بنات تكفوووون دشوو الموضوع الله يوفقها الي تدخل

[sosowaty]

غلط و اكير غلط تصرفين ع الريال و تبعين ذهبج غلط

الله يسخره لج

 

[شموخ ممطير]

بس هو نكد عل عيشتي بالكلام الي يجرح مهما اسويله يقول ماسويتي شي وجاحد وفوق هذا يمدح زوجته قدامي

 

[نجمة كويتية]

حبيبتي شنو سبب طلاقج بالاول!!! عشان يمكن السبب هو اللي خلاه محتقرج كل ما تذكر السبب ظل يحتقرج ويمكن رجعج مو حبا فيج عشان عياله انا اسفة على هذاالحجي ما بي اعذبج اكثر بس انتي اعتقد العيب فيج وهو يمكن عصبيتج وهذا اكتشفته من موضوعج اهو حب مرته الثانية لانها هاااادية ومو بس لانها طيبة انتي بنفسج ذكرتي هالشي انها ما تتكلم اعتقد ريلج من النوع اللي يحب هالنوعية من البنات ما يحب نوعيتج العصبية الحنانة صيري مثلها كسبيها عشان تعرفين صفاتها وتقلدينها وبجذي راح يرجعلج ويحبج اكثر

 

[شموخ ممطير]

لا هي طبيعتها ساكته مثل الصنم على حسب كلام زوجي ماتضحك ولاتسولف ولاتطلب شي على حسب كلام زوجي يقول اسولف كاني اسولف مع طوفه وماهي حلوه عشان كذا شكلها يبين انها تكسر الخاطر وطيبه انا اقسم بالله ماقصرت معاه في شي وطيعه واخدمه اكثرمنها بس يمكن لاني حلوه يعطيه انطباع اني مغروره وانا عكس هالشي تماما وانا طبيعتي ما احب النكد ابد احب اسولف واظحك معاه بس

 

[شموخ ممطير]

والله ماعرفت وش يبي
مايعجبه شي كلش

 

[بعد روحي]

شوفي بقولج شغلة اذا هو من النوع اللي تقدرين تناقشينه
ناقشيه بهدوء قوليله : آنا أحب لك الخير .. ومابي اضايقك بشي
انت وزوجتك احرار باللي تسويه لها وتسويه لك
واهيه حره بتصرفاتها معاك
وكل انسان له شخصيته .. يمكن اهيه هاديه .. بس آنا لا
ويمكن آنا من النوع اللي يحب يسولف ويمزح ويضحك واهيه لا ..
انت اذا تقارني فيها وتقارنها فيني تظلمني وتظلمها
لان كل وحده فينا عندها شخصيتها المستقلة..
وآنا حاسه إن انت مو راضي عن تصرفاتي ؟ انت قولي اشتبيني اسوي ؟ اشتبي مني
شاللي يريحك ؟ وآنا اسويه .. بالمقابل آنا ابي منك ماتتكلم عنها جدامي
ووو إلخ .. وبجذي انت ترتاح وآنا ارتاح

وانتي من صوبج حاولي تخففين غيرتج
واذا ريلج مو ويه نقاش .. كتبيله هالحجي في مسج
واذا كلمج عقب تكلمي عادي
لا اتطنقرين .. وإذا مافاد وياه طنشيه او ان غيري الموضوع او سايريه

وبيني وبينج المفروض اهيه تغار منج لان ردج بعد ماتزوجها

 

[شموخ ممطير]

اقسم بالله اني على نياتي وماضريت احد ابد بس هو اناني بشكل مو طبيعي تخيلي قطعني عن كل الناس حتى جاراتي ما اروح لهم وحتى اهلي منعني عنهم هالحين لومو مسافر مستحيل يجيبني عند اهلي والوحده ذبحتني وزوجته تروح وتجي وتطلع على كيفها ويقولها خلي جارتك تجيك تونسك او انتي روحيلها والله قدامي يكلمها ويقولها كذا من ثاني يوم رجعتي له وبس مداريها منى انها مقصره معاه باشياء كثير وانا والله مهتمه ومايبيني حتى اقوله ليش تسوي كذا حتى لو باسلوب هادي بس يهددني بطلاق وربي مليت من ها الدنيا كلها ظلم في ظلم

 

[شموخ ممطير]

خلااااص من رجعت له مافي شي يونسني بها الدنيا اذا جاء قعد عندي ساعتين ويروح ينام لان دوامه 12ساعه باليوم واليوم الثاني ما اشوفه ابد وكل ها الوقت قاعده بروحي واا جاء ينكد علي اقسم بالله ابي يوم واحد افرح فيه كل يوم لازم تنزل دمعتي

 

[*E.B.D.A.3*]

شوفي حبيبتي
مبين ان مشاكلكم السابقه وايد مأثره فيه
الي مو راضي يوخر الانطباح السيء عنج!!

مهما حاولتي ومهما تعبتي، يظل يشوفج الانسانة السيئة
مقارنه بالصنم الي عنده.

قعدي معاه وحطي حد للسالفه
قوليله، انت تفهم طبيعه المرة والا ماتفهم ؟
ماتمدح مرة جدام مرة ثانية!
والله لو انها انظف الخلق واتقاهم ، بكرهها بسبتك!
فلا تزرع كره هالمرة الطيبه ، بقلبي!!
وترى مهما مدحت فيها جدامي كمحاولة منك اني اصير زينه
مراح اصير!!
بكرهك واكرهها ، وسلوكي مراح يتعدل!

اذا عندك ملاحظة على عده تصرفات طالعه مني
قولي! صارحني! قول انا مو حاب هالشي الفلاني الي فيج، وانا بقولك حاضر
اما انك تضرب مثل عنها جدامي!! وتتوقع اني اتغير!! مستحيل!!

ياخي افهم ان اهيه انسانه،ربي خلقها بهذا الشكل بهالتصرفات
وانا انسانه ثانية تماما ، شي اخر ،
يمكن صارت بينا مشاكل ، ميخالف، انا خذيت درس و تغيرت،
منت عادل اذا ظليت تحكم علي بسبة تجارب فاشله بيني وبينك عفى عليها الدهر!!!

ونصيحه ياقلبي، نصيييحه طالعه من القلب لي القلب
لا اتخلين عن هويتج وتقتبسين هوية انسانة ثانية عشان ترضين فلان وعلان!
انتي انسانه هاذي تصرفاتج وهذا تفكيرج ، الي يبي يتقبلج خل يتقبلج فيهم .. مو بدونهم!!!
يعني مو معقولة يبيج تصيرين نسخه عنها عشان يتقبلج! يسلام!!

 

[بكيزة هانم]

التوفيق من الله

 

[لقلبك عزف حروفي]

الله يعينك ويصبرك يا رب