بنات ترضيت تتزوجين واحد اصغر منج و .....

[ولــــيـــنـــا]

:yaaaaaarb:السلام عليكم

بنات انا تقدملي واحد اصغر مني ب 5 سنوات وارمل وعنده ثلاث اطفال وانا مطلقه ومحتاره اوافق ولا لاء شرايكم خواتي ساعدوني خصوصا اني انا مو صغيره بالعمر انا عمري 35 واللي متقدم لي عمره 30

ناطره ردودكم ​

 

[عيون السعودية]

شوفي أنا بالنسبة لي أشوفها صعبة لأن المرأه تحب دايم تدلع عند زوجها وتبين نفسها انها صغيرة أحيانا الرجل يكون اكبر من زوجته بعشر سنوات ومع ذلك يبين هو أصغر خصوصا مع تقدم العمر
لكن أحيانا يكون مو شرط كيف
يعني على حسب شكلك وجسمك يعني ممكن تكوني في الشكل أصغر من عمرك ويكون هو شكله أكبر من عمره
وبالنسبة لوضعك أنا اشوف أهم شي تكوني مستترة وتتزوجي احسن ماتقعدي طول عمرك بدون زواج
أنا أخوي كان عمره 30 سنه وتزوج وحده عمرها 34 سنه وكانت مطلقه وعندها بنتين وما شاءالله ربي موفقهم
بس اتذكر موقف محرج حصل لها مره كانوا مسافرين مصر وكنت معاهم المصريين على بالهم اني أنا المدام حقته وان زوجته الماما طبعا السبب لأني أنا وأخوي نحاف وزوجة أخوي ماشاءالله سمينه وكانت المسكينه تنحرج بس أخوي مايعلق عليها بس كان يموووووت ضحك عليها وهو ساكت

 

[Pippa]

’

امي أكبر من ابوي بـ 5 سنين وثنينهم كآنوا مو متزوجين والحمدلله الحين عآيشين ومرتاحين ..

بــس آنا عن نفسي مستحيييييييييييييييييييييييييل آخذ وآحد اصغر مني ابيه اكبر مني بـ 3 سنين او اكثر

 

[زين ودلال]

والله حبيبتي توكلي على الله اذا ريال زين مصلي ومسمي وشاريج ليش لأ؟؟؟

واذا على الشكل تهتمين بعمرج راح تبينين اصغر منه

 

[حلمي أشوفك]

اول شيء استخيري الله ثم استشيري العباد
صراحة وبرايي انتِ ليش ماتوافقين بالعكس وافقي لو كان انسان كويس منها تكسبين اجر هالايتام

 

[غيــــوض..]

حبيبتي كثري من الاستخاره

هي المفتاح لحيرتك استخيري كثير واطلبي من الله الخيره والتوفيق والستر


بعدين فكري بالعقل اذا هو كويس راعي خلق ودين وصلاة توكلي على الله بعد الاستخاره

وتقدرين تصيرين اصغر منه بالاهتمام الرياضه ثم الرياضه ثم الرياضه ثم الرياضه

ثاني شئ الضحكه والشخصيه المرحه الكوميديه العفويه تخلي البنت صغيييره...

اهتمي بترطيب بشرتك بشكل مكثثثف عشان تتاخر التجاعيد بالظهور

الله يوفقك ويسعدك وييسر امرك يارب...

 

[someone like u]

مافيها شي لو خذتي اصغر منج .. ام رفيجتي اكبر من ابوها ب5 سنين .. وعايشين عادي
استخيري .. العمر الا رقم

 

[Um Ritaj]

اختي الفاضله

العمر مجرد رقم

اهم شي تسالين عن صلاته واخلاقه

والله يوفقج ويدلج لطريق الصواب

 

[سندس 90]

حبيبتي شفرقت ٣٠ عن ٣٥ ألحين الريال أبو ال ٤٠ تلاقينه نفس تفكييير أبو ٢٥ والله

 

[bal8es]

الله يكتب لج الى في الخير
كل وحده بالمنتدى من بيئه غير و تفكير غير وكل وحده لها رايها
اهم شي انتي شنو تبين
و موفقه

 

[دلوعة صلوح]

عادى حبيبتى العمر عمرة ماكان مقياس لنجاح الحياة الزوجية اذا انتى شايفتة زين مصلى وذاكر

ربة توكلى على الله .

 

[lemonda]

اولا استخيري ثانيا عادي اشف فيها تتزوجين واحد اصغر منك بالعكس انا اعتبرها فرصه وجات الين عندك بالذات اذا كان فيه كل المواصفات الي تتمنينها والعمر مجرد رقم ماله علاقه بالتوفيق والحظ ياما بنات متزوجات اكبر منهم ولا توفقوا وبعدين اذا داري انه اكبر منك وموافق ليش لا لاانه لو يبغى صغيره كان خطب صغيره الله يكتب لك الي فيه الخير

 

[صديقتك ياليل]

الله يوفقج

 

[ماني من الناس]

توقيعج حبوبه مايصير لان لازم تكون عندج عضويه تاجره عشان تنشرين اعلان

وانتي مطلقه وماذكرتي اذا عندج عيال او لا

المشكله مو في انه اصغر منج

انتي حابه انج تربين عياله وتكونين حنونه عليهم وتاخذين فيهم اجر او لا


او انج مو من النوع اللي يحب يضحي ويساعد لان وحده عن وحده تفرق

وبناء ع كلامج انه ريال زين

 

[إماراتية طر]

استخيري ربج
والعمر مب مشكلة اهم شي الاخلاق والدين
وربي يوفقج إن شاء الله

 

[Hello_kitty]

بالعكس حبيبتي ما اشوف فيها شي اهو متقدملج ويعرف انج اكبر منه بس ما حاولتي تعرفين منه ليش خطب وحده اكبر؟؟

انه اعتقد اهو فكر انج تكونين ناضجه وفاهمه وتقدرين تحتوين اعياله وتقدرين مسؤليه الحياة الزوجيه

انتي استخيري والله يكتبلج اللي فيه الخير لج لا تضيعين هالفرصه يمكن يكون خوش ريال وتتوفقين معاه

بس هم شوفي نفسج اذا تقدرين تتقبلين اعياله وما تفرقين بينهم وبين اعيالج مستقبلا وتراعين حق الله فيهم

ترى هذولي ايتام والله تاخذين فيهم اجر عظيم بيكونون لج مثل اعيالج ويبرونج

 

[طيش سكر]

استخيري

 

[كزنوفا]

اذا كان رجال اكويس وماعليه اخلاقه تمام
استخيري

بس تزوجيه عادي وش فيها مافي فرق 30او53 في النهايه كلكم بالثلاثينات

الله يفرجها لك اذا كان زين الله يقربه لكي واذا شين باخلاقه الله يبعده عنك

 

[i'm so happy]

الله يوفقج حبيبتي وبالنهاية القرار يرجع لج

والعمر مو مهم المهم اللي بتعيشين وياه وماتدرين يمكن هالشخص يكون فعلا اهو المناسب لج
ولا ضيعين فرصة العمر وخصوصا المنفصلة يا يتقدم لها واحد منفصل او متزوج شويه صعبة ايها واحد عازب

 

[سمر شمر]

واحد من الاهل ماخذ وحدة اكبر منه فووق ال 5 سنوات

ويابت له كله بناات وولد واحد مريض الله يشفية ((اصغرهم بعد

وصار لهم غوق 30 سنه مشاءالله

ولا فكر ولا فكرنا مجرد تفكير ياخذ عليها

لان الحب هو اللي يبني هالعلاقة

والله يسهل اممرج يااارب