رد : بنات تعالو نسوي لنا مسلسل تركي
بعد مرور يومين طلع الدكتور ريان من المستشفى
استانس ريان وااايد منها افراج و منها عشان يدور على المتسول
اول ما طلع من المستشفى و اهوه ماسك العكازه عشان الرضه الي بريله
ريان : اول شي ارد البيت و اكل الاكل العدل مو اكل المستشفى يع
وقفله تكسي
التكسي : على وين ؟
ريان : اممممممم انت امش و بالطريج بقولك
التكسي : توكلنا على الله
و اول ما وصل ريان على البيت عطى التكسي فلوسه وراح
عاد توه بيدش البيت و تذكر المتسول
ريان : صح المتسول لازم الاقيه
دش ريان البيت و قط اغراض بالبيت و طلع
ريان : مع اني امشي بمساعدت العكازه بس ما يمنع اني ادور على المتسول
و صار يمشي بالشارع و يسأل الناس عن المتسول و يقولهم مواصفاته اشلون
ليما الناس و صلوه ليييي البحر الي فيه زوارق قديمه
انصدم ريان
ريان : معقوله هذا ينام اهني ؟ الحين اهوه نايم داخلهم ولا شنو ؟
و صار ريان يمشي بين الزوارق القديمه و يطلطل داخلهم عله و عسى يلاقيه
وصار ينادي
ريان : يا المتسول ............. يالمتسول
بس محد رد عليه
ريان : شكله مو موجود اشلون الحين الاقيه بلاحقه من شارع لي شارع
مستحيل
ولا فجأه يسمع احد واقف وراه و يقوله
المتسول : انت ضايع ؟
ريان ابتسم و لف و يهه و طالع المتسول
ريان : اهلا عمي
لا انا مو ضايع
المتسول انصدم من الي شافه بس حب يبين انه ما يعرفه خاف انه يصير له مشاكل
المتسول : عيل انت اكيد ياي اتصيد
ريان : لا ...... و يبتسم
المتسول : على راحتك يا ولدي
راح المتسول قعد على واحد من الزوارق ريان لحقه
ريان : ممكن اقعد معاك ؟
المتسول : لا
ريان : شكرا
وراح قعد مع المتسول
المتسول يطالعه مستغرب
المتسول : انت مينون قتلك لا ما تفهم
ريان : امبلى افهم و قتلك شكرا على الدعوه
المتسول يقول ابقلبه : الحمدالله اني شفتك بخير
ريان : اشلونك شخبارك
المتسول : الحمدالله عايشين
المتسول يعني يسوي نفسه ذكي
المتسول : اشفيها ايدك و ريلك
ريان : كنت اللعب كوره و طحت وانكسرت ايدي و ريلي صار فيها رضه
المتسول : حمدالله على السلامه
ريان : لي متى بنضحك على بعض
المتسول : بشنو ؟
ريان : انا اليوم طلعت من المستشفى و ما حبيت اني انام بالبيت الا وانا شاكرك
على الي سويته معاي
المتسول ابتسم و قال
المتسول : اهم شي انك انت بخير سامحني اني ما وديتك المستشفى
ريان : كل هذا و تقول سامحني لولاك جان انا محد درى عني وانا بالشارع
المتسول : خفت عليك لاني كنت مو عارف شنو اسوي
ريان : ابي اردلك الجميل الي سويته بحقي وابي اساعدك
المتسول : اتساعدني ؟! اشلون ؟
ريان : انا عرفت من الناس انك تتمنى انه يكون عندك بيت تقدر تنام فيه وانت مرتاح
المتسول : ......................
ريان : وعشان انت انقذت حياتي بحققلك امنيتك
المتسول : انت تتغشمر صح ؟
ريان : لا يا عمي انت تستحق اكثر من جذي
المتسول : انزين اشلون بتلاقيلي بيت ؟
ريان : بشارعنا الي احنا ساكنين فيه فيه بيت صغير هذا لنا انا و اخوي الكبير
ابوي الله يرحمه خلاه لنا عشان اذا احد تزوج فينا يسكن فيه عشان نكون اقراب من بعض
المتسول : انت ماراح تتزوج يعني ؟
ريان : لا ما اظن خخخخخخخخخ هذا هديه مني لك ومابي منك شي مقابل السكن
المتسول : لا هذا وايد علي اشلون تبيني اعيش على حساب شخص ثاني
انا صج اني متسول بس ما ارضى اني اظل طول عمري اعيش على حسابك
ريان : لاتكسر فيني انا حالتي الماديه زينه ولا تخاف علي ما راح تحوشني ازمه اقتصاديه اذا سكنتك على حسابي
المتسول : بقبل بشرط ؟
ريان : شنو ؟
المتسول : اول فتره بعيش على حسابك بس بعدين انا بشتغل و ادفعلك اجار كل شهر
ريان : جذي ترضى ؟
المتسول : اي
ريان : اوكي اتفقنا
المتسول بجى من الفرحه و قال : اخيرا بعيش بمكان انضيف نفس الناس
ريان : اي اخيرا ...... انا اسمي ريان
المتسول : تشرفنا
نادي طارق
ريان : تشرفنا عم طارق
