بنات تعالوا خنسولف عن المكياج وكل وحدة تقول طريقتها واسرارها

[أحب بابا جابر]

السلام عليكم ورحمة الله وبركاته
شلونكم بنات
























بنات ودي اتكلم عن 3 شغلات
المسكرة
الكونسيلر
نضارة البشرة

1- المسكرة


ابي افكاركم وطريقتكم عشان نحصل على النتيجة هاذي:
رموش مفرقين والمسكرة متغلغلة فيهم من جذورهم تحسينهم اندهنوا عدل بالمسكرة والمسكرة تطولهم وتكثفهم بشكل واضح وترزهم وتخليهم واقفين جنهم تركيب


2- الكونسيلر

شنو الطريقة اللي تخليه يخفي البقع صح ؟ وشنو ماركته ؟
وهل تستخدمون فرشاة حقه ولا اسفنجة ولا بالايد ؟

3- النضارة وهالشي يشووووووووووووووق يشوق يشوق
احلى شي اذا كان الفنش ما ل الفنديشن مو مرمد ومو بودري لأ يكون ندي
شنو تستخدمون قبل الفنديشن ايلومينايزر ولا مرطب بس ولا برايمر
ولا تغذية وماي وايد :eh_s(2): والميك اب ماله شغل ؟


ومشكورين خنسولف بنات

 

[أحب بابا جابر]

شدعوة بنات احبطتوني ولا رد !

 

[مريومه 85]

هلا حبيبتي الماسكرا احب بينفت وسان لوران وبعدهم أحط ماسكرا الألياف اليابانيه ........ الكونسيلر كوستال حلو واكثر من ممتاز وبعد ذا بالم وبينفت ........ للنضاره في أشياء وايد بعد او قبل المكياج قبل مثل كاريولانshimmering event في لونين برونزي و على وردي وفي بخاخ النضاره نيومست صرت ما استغنى عنه وبعد المكياج لمعه ذا بالم الصدفيه حلوه وبس حياتي

 

[Charming.Diva]

المسكرة اذا تبين توصلين لنفس النتيجه الي انتي قلتيها
عندج ثلاث ماركات :

هيلينا روبنشتاين :
اسمها سبكتيكيولار اكستنشن .

كريستيان ديور :
اسمها نيولوك .

وهم على دربي لقيت هالصورة لوحده حاطه نيولوك :

لوريال :
اسمها فاليوم ميليان لاشز

ولقيت هالصورة حق وحده حاطتها :

هالثلاث مسكرات على اختلاف ماركاتهم ، كلهم راح يعطونج نفس النتيجه بالضبط ،، بس كل وحده لها خاصية بروح
عندج مالت هيلينا روبنشتاين ، اغلاهم .. جنها كانت ب15 او شي جذي .. بس فيها زيت الخروع وطبيه
مالت ديور ،، ارخص من هيلينا ، شي 11 دينار اتوقع ، بس ماتدمرج بالكحل ، كحلها خفيف وتعطيج افضل النتايج
مالت لوريال ،،، ارخص وحده فيهم ب6 دنانير ، بس كحلها وايد

 

[Patcholli]

هالكريم من اولاي خلاني استغني عن الفاونديشن والكونسيلر
ماشاء الله عالج بشرتي وفتحت وصار فيها نظاره

استخدم كريم التفتيح والحمايه
واستخدم مثله كريم الليل
وكريم تفتحي تحت العين

وانظف ويهي بكريم افون اهو عباره عن حليب وعسل
وايد يرطب البشره وينظفها من الاعماق

الماسكرا ماكو على ديور بلاك شو
تطول وتفرق وتكثف الرموش احبها حيل ماستغنى عنها

الكونسيلر ماقمت احطه بس ساعات لما ودي اغير اللوك احط كونسيلر واستخدم كونسيلر كريولاين الستيك مو السائل
حط نتفه ومايبين وثابت ^_^

 

[الأميرة جوري]

لرفع

 

[هامش الطيف]

الكونسيلر اذا تبينه يخفي صح
حطي باصابعج وحطيه بالطبطبه مو مسحح جنه كريم اسااس

حتي البودره طبطبه


احلا كونسيلر العجله من كريولاين
وبعده nyx


مسكرا احب ريميل مادري ماحبيت غيرها


واذا اكو شي احسن عادي منكم نستفيد

 

[ღ كحلاء العين ღ]

،*

المسكرآآ أحب ther'e real مآلت بنفت

تصلح للإستعمآل اليومي ومو ثقيلة عالرموش وتعطيج اللوك الطبيعي النآعم
وأحلى شي فيهآ إنهآ مآ تلزق الرموش ببعض :\

الكونسيلر

مآ أعرف له للأسف

النضآرة

هذي من العنآية اليومية والإهتمآم ويبي له بشرة صآفية من الأسآس

أنصحج اهتمي بآلمآي و التغذية

وشوفي شنو نوعية بشرتج واخذي كريمآت تنآسبهآ

وأأأهم شييي لآآآآآآآ تخلطيييييييييييييييييييين بين الكريمآت

مو تستخدمين ألف كريم مرطب ومرة تحطين ومره لآ

إشتري وآحد لليل وثآني للنهآر واستمري عليه فترة شهر إن نآسبج اعتمديه بشكل دآئم

و إن لآ دوري بنفس اللطريقة لين مآ تلقين اللي ينآسبج


وبعد مآتصفين بشرتج تقدرين تحطين إضآءآت وجذي تلعبين فيهم عشآن تعطيج لوك النظآرة


وفي برآيمر ذآت جآل من بنفت حلو ويعطيج لمعة تهبل
​

 

[سـمـو الآمـجـاد]

بالنسبـة لي اعتمد ع العنآية اليومية بالبشرة
ومقويآات الرموش و شرب المآي و فيتآمينات البشرة والعصآير

المسكرة
احط طبقتين من مآسكرا ميبيلين الفهد الصفرآ .. وورآه لاآش شوك عشآن افرقهم وسموكي لاآش لرموشي السفلية
الكونسيلر
اكتفي بكونسيلر جآرنير لتحت العيون و حوالين الشفايف
نضارة البشرة
غسول وصوآبين الرايتنج و كريم الفايتمن سي

 

[البرنسيسه77]

للرفع

 

[خلطات المذهله]

موضوعج يشوق
اهم خطوة عندي ترطيب البشره
اول شي استخدم ماي ورد انا سويته بنفسي ماعجبني الي بالسوق للاسف كله مغشوش او غير متخصص في البشره رغم اني اخذت انواع مكتوب عليها للبشره ,,,
ماعجبتني كلش
المهم سويت ماي ورد خاص لي راقي وناعم علي البشره
والله يابنات ان لما ارش ماي الورد احس بشرتي تتفتح وتصير نضره
جربو الصبح تستخدمون ماي الورد قبل المكياج او الحمايه ,,شوفو الفرق


وثاني شغله احط مرطب خفيف ايضا خاص فيني سويته لبشرتي لانها حساسه يحتوي علي فيتامين سي والجنكوبيلوبا والايلاستين طبعا لاني في الثلاثينات محتاجه شد وامتلاء

يعني اختارو كريم يحتوي هالمجموعه من المكونات اذا كنتو بعمر الثلاثين وفوق

اما العشرينات انصحكم تاخذون كريم يحتوي فيتامين سي وزيت شجره الشاي

وبعده احط حمايه الشمس وبس


نادرا احط مكياج لكن ماستغني عن الماسكرا خصوصا بينفيت او لانكوم توني هابه فيها وايد عجبتني مع اني تركتها بسبب تساقط رموشي منها

قرقت وايد هههههههه