بنات تعالو ابي افضفض لكم :(

[DooLy88]

عادي حده لوووووووووووووول

 

[نــعــوومــه]

عادي حبيبتي دايما اول سنوات الزواج يكون فيها مشاكل ..لأن توكم مافهمتو اطباع بعض عدل .. بعد العشره يصير كل شي اوكي ... الله يسخركم لبعض ​

​

 

[روزماري]

رد : بنات تعالو ابي افضفض لكم

شوفي يآ آختي انا بنصحج نصيحة من آخت حـآولي تبتعدين عن المشاكل اذا شفتيه معصب أضحكي واذا شفتي الجو تكهرب غيري الموضوع لشي يونس حـآولي تملين حيآتج وحيـآة زوجج خليه ينسى المشاكل دايم غيري شكلج ولبسج دايم سوي مفآجأت وحركـآت بالشقة حتى لو شفتيه معصب عوديه عالوناسة انا زوجي اول آيآم عرسنا أحسه ثقيل مو نفس طبعي والله غيرته الحين صـآير بس غشمرة مجننته بالحركات حتى لو حسيت ان زعل سيدة اغير الموضوع وأفرفش واضحك والله عودته والحمدلله ما عمري تهاوشت معاه انا نفسج بيصيرلي 7 شهور تهاوشت معاه مرة وحدة بس وزعل خفيف بعد
الحين اللي عليج تنسين كل المشاكل وتبدين حياة جديدة ولا تحطين فكرة اول سنة دايم مشاكل لا قولي اول سنة دايم وناسة صدقييني لا تعودين زوجج عالمشاكل هآذي أول سنة المفروض تستانسون مع بعض وعلى فكرة الرجال اول الايام يبي يشوف طبعج يحاول يفرض شخصيته وبعض البنات يعاندون ويبون بفروضون شخصيتهم عشآن جذي تصير المشاكل

الله يهديكم ويسخركم لبعض آميــــــــــــــــــن يــآآآرب

 

[حياتي كلها لله.]

حبيبتي أنا ابي انصحج لله ولانج مثل اختي
تحملي الريال وتنازلي عن اشياء وايد
خلي الدنيا تمشي لاتعقدين الامور
أنا ادري حبيبتي انج تبين حقج بس طوفي
ترا الريال يكره النجره ويكرهج
وعلشان لا توصل للطلاق
اسم الله عليج

*

 

[روحي تحبه غصب]

حبيبتي لاتتضايقين صدقيني ايام وبتعدي ان شاء الله

وباجر راح تتذكرون وتضحكون على روحكم

دايما طنشي وهدي الامور وعيشي حياتج بدون نكد عشان الريال مايزهق منج ومن كثرت زعلج وحنتج

 

[eman84]

ترى مووشرط المشاكل تصير بسنه اولى زواج !! او عقب 5 سنوات ماله علاقه

يعني الناس يقصدون ان اختلاف تربية كل طرف و تفكيره تبين على حقيقتها فيصير بينهم نجره خفيفه واختلاف راي وبس !!

انتي لاتحطين براسج ان لازم تصير مشاكل علشان ماتعيشينها صج ! وان حصلت بينكم عادي حليها بوقتها واخلاص ولاتعطين كل مشكله اكبر من حجمها وتاخذين الامور بحساسية وتصيرين زعوووول وتالي يطفش الريال منج

تعوذي من ابليس وخلج انتي الفاهمه و العاقله و طولي بالج ودامكم تحبون بعض الحمدلله هذا اهم شي ومومقصر وياج بس بعد شتبين

الله يهنيكم ان شاءالله

 

[وٍنْة خٌفْوٍقٌ]

رد : بنات تعالو ابي افضفض لكم

ماقصرو البنات كفو ووفو

وهي البدايه دايمن جذي الين ماتفهمون بعض

ونصيحتي لج عليج بسورة البقره فعلن سحر اقريها بنية هداية و تسخير زوج لج

والله يوفقج يارب ويرزقج الذريه الصالحه

 

[قمر^خالد]

حبيبتي أول سنه من الزواج داايم تكون فييها مشااكل ... ميخاالف نطري أن شاء الله تهدى الامور بينكم

 

[macintosh]

رد : بنات تعالو ابي افضفض لكم

عادي حبيبتي
اول سنة مثل ماقلتي بيئتين منفصلتين
اطباع مختلفة اجتمعت شي طبيعي
حطي بالج هالشي
في ردود بنات قالوا حتى لو تنازلين
انا اختلف معاهم لا تنازلين خصوصا اذا
ما كنتي غلطانة لكن خلي زعلج على دلع وطفولي
عشان تخلينه يراضيج اللي اقصده لاتعودين ع التنازل
لانج بتعودين طول عمرج تتنازلين وتهدمين شخصيتج
بس خلج ذكية بزعلج تعلمي شلون تجذبينه صوبج

مثلا بعلمج طريقة شريرة شوي سويتها مع ريلي

مرة كنا متهاوشين واهو الغلطان وانا كملتها ونفست عليه
يحاول يطيح الميانة وانا ماكوو آخر شي عصب وهدني
عقب نص ساعة تقريبا (وهني الخطة ) دقيت عليه قلت
له برود اسفة حبيبي ادري ماراح يسامحني بهالسرعة وعلى هالبرود
فرد علي منفس "ما اقبل اسفج " جان اسوي نفسي مكسورة الخاطر واصكه
طلع من دوامه على طول ياني البيت يراضيني

اللي اقصده تقدرين تاخذين حقج وترجعين لنفسج اعتبارها مو شرط بهاوش وتحدي
بس بشطارتج ؛) وهم مثل ما قالوا لاتصيرين واايد حساسة وتزعلين على اتفه الاسباب
عشان تصيرين عزيزة .

والله يوفقكم يارب ويهدي سركم

 

[مسك الجود]

ههههههه ضحكتيني أنا صارلي متزوجه 18 سنه ومافهمت زوجي كلا صراخ وهواش وزعل الحين بنتي بالثانويه ومافهمت زوجي ولا اهو فهمني توج في بداية الطريق صدقيني الحياة الزوجين كلها مشاكل في مشاكل والبيوت اسرار والشاطره اللي تصبر وتحتسب الأجر عند الله @

 

[عيش و مرق]

لامو شرط اول سنه هواش

انتى هدى مع الريال لاتعصبين على كل شي مسكى نفسج والاحسن ماتتواجهون وايد لو اسبوع على ماتهدى النفوس