بنات تكفون ساعدوني بموووت من الضيق

[بنت عطا]

السلام عليكم ورحمه الله وبركاته

السالفه ياطويلات العمر انه انا اشك بخدامتي ودايم اوسوس انها اطق عيالي في غيابي وانا نوعيتي حيل متعلقه فيهم واحاتيهم

بس ملزومه اروح المدرسه واغيب ال4 ساعات هذي فهني كله مو مرتاحه وتعبانه نفسيا من السالفه هذي

ابي اتاكد شلووووون انه عيالي بخير معاها وخصوصا عني ولدي الكبير كله يطقها بوجودي ومايحبها تلمسه فما اادري شرايكم... ؟؟

وولدي الثاني توه مايعرف يعبر ويقووول

وهم دايم اتحلم فيها احلام خايسه واخر واحد امس انها تجر عيالي مع شعرهم واطقهم

بنات تكفووووووووووووون ذابحني الضيق ساعدوني شسوي ابي اتأكد وياليت اللي تعرف تفسر تفسرلي حلمي هذا

انها تجر عيالي مع شعرهم واطقهم وطالع على خدها نفس الكدمه البنفسجيه وزوجي لما درا بالحلم عنها انها طاقتهم قام يطقها بالنعل على وجها..

بنات ابي الرد باسرع ووقت تكفون واخر حل عطوني اياه الكاميرا لاني ماراح اتحمل اشوف ابي دليل قدامي مباشر​

 

[حرم راشد الماجد]

اذا امج قريبه منج

وديهم مع خدامتهم بيت امج

واذا بيت خالتج يمج نفس الطريقه

والشغل لاحقه عليه حبيبتي عليه اهم شي عيالج


والله جنج تدرين
انا توني شايفه تصوير كاميرا حق بلاوي الخدم حسبي الله ونعم الوكيل

 

[اوركيييد]

حبيبتي كلميها على طوول واذا قدرتي طبي عليها فجاءه تطمني عليهم وردي الدوام علشان تعمل حساب

وحده اتصير لنا حاطه كامره مخفيه من غير لا تدري وفي نظام تقدرين تشبكين واتشوفينهم مباشره

 

[اوركيييد]

الله يسهل ويهون علييج صج صعبه

 

[بنت عطا]

يابنات بعد قلبي مشكورين عالرد انا ادرس الثانويه وابي شهاده فما اقدر اهدها مظطره

وامي بعد الله يعينها صج انقص وجهي منها مااقدر كل يوم اوديهم لها وامي بعد تدرس نفسي يعني ماتقعد بالبيت

 

[اوركيييد]

خلي اي احد يروح بدالج يطل عليهم

واشدراج يمكن من كثر التفكير يصير فيج وسواس

 

[ترانيم القصيم]

أهلاً أختي الفاضلة ,, جميعنا نقدّر لكـ خوفكـ على أبناءكـ ,, لكن ! أن تصل الأمور

إلى أن يتم ضرب الخادمة من قبل ( الزّوج ) لمجرّد ( حلم ) علّه يندرح تحت طائلة أضغاث الأحلام ..

هنــا [ نقف ] لداعي مراجعة أنفسنــا ! و هل ما فعلناهـ صحيح حينما قد ضربنا الخادمة من دون ذنب ؟

فلا تهمة على شخص حتّى يُأتى بدليلٍ يقرّ إدانته ,,

هذا ليس من الصّواب و العدل أن يتم ضرب الخادمة و السّبب " حلم "و ليتكم حسبتم إذ حسبتم حينما ضربتم

تلكـ الخادمة أنّكم قد عالجتم الأمر , بل علّ فعلتكم هذهـ تعكسه بصورة سلبيّة فتصبح الشّكوكـ حقيقة لا يختلف

في كونها إثنان ,, احذري كلّ الحذر أختــاهـ الكريمة .. ^_^

فوالله و بالله و تالله قد تتحيّن أقرب الفرص فتنتقصها لداعي الإنتقام منكم من خلال ( أحد فلذّات كبدكـ ! )

الحــل من وجهة نظري أن تعاملوها بالحسنى مع توخّي الحذر , و نبّهي طفلكـ الصّغير إلى ضرورة تحسين أسلوب

تعامله معها فقد يتعرّض للأذى إذا ما غفلت عيناكـ و زوجكـ عنهم ,, هذا شيء , الشّيء الآخــر عندكـ دور الحضانة

الصّباحيّة أو اذهبي بهم إلى أحد أقرباءكـ كـ والدتكـ مثلاً فهي خير جليس لهم

بوركتِ و على طريق الخير سُدّدتِ

ترانيم القصيم

 

[حرم راشد الماجد]

انزين حتى لو خالتج
اختج اذا عندج خوات ما يشتغلون

واذا وايد تعبانه من هالشي وديهم الحضانه وافتكي

 

[بنت عطا]

ياقلبي هذا اللي حاصل الوسواس صار وخلص

زوجي يقول يبي يلبد بمكان ويراقب لاني انا كلش ولا عيالي لو اشوف شي بسيط بعيالي اقلب وحش والله اصير اخرع....ذبحني التفكير وخاصه انه عيالي مايقولون ولايعلمون وانا مدري ليش شاكه فيها حتى بالحلم تطلع لي..
موجايني نوم مافيني صبر على باجر على مازوجي يراقب ويتأكد بس اهو خايف على وعلى اللي في بطني وانا قلبي مايتحمل حيل حساسه

 

[بنت عطا]

أهلاً أختي الفاضلة ,, جميعنا نقدّر لكـ خوفكـ على أبناءكـ ,, لكن ! أن تصل الأمور

إلى أن يتم ضرب الخادمة من قبل ( الزّوج ) لمجرّد ( حلم ) علّه يندرح تحت طائلة أضغاث الأحلام ..

هنــا [ نقف ] لداعي مراجعة أنفسنــا ! و هل ما فعلناهـ صحيح حينما قد ضربنا الخادمة من دون ذنب ؟

فلا تهمة على شخص حتّى يُأتى بدليلٍ يقرّ إدانته ,,

هذا ليس من الصّواب و العدل أن يتم ضرب الخادمة و السّبب " حلم "و ليتكم حسبتم إذ حسبتم حينما ضربتم

تلكـ الخادمة أنّكم قد عالجتم الأمر , بل علّ فعلتكم هذهـ تعكسه بصورة سلبيّة فتصبح الشّكوكـ حقيقة لا يختلف

في كونها إثنان ,, احذري كلّ الحذر أختــاهـ الكريمة .. ^_^

فوالله و بالله و تالله قد تتحيّن أقرب الفرص فتنتقصها لداعي الإنتقام منكم من خلال ( أحد فلذّات كبدكـ ! )

الحــل من وجهة نظري أن تعاملوها بالحسنى مع توخّي الحذر , و نبّهي طفلكـ الصّغير إلى ضرورة تحسين أسلوب

تعامله معها فقد يتعرّض للأذى إذا ما غفلت عيناكـ و زوجكـ عنهم ,, هذا شيء , الشّيء الآخــر عندكـ دور الحضانة

الصّباحيّة أو اذهبي بهم إلى أحد أقرباءكـ كـ والدتكـ مثلاً فهي خير جليس لهم

بوركتِ و على طريق الخير سُدّدتِ

ترانيم القصيم

يااااااااااااااااااااااااااقلبي فهمتيني غلط بالحلم كان يطقها مو صج_03ba: زوجي مايطق حشره مو اسلوبه انا تحلمت انه يطقها لانها طقت عيالي بعد بالحلم<<<وانا دراستي مسائي مو صبح

 

[العـــائده]

اختي الغاليه بالنسبه لاحلامك هذي من الشيطان ..... تسمى حديث نفس ليس لها تفسير .......

في الوقت نفسه لابد أن نراعي احكام الشرع والدين والضمير في المعاملة مع الخادمة..
فلا نفترض فيها سوء الظن منذ البداية لنهي الرسول صل الله عليه وسلم عن ذلك في قوله

: 'إياكم والظن فإن الظن اكذب الحديث'.
ولا ينظر اليها علي انها فرد مهمش في الاسرة يتم التحقير من شأنه فيزداد حقدها تجاه الاسرة.
لابد من معرفة ان هذا الغريب اذا كان عاملا فالاسرة في حاجة اليه
ويعامل علي انه موظف يؤدي دوره في المجتمع ويأخذ عليه اجره..
دون اهدار لحقوقه وبهذه الضوابط بين افراد الاسرة والغريب تصبح الحياة ميسرة بعيدا عن الوقوع في المحظور.

 

[بنت عطا]

ياناس افهموني ليش قلبتوا الموضوع تهميش ومعامله الخدامه واني ظالمتها انا اقول ابي ارتاح واطمن على عيالي لاني احاتيهم حيل واهي عليها تصرفات تجيب الشك

 

[*قفشة عسل *]

اقطعي الشك باليقين وركبي كاميرا بالبيت وبتعرفين اذا هي تسوي شئ ولالا وبترتاحين وبتطمنين

 

[بنت عطا]

جزاكم الله خير

 

[دلع روز]

ماادري مافيه حل الا الكاميرا
او سألي ولدج الكبير شلونها وياهم اكيد بيعلمج اذا تسوي فيهم شي

 

[بنت عطا]

تدرين شنو المشكله يادلع

انه ولدي قبل كل شي يقول وقدامها ويفشلها ويعلم بأقل شي الحين مايتكلم بأي شي تغير طبعه ولايعلم بأبسط شي <<هذا اللي حارني

 

[نسمة الجنوب]

قلب المؤمن دليله
يبه افتكي منها وريحي بالك

 

[*loveli-noni*]

وااااااي الله يعينج

 

[sara999]

كاااااااامرا بعد مايبيله

 

[مينونه1]

اسالي اعيالج


ولاااااا حطي كاميرا