بنات تكفون اللي عندها نيباليه تدش وتفسرلي شنو المكتوب ؟

[جكورة]

السلام عليكم شخباركم بنات إن شاء الله طيبيـــــــن...

بنات تكفوون اللي عندها نيباليــــــة بغيتها تترجملي هالكلام لقيته عند خدامتي وتوهقت يوم شافتني....

بس عفيه أبي الترجمه على الخاص......

tum mere ko kiu mera maka nam Liya mera ma Jessa v ho o mera he . . AAJ Tak ITna bat Kiya KVV Bura Nai LaGa PR AAJ MU BHHUT Bura laga .AAJSE MEtuko KaVV Nai PUCHHEGA KI NASTA KIYA KRKE .KYA TUMA GAUME SASU DAMA TKO NASTA DETA HE. BAI

واللي يعافيكم اللي تعرف لاتبخل علي حاسـة بشئ بس م عارفه شنو ؟؟؟؟

 

[جكورة]

:jumpon:

 

[سلطـ زمانها ــانة]

حبيبتي والله ماعرفت حاولت اترجمه بعد ماقدرت

ودورت نيبااليه مالقيت

ان شاء الله يساااعدونج

بس ماادري احس انه رساله لأهلهااا عاادي

 

[قطاوي]

ياقلبي خدامتنا قرته وانا قريته هذا كلام هندي مونيبالي حتى خدامتنا نيباليه تقول هذا هندي وحتى انا لماقريته هندي مونيبالي

 

[رقية وسبيجة]

لحظة لحظة نطريني

خدامتي قاعدة تترجم لي لوعت جبدي

بس الرسالة فيها طق مطاقق الله يستر نطري على ماخلص

 

[خبيرة اعشاب]

و الله خدامتي نيبالية يوم شافته قالت لي هذا مو نيبالي يا ماما و ما عرفته

 

[رقية وسبيجة]

تقول انها اول مايت الكويت كانت زينة وبعدين الحين مو زينة نو قود نو قود

ونقول ان ماما تطقني ..وفي اسم ماعرفنا هو هندي او اسمج انتي وهو

ليا اسم ماي ماما عاد مادي اسم امها او اسمج

وبعد نطري

 

[رقية وسبيجة]

جكوورة

هذا مسج لاقيته بتلفون خدامتج والا ورقة

لان خدامتي تقول هذا مسج

 

[رقية وسبيجة]

تقول انها اول مايت الكويت كانت زينة وبعدين الحين مو زينة نو قود نو قود

ونقول ان ماما تطقني ..وفي اسم ماعرفنا هو هندي او اسمج انتي وهو

ليا اسم ماي ماما عاد مادي اسم امها او اسمج

وبعد نطري

ترى عدلت في الكلام الي فوق

خدامتي لوعت جبدي على ماتترجم وعلى فكرة ترى خدامتي نيبالية بس تعرف هندي امها هندي
وتقول ترى في نيباليات يتكلمون هندي


tum mere ko kiu mera maka nam Liya mera ma Jessa v ho o mera he

هذي ترجمتها :

اذا بتخانقني ماما على طول تييب سيرة امي ليش ؟؟

 

[رقية وسبيجة]

اخر ترجمة تقول في المسج :

ان اول كانت تسولف وتتكلم مع الناس وعلى راحتها

بس الحين كلشي ممنوع ممنوع

الكويت الحين مو زين نو قود


الاخت تبي تهيت وتسولف مع العالم وتبي تسوي علاقات وصداقات

مادري يايين يلعبون مو يشتغلون حسبي الله عليهم

 

[طبيخه]

الله يكافيج شرها
قولى اللهم اكفينهم بما شأت
خلوووه تخلى منهم خدم شر لا بد منه

 

[قطاوي]

استغفرالله
صايرين مايقين فوق المعامله الحلوه والله نعاملهم جنهم من اعيالنا ولانحسسهم انهم غربين وبعد مومبين بعينهم ومعاشها قبلها زاهب

 

[فاطمة82]

شكلها قاعده تشتكي منج

 

[جكورة]

ماقصرتوا بنات والله يجزاكم خير ونعم الخوات.......

ومشكورة رقيه وسبيجه على الإهتمام ياقلبي ماقصرتي.....

وهالمسج لقيته بتلفوني اللي مخليته عندها عشان أدق على بنيتي وأنا بالدوام واليووم نست الظاهر تمسحه الإخت بالمرسله ويوم شافتني اتخربطت..

والله يابنات إني ماعمري هاوشتها ولاطقيتها وأعاملها زين عشان تعامل عيالي زين ماتخوون فيهم وأنا بالدوام بس والله الظاهر ماينفع معاهم إلا العين الحمرة ولاينعطوون وجه هالخدم الله يكافينا شرهــــم.....

بنات اللي عندها هندية خل تترجمه لي يمكــن تقدر تفيديني.......

وأبي الحل وشلون أتعامل معاها ؟؟؟؟؟

 

[طبيخه]

حطى كامرات فى بيتج اذا عندح اطفال اصغار تشوفهم وانتى بدوامج اقطعى الشك باليقين وشوفيهاا اذا فيها خير لعيالج ولا مسويه فيهم الهوايل اما بالتصرفات بتعاملينها ما ينفع ابد إللى ما فيه خير فراقه خير وانتى ابخص

 

[قطاوي]

ماقصرتوا بنات والله يجزاكم خير ونعم الخوات.......

ومشكورة رقيه وسبيجه على الإهتمام ياقلبي ماقصرتي.....

وهالمسج لقيته بتلفوني اللي مخليته عندها عشان أدق على بنيتي وأنا بالدوام واليووم نست الظاهر تمسحه الإخت بالمرسله ويوم شافتني اتخربطت..

والله يابنات إني ماعمري هاوشتها ولاطقيتها وأعاملها زين عشان تعامل عيالي زين ماتخوون فيهم وأنا بالدوام بس والله الظاهر ماينفع معاهم إلا العين الحمرة ولاينعطوون وجه هالخدم الله يكافينا شرهــــم.....

بنات اللي عندها هندية خل تترجمه لي يمكــن تقدر تفيديني.......

وأبي الحل وشلون أتعامل معاها ؟؟؟؟؟

انا مع طبيخه ومافيها شي وليش لاء يبا حطي كامرات وارتاحي اهم شي راحت بالج ياقلبي وسوي روحج عادي ولافي شي بس ديريبالج منها ولااتدلعينها ولاتعطينها ويه اهي موكفو ولاتعطيها العين الحمره ولا تعورين راسج خل تولي بس بهدوء راقبيها من ابعيد لي ابعيد بس لاتتغيرين عليها الزم ماعليج اعيالج ياقلبي بس مثل ماقلتلج راقبيها لاتغفي عينج عليها هاذي تتدلع مالت عليها بعد مادري على شنو وياقلبي عندنا وعندج خير وقلعناها وافتكينا بس انتي لاتسوين شي ديري بالج

 

[جكورة]

طبيخه والقطوة المعسوله مشكورين حبايب قلبي والله إني مفكرة أحط كاميرا من زمان بس سبحان الله في شئ يردني بس الحين أنا جاده وبحط بس من وين أشتريها ؟؟؟؟؟؟؟؟

 

[رقية وسبيجة]

جكورة حبيبتي

الله يعينج كلنا متلعوزين مع الخدم مايبين بعينهم

بس لاتمسحين المسج وترى اي هندي يقدر يقراه

انا خدامتي يننتني على ما ترجمته خخخخخ بس خلاصة الحجي انها تتشكى منكم

الله يكافيج وعيالج شرها

 

[رقية وسبيجة]

في محل كنكوني الي بحولي خبري فيه كاميرات مراقبة

 

[الفنانه79]

هلا جكووووووره والله قلت حق خدامتي هنديه (المقروده ماتعرف تقرا ولا تكتب )



المهم

نصيحه من اختج لااااااااااتحطين كاميرات

ببساطه ماراح تقعد عندج ولاااااااااااااااااا خدامه لانج راح اتموتين لو شي بسيط ماراح اتحملينه

شوفي اذا عندج اكثر من ياهل في البيت وديهم حضانه والله احسن لج قلب واريحلج بال


اروح وارجع وانا مرتاااااااااااااااااااااحه

تضل عندها بس الصغيره على الاقل صغيره ماتحوس ولا تأذي

والله ان الحضانه اللي فيها اعيالي امهات ايبون اعيالهم عمرهم 5 شهوووور يلعبون بالدراي في الحضانه

تقولي الام من صجج اخلي اعيالي عند الخدم واهي صاجه

انا ناويه اذا يبت ياهل بعد اشوي ولو كان صغير اوديه الحضانه ولا اقعد عند خدم حسبي الله وكافي


هذي نصيحتي ياخويتج وبراحتج