خلصت الكلمه توي بقوم الا اشوف شله شباب جايين صوبي,,,,,,,,,,,,
كل واحد يقط كلمه غزل .,,,,,,,,,وواحد يسوي روحه مهم يقول حابه تطلعين معاي اليوم
طبعا انا طنشتهم لانهم مو صج وصايعين وبعدين قاموا تعودوا علي ودروا اني وحده ثقيله وما اعطي ويه ,,,,,,,,,
بس لا حظت امير كان يراقبني من بعيد ويشوف شلون اتعامل معاهم ,,,,,,
طلعت من الجامعه وصلت للباركات توي بركب السياره
الا ماشوف الا احد يناديني من بعيد,,,,,,,,,
قمر
قمر
امبيه انا تصرقعت حدي خويفه
اثاريه امير قاعد يركض يمه مو صج
بيني وبين نفسي فكرت خل اركب السياره واشرد
بعدين قلت امبيه لا هذي مو حركات ناس لبقه وتعرف تتعامل لازم امسك اعصابي واعرف اتصرف باجر الحياه تحطني بظروف زي هيك
قرب امير للسياره الا يقول لي
وين رايحه
الا انا من خوفي قلت له بروح مكان كاااااك
الا يقول لي يصير نكون اصدقاء ,,,,عادي يعني
كائن وكائنه وصداقه
طبعا على ويهي مليون علامة استفهام
اخر شي فكرت خمس ثواني وقلت له
لا
ومشيت
