بنات تكفون هالسالفه انشروها وخاصه البنات إللي مو متزوجات خل يديرون بالهم تكفوووون

[شيخة الحلوة]

ربي يرحمتك وعفوك وسترك

الله يستر عليها دنيا واخره

ويحفظنا ويحفظ عيالنا وبناتنا وبنات المسلمين من كل فاسد يارب

 

[لافه شعرها]

رد : بنات تكفون هالسالفه انشروها وخاصه البنات إللي مو متزوجات خل يديرون بالهم تكفوووو

يمه الله يستر علينا

 

[ام نيوفي]

يمه خوفتني عاد انا دايم يروح للمحل هذا اهو ابو بابين
حسبي الله عليهم والله ينتقم منهم

 

[عضوة ذهبية]

رد : بنات تكفون هالسالفه انشروها وخاصه البنات إللي مو متزوجات خل يديرون بالهم تكفوووو

""" حدث العاقل بما لايعقل فان صدقك فلا عقل له """
حبيبتي صاحبة الموضوع مشكورة على اجتهادك وحرصك على خواتك وبنات ديرتك
أولا مبدأ أن الوحدة تطلع من دون استاذان سواء من زوجها اذا متزوجة او اذا بنت من دون اذن اهلها هذا مبدأ مرفوض ولازم الاستاذان ،،، ولكن في كثير من الناس تخلق خيالات وقصص بس من باب الترويع وزرع الخوف وانا اضد هالمبدأ لان يمكن يأثر بشكل سلبي على المستمع والمتلقي ،،، انا مااقصدك بالشي هذا انا اقصد اللي ذكرت القصة لانها وللاسف قصة اغرب من الخيال يعني "" الفحيحيل مزدحم بشكل كلي وخاصة الدبوس وتحديدا صوب المحل المقصود وخلينا نفترض ان القصة حقيقية مافي وحدة ترضى على نفسها تغتصب بالطريقة هذي وترضى ماتاخذ حقها حتى لو كانت النتيجة الطلاق وبعيدين عفوا شنو هالحبوب اللي تمنع الحمل بعد عملية الاغتصاب
؟؟؟؟؟ وفي قصة مذكورة في قسم المشاكل الاجتماعية تقول ان في وحدة اغتصبوها في الضجيج ثلاث عمال واقتلوها ولفوها بزولية شدعوة يبا شدعوة وين الجرايد عن هالقصة اذا بس التحرش يحطوله صفحة كاملة اللحين اغتصاب وقتل ولانسمع ولانقرى ولا لهم قضية وان كان قضية لازم فيها اعدام وخبركم الاعدام كل الكويت تدري عنه ياجماعة الخير احنا موضد مبدأ النصيحة ونشر الخير احنا مع مبدأ المصداقية وتحري الحقيقة والله يوفق الجميع

 

[الزين والغلا لي]

اللوتس

حبيبتي انتي سالفتج عن وحده ثانيه غير اللي اتكلم عنها

والبلوكات صايره فيها اكثر من سالفه مو وحده ولا ثنتين واجد حسبي الله عليهم

 

[الزين والغلا لي]

,




فيه سآلفه قديمه مشآبهه لهآ وكآنت صج , لأنهآ وصلت لـ آلشرطه فـ أنتشر آلخبر
لكن هذا آلخبر مو أكيد مصدره مجهول يوم وصلي مآصدقت !!


يعني زوجهآ مآدرآ للحين ؟
أنزين مآ درى ليه تعلم كآهو آلخبر أنتشر , ميه سؤآل وآلجواب مجهول
وآلله أعلم

بس آلموضوع حلو جبتيه من نآحيه آلنصيحه , وآلواحد لازم يخاف ويحذر من هـ الأمور
آلدنيآ مآلهآ أمان , آلله يحفظنآ بس ~

لا زوجها ما درا ولا علمته الحمدللله ما حس بشي والله ستر عليها لو يدري كان ما قعدت عنده دقيقه وحده لان غلطها من البدايه انها طلعت من دوامها بدون استذان منه لو كانت مستأذنه منه وصار فيها اللي صار ان كان ماسكتت وعلمته لان هالشي غصبن عليها ولا راح يطلقها لان اللي صار مو بكيفها وينلعن خير الكلاب حزتها بس الله اراد الشي والله يستر عليها دنيا واخره لكن اللي قدرت تسويه علمت اللي تعرفهم من الحريم القراب وكل وحده انشرتها عند اهلها بدون ماتدري بالمراه الحقيقيه عشان ماتنكشف يعني السالفه انتشرت ومتاكدين انها حقيقيه بس مو معلمين عن المراه نفسها فهمتي يا قلبي عشان مايوصل لزوجها

 

[الزين والغلا لي]

بس حبيت اقول بنااات هالغبار اللي طلع دوخ البنت والريال اللي فتح طاقه القماااش مادخل في خشمه هالماااده
مو شي غررريب فكرووو فيهااا انتووووو

حبيبتي هو طيره بوجهها مو بوجهه شفتي لما يفتح الخام وانتي واقفه قباله ينفضها بالوجه يعني هو ما جاه شي

 

[الزين والغلا لي]

الله يستر عليها

هذا درس للمتزوجات اللي يطلعون بدون علم ازواجهم

عاد انا جم مره يقولونلي بنات الدوام امشي الجمعيه يمنا

بس انا اخاف من الله قبل لا اخاف من زوجي

اذا زوجي ما يدري ربي فوقي وراح يكشفني

اعتقد مافيها شي لو استأذنا أزواجنا قبل لا نطلع

ديربالج تسوينها والله ماتدرين شيصير يحتى لو الجمعيه يمكم يمكن لاسمح الله صار حادث والا دعمتج سياره والا صار اي شي ودرا زوجج ماتسوى عليج

وفي بعد سالفة المدرسات اللي بعبدالله مبارك السنه اللي فاتت لما طلعوا من المدرسه على ابو انهم بيروحون لمشغل بالمنطقه يشوفونه ويردون ماراح يطولون ومااستأذنوا من رياجيلهم ولما دخلوا المشغل والا الشرطه ماسكينهم والسبب ان هالمشغل مراقبيه وكان للدعاره وهو بالسرداب والمدرسات طبعا مايدرون وقالولهم بالمخفر دقو على اهلكم كل وحده دقت على رجلها وقالتله وقالها انتي طالق ودقي على اخوانج حتى ماجوا يطلعونهم من المخفر على طول طلقوهم لان من البدايه مايدرون انهم كانوا طالعين وقالو اشدرانا انه صج مشغل لو مشغل مستأذنات قبل ماتطلعن بس اكيد رايحات للخراب استغفر الله هذا كلام رياجيلهن لانهن مااستأذنوا منهم الرجال دام طلعتي بدون اذنه مستحيل يسامحج لو صار شي

ديريبالج يا الغاليه

 

[سارونهh_a_z]

واااااااااااااااااااااي شي يخرع حسبي الله ونعم الوكيل ساعات الوحدة تضطر تروح بروحها

 

[الزين والغلا لي]

رد: رد : بنات تكفون هالسالفه انشروها وخاصه البنات إللي مو متزوجات خل يديرون بالهم تكف

الله ماشفناه عرفناه بالعقل اولا السالفة ماتدخل العقل ثانيا أني قلتي وتعرفينها ورفيجة خالتج تعرفها و وحدة قالت نعرفها من البنات العرف شلون استرت علي عمرها وزوجها ماعنده خبر باللي صار واهي الكويت كلها أعرفه قصتها ًًًًًًًًًًأنا اقول واحد سوا هالسالفه لانه يكره هالمحل لانه واصفه عدل واهي 3يلعبون عليها وتقعد وتقوم عادي وما تسال اهل المحل وتطلع بكل سهوله

يا قلبي انا ماعرفها بالاسم وحتى خالتي رفيجتها ماعلمتها بالاسم منو هي بالاسم ماندري هي السالفه صج يعني حتى هي نفسها انشرتها بلسانها بس ماقالت انها هي قالت وحده نعرفها فهمتي هي ماعلمت بالسالفه الا خواتها من امها وابوها واللي قراب منها حيل وتدري انهم ماراح يفضحونها وانشروا السالفه عأساس البنات يأخذون الحذر منه لانه اكيد لما يعرف ان هالبنت مابلغت عليه بيكررها

وبعدين شكوو الحقد على المحل يا كثر ما كرهنا محلات مافضحنا فيهم ولا تبلينا عليهم هذا عرض وشرف مااحد يتهم فيه حبيبتي لو السالفه مو صج ماوصفت محله هالجلب ولا علمت عليه حسبي الله عليه يا عل حوبتها ما اتعداه

 

[واثقة بجمالها]

الله يستر عليهاا ويحفظنا

 

[الزين والغلا لي]

حسبي الله عليهم عساهم ما يتووفقوون ..


حبيبتي لازم تبلغ عنهم .. في اداره مباحث سريه .. يعني الاهل والزوج مايدروون عرفتي ؟؟


وهالرقم دايم يحطه المحامي خالد عبدالجليل برنامجه ..


تكفين لازم يمسكونهم ويلعنون خيرهم الخير ..


بس شنو جنسيتهم ..؟

حبيبتي البنت خايفه ولا تبي المشاكل والسوالف ساتره على عمرها دام ربي سترها وزوجها ما حس بشي

بس اللي عليها علمت وحذرت

وجنسيتهم والله مدري اصلن حتى المحل مااعرفه ولا عمري جيته لاني بالاساس من سكان المنطقه الرابعه وعمري مارحت محلات الفحيحيل حدي مجمعاتها الكبيره بس ولا سألت عن جنسيتهم بس اللي بالمنطقه العاشره اكيد تعرف شنو جنسيتهم اكيد مار عليها المحل

 

[سلطانة الكويت]

لاحول ولا قوة الا بالله .. ياربي تسترنا فوق الارض وتحت الارض ويوم العرض

 

[الزين والغلا لي]

اي صح هالسالفه واصلتني حسبي الله عليكم الحثاله بس حرااام انها سكتت لان مثل ماسوو فيها بيسوون بغيرها لازم لهم رادع اذا قصدهم محل الريم !!!!! اناخلقه ماحبه ولا احب ادخل محل خام سبحان الله تحوشني غلقه

حسبي الله عليهم وانشالله الله يشلهم ويحرقهم بالدنيا والاخره دمروو المرا زين ما تستخف ولا يصير فيها عقده حتى من ريلها ان لمسها لازم الديره تسوي حمله وتنظف الديره من الحثاله اللي وصخوها

والله ياختج المحل بالضبط مااعرف اسمه بس وصفه مثل ماقلتلكم انا ماني من العاشره مااعرف محلاتهم بس اذا انتي بالعاشره ووصف محل الريم اللي قلتي عنه نفس الوصف اكيد اهو

اي والله حسبي الله عليهم دنيا واخره عساه يشوفونه باقرب الناس لهم يا عل حوبة المسكينه ما اتعداهم

 

[}{نرجسيهـ}{]

يممممه 


الله يستر علينا وعلى اهلنا



افا عليج اقتباس موضوعج وبرودكاست على طول ..~

 

[الزين والغلا لي]

ليش ماتبلغ الشرطه وتسوي تقرير من وراه


اذا كلش كلش تقول لزوجها شتسوي والله لو انا مااخليهم


او ابلغ عنهم ادق على الشرطه من رقم بقاله او اي شي وادليهم على المكان واشرح لهم حالتي وهم راح يروحون لهم



حسبي الله ونعم الوكيل فيهم عسى الله يردها لهم بشرفهم ولخواتهم يارب

التقرير عندها سوته لها الدكتوره بس خشته في بيت اهلها وماتبي تعلم رجلها دام ماحس بشي لان بالاساس طلعت بدون اذنه وهي معترفه انها غلطت لانها طلعت بدون اذنه وندمانه من هالشي ومحتره لان لو زوجها مستاذنه منه ان كان يوم سووا اللي سووا ما خلتهم العنت خيرهم الخير ماقعدتهم دقيقه واخذت حقها منهم الجلاب بس خوفها لانها ماعلمت زوجها ماراح تظمن ردة فعله لا تلومينها يا اختج

وانا نفسج والله اعلم زوجي وما اسكت لو ثمنها طلاقي ما اخليهم عيال اللذين الحيوانات حسبي الله عليهم لاني انا واثقه ماسويت شي وهالشي غصبن علي بس المراه حرام عندها اعيال وماودها تشتت بيتها وعيالها وتدمر حياتها


والشرطه لا دقت ماراح يردون عليها لان ماعندهم اثبات لازم دليل ماراح ياخذون بكلام وحده داقه تلفون بيقولون تعالي وسجلي حاله وقضيه وحتى لو كانت سريه هي خايفه وماتبي


امين عساهم يشوفونها بخواتهم وبناتهم عسا حوبتها ما اتعداهم

 

[قهوة عربية]

لا حول ولا قوة إلا بالله

حسبي الله عليهم ...الله ينتقم منهم ....والله الدنيا تخرع وماعاد فيها أمان

الله يستر علينا وعلى بناتنا وبنات المسلمين...آآآآآآآآآآآآآآميييييييييييييييييييييين

 

[الزين والغلا لي]

رد: رد : بنات تكفون هالسالفه انشروها وخاصه البنات إللي مو متزوجات خل يديرون بالهم تكف

""" حدث العاقل بما لايعقل فان صدقك فلا عقل له """
حبيبتي صاحبة الموضوع مشكورة على اجتهادك وحرصك على خواتك وبنات ديرتك
أولا مبدأ أن الوحدة تطلع من دون استاذان سواء من زوجها اذا متزوجة او اذا بنت من دون اذن اهلها هذا مبدأ مرفوض ولازم الاستاذان ،،، ولكن في كثير من الناس تخلق خيالات وقصص بس من باب الترويع وزرع الخوف وانا اضد هالمبدأ لان يمكن يأثر بشكل سلبي على المستمع والمتلقي ،،، انا مااقصدك بالشي هذا انا اقصد اللي ذكرت القصة لانها وللاسف قصة اغرب من الخيال يعني "" الفحيحيل مزدحم بشكل كلي وخاصة الدبوس وتحديدا صوب المحل المقصود وخلينا نفترض ان القصة حقيقية مافي وحدة ترضى على نفسها تغتصب بالطريقة هذي وترضى ماتاخذ حقها حتى لو كانت النتيجة الطلاق وبعيدين عفوا شنو هالحبوب اللي تمنع الحمل بعد عملية الاغتصاب
؟؟؟؟؟ وفي قصة مذكورة في قسم المشاكل الاجتماعية تقول ان في وحدة اغتصبوها في الضجيج ثلاث عمال واقتلوها ولفوها بزولية شدعوة يبا شدعوة وين الجرايد عن هالقصة اذا بس التحرش يحطوله صفحة كاملة اللحين اغتصاب وقتل ولانسمع ولانقرى ولا لهم قضية وان كان قضية لازم فيها اعدام وخبركم الاعدام كل الكويت تدري عنه ياجماعة الخير احنا موضد مبدأ النصيحة ونشر الخير احنا مع مبدأ المصداقية وتحري الحقيقة والله يوفق الجميع

حبيبتي سالفة الضجيج صج وانكتبت بالجرايد وسالفة البلوكات صج وانكتبت بالجرايد يمكن انتي ماقريتي بس صج وانكتبوا بالجرايد واصلن بنت البلوكات بالذات انا اعرفها الله يرحمها وكانت عروس قبل عرسها باسبوع صار فيها هالشي والضجيج بعد معروفه سالفتها وبنت الضجيج والبلوكات كانوا بنات مو متزوجات حسبي الله على اللي سوا فيهم جذي

لكن هالمرأه هذي متزوجه واطلعت بدون علم رجالها وهي تدري انها غلطت بهالشي بس رجالها مستحيل يسامحها لانها طلعت بدون علمه واكبر حجه له وبيطلقها وهي ام عيال ماتبي عيالها يضيعون واسترت على نفسها دام رجالها ماحس بشي
لكن اللي عليها علمت خواتها واللي حيل قراب منها وتدري انهم لانشروها ماراح يقولون اسمها وانتشرت السالفه عشان البنات يديرون بالهم

الله يستر علينا وينتقم منهم

 

[غــلاوي]

رد : بنات تكفون هالسالفه انشروها وخاصه البنات إللي مو متزوجات خل يديرون بالهم تكفوووو

اي سمعت هالقصه الله يعينها اذا صج السالفه
بس يابنات اذا كانت صج المحل مو الريم لا
في محل خام ثاني صغير جدام المركز الفرنسي ويكون يم العائله عند الجواج
في محل صغير دايم فاااضي هذا المحل المقصود لانه جدام المركز الفرنسي بالضبط
ويم المحل محل ثاني يبيع اجناط ومكياج ومن هالاشياء
خخخ طولت بالوصف

 

[الزين والغلا لي]

يممممه 


الله يستر علينا وعلى اهلنا



افا عليج اقتباس موضوعج وبرودكاست على طول ..~

جزاج الله خير والله انا يوم امس سمعتها قسم بالله ما قدرت قدرت لازم اعلم هالمره البنت هذي متزوجه لكن البلا والموت والحره لاصارت مو متزوجه وسووا فيها جذي ودمروا مستقبلها حسبي الله عليهم

انشروها بنات وحذروا كل اللي تعرفونهم والله يحفظنا ويحفظ بناتنا

ومشكوره يا قلبي