بنات تكفوووون ساعدوني ولدي عمره شهرين ونص ماينام كل يبجي من البلغم

[تحبني ولا ...]

بنات ولدي عمره شهربن ونص كل يبجي وماينام من البلغم


يكسر خاطري صدره يطلع اصوات من داخل


اول مابدا فيه البلغم وديته الطبيب قال مافيه شي


وكل مااوديه مره يقولون يجي من خشمه منشول ومره يقولون احتمال فيه فتحه بقلبه



ومره يقولون مافيه شي ومره يقولون غازات وكل مااروح حجي


والله العظيم بدون مبالغه يمكن رحت المستوصف من طلع الاربعين 18 مره او اكثر


وديته الخاص دكتور بندر المطيري بالجهرا عطاني ادويا لمدة5ايام وارتاح حيييييييييل قام ينام

وبس وقفتهم رد على حالته بجي طول الليل متواصل لي الصبح9 او مرات الظهر يالله يسكت وينام


تعبت منه امس وديته المستوصف عطوه كمام وبعد12 ساعه واحد ثاني وعطيته باونج ارتاح عالبابونج ونام ورجع شويه من البلغم

 

[بـاسي قــوي]

رد : بنات تكفوووون ساعدوني ولدي عمره شهرين ونص ماينام كل يبجي من البلغم

حبيبتي سدحيه على بطنه و مسحي على ظهره لين يرجع البلغم و لا تخلينه بالحر يعرق و بعدها تعرضينه لهوا راح ينتشل ديريبالج بجذي يمرض

 

[صخر جلمود]

دام ولدج أرتاح على ادوية الدكتور بندر ردي له

وشوفي اذا تقدرين تعيدين له الكورس

 

[حرم_طيار]

رد : بنات تكفوووون ساعدوني ولدي عمره شهرين ونص ماينام كل يبجي من البلغم

روحي العطار واخذي له قشر الجوافه واايد زينه

 

[كبسة جلكسي]

حبوبه سوي له علاج طبيعي
اقلبيه بحضنش على بطنه واجلسي اضربي ضهره بشويش ومن تحت لفووووووق
ومن عند اكتوووفه بس اهم شي مايكون راضع قبلها اقل شي سااااعه

 

[آهات الليل]

دهني صدره بزيت زيتون او فازلينوعقب يبي جريده خرميها بالسجين انزين وحطيها على صدره ولبسيه ملابسه وثاني يوم شيليها وادعيلي

وبعد شربيه اعشاب زينه للبلغم والغازات يانسون وهالسوالف
ودوم حطيه على بطنه ودبدبي على ظهره عشان يطلع البلغم وشربيه ماي
وهم روحي الحواي سالي عن اعشاب للبلغم والله يشافيه

 

[ام اغلى الناس]

انا سمعت انه الحلبه زينه للبلغم
يعني حطي له كم حبه بمطارة الماي
وما يشوف شر

 

[الحنان الدافئ]

رد : بنات تكفوووون ساعدوني ولدي عمره شهرين ونص ماينام كل يبجي من البلغم

حبيبتي سمعيني ... أنا بنتي عمرها 2 ونص .... لمن تبكي لسبب مثل مغص أو بسبب الحفاظ أو زعلانه أو أو أو ... من كثر البكي وخشمها يصب يصير عندها بلغم ... وما تقدر تاخذ نسم ... وأخاااااااااف عليها ... بس تهدأ يروح منها ... عشان جذي يقوللك الطبيب ما في بلغم صدرة سليم ... حبيبتي عليج باليانسوووون الدافي ... ملعقة أكل ببيالة شاي ماي مغلي ... غطيها 15 دقيقة وشربيه والله الله الله يريحه حبيبي ....... أنا كل ما تبكي بنتي أظل هاديه حييل ... أمهدهاااا ....... أنومها بحضني وأحط إيدي اليمين على راسها وأقول ... بسم الله الرحمن الرحيم ... أعوذك بكلمات الله التامة من كل شيطان وهامة ومن كل عين لامه 3 مرات وأقرأ آية الكرسي ... وأطالعها بعيونها وأكلمهااااااا وأناديها .... وأمسح على جبينها وحواجبهاااا لييين تصك عيونها وتنام....
الله الله الله يحميهم ويرضى عليهم ....

 

[تحبني ولا ...]

مشكووورين حبايبي على الردود

انا اللحين اعطيه كمام كل 6 ساعات واحس مافي نتيجه


والله كل مواصله مااذوق النوم منه تعبني حييييل


بجرب الجريده اللي قالت لي عنها اهات الليل


واعطيه بالليل ينسون او بابونج والحلبه على طول بماي امطاره حاطه له

 

[كبسة جلكسي]

مشكووورين حبايبي على الردود

انا اللحين اعطيه كمام كل 6 ساعات واحس مافي نتيجه


والله كل مواصله مااذوق النوم منه تعبني حييييل


بجرب الجريده اللي قالت لي عنها اهات الليل


واعطيه بالليل ينسون او بابونج والحلبه على طول بماي امطاره حاطه له

حبوبه والله حاااسه فيش فهوود مثله :0bee2e8d89:

سوي مثل ماقلت لش وماقدااامه الا كل خييييير

وشربيه نعناع او يانسون

وحطي علا بطنه وطقيه بطنه بشويش من تحت لفووق
وانتي تطقينه بشويش طبعا خلي ايدش مضمومه ىاصابعش وفيها تجويف شي بسيط
بس اهم شي ماتكونين راضعه

مدري فهمتي علي او لا.......



والله يخليه لش يااارب

 

[al_jood]

شوفي اختي ولدي كان يعاني من الصدر وكله كمام وتعبني حيييييييييل بس بفضل من الله ثم الدكتور عبدالله فرحان العويد والله ولدي اارتاح من الصدر واكتشف عنده لحمية بس الحمدلله صغيره ومع العلاج بفضل الله ولدي تشافى وعيادته في المنقف وكله عنده زحمه ورقم العياده

23720707

 

[روعة الكلام]

رد : بنات تكفوووون ساعدوني ولدي عمره شهرين ونص ماينام كل يبجي من البلغم

لا لا تعودينه على الكمام حيل راح يتعب يتعود عليه وهو حبيبي صغير غيري حليبة يمكن من الحليب طبعا بعد استشارة الطبيب والله يشفيه يارب

 

[كبسة جلكسي]

شوفي اختي ولدي كان يعاني من الصدر وكله كمام وتعبني حيييييييييل بس بفضل من الله ثم الدكتور عبدالله فرحان العويد والله ولدي اارتاح من الصدر واكتشف عنده لحمية بس الحمدلله صغيره ومع العلاج بفضل الله ولدي تشافى وعيادته في المنقف وكله عنده زحمه ورقم العياده

23720707

صااااااادق دكتووور عووويد لا يعلا عليييييه اخلاق وتعااامل روووعه
وشاااطر ماشا الله علييه
بس الله يعينش علا الزحمه

 

[سموره 87]

وديه طبيب ثاني شوفي شيقول
عندج دكتوره نسرين الخطيب برويال حياة متخصصه بأمراض الصدر

 

[صدر العتيم]

رد : بنات تكفوووون ساعدوني ولدي عمره شهرين ونص ماينام كل يبجي من البلغم

هلا حبوبة انا كتبت موضوع بقسم الصحة مرة حلو