بنات تكفون ساعدوني أنا شهادتي دبلوم أبي أكمل بكالوريس تربية أساسية إشلون

[أنـجـال]

مرحبااااا 
إشلونكم بنات عساكم بخير
شخباركم*
اشلون الدوام

ممممم بنات حبيباتي

أنا شهادتي دبلوم سكرتارية وإدارة أعمال مكتبية متخرجة من معهد السكرتارية والادارة المكتبية في الهيئة التطبيقية*
*
وتعينت سكرتيرة في مدرسة وكملت ثلاث سنين على تعييني والحين داشة على السنة الرابعة*
وأبي أكمل بكالوريس تربية أساسية تخصص مكتبات*

أقدر ولا لأ
طيب اشلون أول شيء شنو أسوي وين أروح بليز بنات تكفون اللي عندها خبر أو تعرف أحد تسأله تقول لي بليييييز بنات ضروووري بنات

إختكم {[ أنــجــال ]}

 

[طبعي شموخ]

Up
Up
Up
Up

 

[Angel_store]

اب اب اب

 

[يازمان العجايب]

اول شي المعدل لازم جيدجدا
وثاني شي اتقدمين علي اجازة دراسية
​

 

[العــــ الناعسه ــيون]

نطري التسجيل بشهر واحد راح توصل نشره للمدارس للي يبي يقدم على اجازه دراسيه وبعدها تروحين ادارة التطوير بالجابريه واستفسري اكثر منهم

والله يوفقچ

 

[! هُوْ وِينِه !]

أنآ بعد أبي أستفسر بس أنآ للحين مو موظفة

 

[ماما جيكره]

اب اب

 

[رحيل المرافيء]

اعتقد مايصير لازم تقدمين من يد ويديد شدخل السكرتارية بالمكتبات
شلون تكملين وتخصصج غير

 

[أنـجـال]

( طبعي شموخ )
ثااااانكس حبيبتي على الرفع

( Angel store )
ثااااانكس حبيبتي على الرفع

( يا زمان العجايب )
مشكورة حبيبتي ، لا مو لازم المعدل يكون جيد جداً ، حبوبه أنا تأكدت إذا المعدل جيد وفوق وآخر سنتين من تقرير المدرسه امتياز تقدرين تكملين*

*( العيون الناعسه )
مشكووووره حبيبتي وأجمعين يا رب

*( هو وينه )
مشكوره حبيبتي والله يوفقج إن شاء الله

*( ماما جيكرة )*
مشكووووورة على الرفع حبيبتي

( رحيل المرافيء )
مشكورة حبيبتي ، امبلى يصير تأكدت وشنو شكو السكرتاريه بالمكتبات وشكو من يد ويديد بالعكس أقدر آخذ تفرغ دراسي وأكمل ،*
أنا قصدي إني آنا سكرتيرة وشهادتي دبلوم أبي أكمل بكالوريس ترى أقدر أدش تخصصات معينه ومن بينهم المكتبات اذا معدلي جيد وما فوق وآخر سنتين من تقرير المدرسه امتياز والله يوفقنا ان شاء الله

بس مشكله اذا تقاريري بالمدرسه مو امتياز الله يستر*
الله يكتب لنا اللي فيه خير ويوفقنا يا رب

 

[حلاتي بندرة وجودي]

موووووووووووفقة

 

[amoraa-q8]

بس مادري جنه في موظف قال لي ان مايصير نكمل عالدورات الخاصة

جان زين لو يصير

أنا ودي اكمل بس مابي ٤ سنين من جديد

 

[طآل عمرهآ]

حبيبتي أنا بالتربية الأساسية وشكثر ويانا بنات يكملون وياخذون اجازة دراسية اول شي المعدل يكون جيد وفوق وبعدين تدرسين اربع سنين من جد وجديد والتخصص اللي تبينه وكيفج تبين توظفين فيها ولا تكملين ع وظفيتج بالدرجة اللي تاخذينها

 

[لهفة المشتاقه]

صج والله زين بس خل اتوظف عاد بخاطري اكمل دراستي

 

[الجوريات]

ايه بنات عادي اتكملين اذا توظفتي وتاخذين تفرغ دراسي اذا كملتي وانتي صارلج سنه موظفه ينزلج نصف راتب وسنتين بعد نصف راتب اما بعد ثلاث سنين ينزل الراتب كامل والي تحب تستفسر اكثر انا هاذا الي اعرفه

 

[أإلع ـشق دلع ـهـأإ]

أنآ بعد ودي أكمل درآستي ..

انزين لآزم أكون متوظفه .؟؟

مآيصير مو متوظفه وأكمل درآستي !!

 

[أنـجـال]

مرحبااااا يا أحلى كويتيات
اشلونكم عساكم بخير*

amoraa-q8
ليش عادي حبيبتي صدقيني بتمر الاربع سنين بسرعه البرق أنا لو منج والله لأكمل ومشكورة على مرورج حبيبتي وموفقه يا رب*
*
طال عمرها*
الله يبشرج بالخير يا حياتي وعسى ربي يوفقج وتتخرجين بمعدل حلو وترفعين رأس أهلج ان شاء الله ومشكوره على مرورج حبيبتي

لهفة المشتاقة
اذا عندج شهادة ثانوية عامة ونسبتج حلوة قدمي وشوفي وموفقه حبيبتي مشكورة على مرورج

الجوريات
مشكورة يالغاليه وعسى الله يوفقج ويحقق لج اللي تبين حبيبتي

العشق دلعها
اذا عندج ثانوية عامة تقدرين تكملين ان شاء الله انتي قدمي وشوفي والله يوفقج يا أحلى عروس مشكورة على مرورج حبيبتي

 

[too00ta]

انا ودي اكمل بعد
انا موظفه من خمس سنين بس ابي استقيل علشان اتفرغ للدراسه يصير ولا لا؟؟؟؟

 

[أنـجـال]

توتا*
حبيبتي ليش تستقيلين حرام
شوفي تقدرين تاخذين تفرغ دراسي وبراتب كامل بعد لأنج من زمان موظفه صار لج خمس سنين بس لازم تقديرج بالدبلوم يكون جيد وفوق ولازم آخر سنتين مدري ثلاث سنين من تقريرج بالدوام امتياااااز وبعدين تقدرين تكملين استخيري حبيبتي والله يوفقج

 

[too00ta]

مشكوووره عالرد حبيبتي بس انا اخر تقرير جيدجدا يعني لازم انطر سنتين امتياز علما اقدم ويوافقون او لا بعد سنه يعني انطر 3 سنين او اكثر وانا مستعيله علي الدراسه موهامني الدوام لاني موحابته ومومحتاجه الا الدراسه
ودي اعرف يصير استقيل وادش كليه التربيه الاساسيه ولامايصير ؟