصر حلوة حق النااس اللي تبي تهيص بس -...من نااحية الاكل والاسوقة والسكن وهالسوااالف ...انسى... فاتورتك تجيك عليها الف مرة وهم ضاربين منك..مووووووووووووووووووو صج...هذا غير عن ريحة الديزل ....لذلك في للرقص والضحك بس!! يعني حرااام تخسر عليها

 

[ريدا]

اسواقها حلوة مطاعمها عاديه جدا
كرداسه مصخره ههههههههههههه البياعين مصخررررررررررره هناك شئ يبجي وشئ يضحك
كرهتها لا ولا تصيدج وحده تقول بقرا لج نصيبج بالكف وحده مسكتني غصب يمه خرعتني اخر شئ بطلت ايدي جان تطلع بيدري ورقة شجره انا بالبداية قلت حرام فقيره بعطيها فلوس الخايسه قضبت ايدي غصب ومن شفت الورقه شوي واكفخ السايق والله ياناس خرعتني ماكان بيدي شئ الا الفلوس عطيتها صدقه شوي وابجي لما شفت الورقه
اما الحسين الطراروه يهزأون باعمارهم عشان تعطينهم فلوس واللي يسوي نفسه معوق عاد ما احب اشوف هالمناظر احلى شئ
العروس بعرسها بالشارع تمشي اهيا وريلها والمعازيم عادي هههههههههههههه

 

[عدسات ملونة]

والله مصر حلوة وتشرح الصدر وبالنسبة للمطاعم احنا ما انروح الا لمطاعم معينة مثل فرحات للحمام والبرج للاسماك بمدينة نصر

ودار القمر والسفينه اللي فيها تشيليز

 

[بتبوتااا]

روحي الاسكندريه مافيها طرارين بالمره وشوفي تقريري وان شاء الله تغيرين رايج ترى الاسكندريه اهيا اهياا مصر بس انظف واحلى وارخص
والحين تطورت دشي تقريري شوفيه ياقلبي

 

[الفرعونيه]

:016:مصر وبس واللى يقولج موحلوه جذاب:aha:

 

[فروحة الكويت]

صدقيني روحيلها اذا تبين وناسة

 

[..مفاهيم الغرور..]

ما زرتها


بس ابوي ما يدانيها و لا يمدحها ابد ابد