بنات بنتي داون وليلحين مامشت ولاحبت شسوي ساعدوني

[meme23_80]

بنتي داون عمرها سنه ونص
وليلحين مامشت ولاحبت ولاطلعت اسنان
شسوي ساعدوني

وكل مااحاول اوقفها تتعب وتحاول تقعد تتعب من الوقفه بسرعه ورحت لدكاتره قالوا مافيها شئ بس اهما فيها رخاوه
رخاوه ادري بس الرخاوه ماتمنع من المشي
عفيه قولولي شسوي وين اوديها شسوي معاها

وابي افحص على نظرها عن دكتور خاص وين تنصحوني
واكون شاكره لاهتمامكم

 

[HearT ChocolaTe]

حبوبه من قالج ان الرخاوة عادي ؟! والدكتور اللي شخص لج حالتها ما حولج على
علاج طبيعي !! فديتج حالتها ضروري العلاج الطبيعي لها ومكثف بعد .. وبالنسبه لدكتور النظر
ما عندي فكرة بس انتي حطي الليت على عيونها وشوفيها تقدر اتابعه ..
وان شاء الله احد يقدر يفيدج غيري

 

[meme23_80]

حبوبه من قالج ان الرخاوة عادي ؟! والدكتور اللي شخص لج حالتها ما حولج على
علاج طبيعي !! فديتج حالتها ضروري العلاج الطبيعي لها ومكثف بعد .. وبالنسبه لدكتور النظر
ما عندي فكرة بس انتي حطي الليت على عيونها وشوفيها تقدر اتابعه ..

وان شاء الله احد يقدر يفيدج غيري

لاوالله لاحولها ولاشئ ومشكوره على ردج واهتمامج ماتقصرين حبيبتي
لاوالله

 

[ريموه]

حبيبتي انا اختي طولت على ماحبت يعني التاخير شي طبيعي ومتوقع لاتخاافين حبيبتي والداون غالبا نظرهم ضعييف

بوسيلي اياها طلبتج جبييبه قلبي الله يخليه لج ياااربي

 

[meme23_80]

حبيبتي انا اختي طولت على ماحبت يعني التاخير شي طبيعي ومتوقع لاتخاافين حبيبتي والداون غالبا نظرهم ضعييف

بوسيلي اياها طلبتج جبييبه قلبي الله يخليه لج ياااربي

حبيتي الله يريحج ماتقصرين ياعمري

 

[shams2008]

لاتحاتين راح تتاخر بالمشي
انا بنتي شد معها ليلحين مامشت ولاحبت عمرها سنتين

الله يشفي الجميع

 

[شووكولاته]

اختي داون صح تأخرت بالمشي وكانو يودونها علاج طبيعي عشان تمشي

بسألج الوالده متى مشت بالضبط وشنوانو يسوونلها

لأن من زمان ونسيت

ان شاء الله تشوفينها تركض جدامج

 

[meme23_80]

مشكورين على ردودكم ماقصرتوا بنات

 

[ام اميره]

شووفي يالغاليه
الاهم انج اتابعين علاج الطبيعي وانا بودي بنتي الاحمدي عندي موعد بعد جم يوووم
وبالنسبه للنظر سويت فحص حق بنتي بالاحمدي وطلع عندها ضعف نظر ولهذا يومج وايها موراضيه تحط النظاره والله مادري شنو اسوي عشان اتخليها
وبالنسبه للتسنين بتسنن هالشهرين الياين بالكثير انشالله لاتحاتين بس ترى بيطلعون مطشرين عادي لانها تاخرت بالتسنين انا بنتي جذي كل ضرس بصوب ههههههه بس عادي والله
وبالنسبه للحبي قتلج مومهم اتحبي المهم الحين توقف بالاول وانا بعطيج تمرين انج اتوقفينها جدامج وعديلها اشكثر توقف هذا اذا تقدر توقف من غير مساعده المهم اذا وصلتي بالعد لرقم 20 يعني الحمدلله في تقدم بس اذا توقف بمساعده خلاص خليها توقف مسنده على شي مثلا اتوقفينها على القنفه ويكون ظهرها لورى على القنفه فهمتي ولعبيها وحطي جدامها اي لعبه بحيث تساعدها انها توقف لفتره عرفتي ولما تتعلم انها توقف سوي التمرين اللي قتلج عليه قبل بالعد انزين
وانا بنتي توقف بس اشوي واطيح وتروووح تحبي وتمشي بالبيت بس والله قالتلي الاخصائيه مابيها تحبي كلش كلش تقول اذا حبت راح تتاخر بالمشي لانها عاجبها الحبي ماتبي اتعب روحها فهمتي
وانا عيزت وانا اشيلها عشان ماخليها تحبي تعاند وتقعد والله ساعات امسكها من ايدينها وامشيها غصب ترى والله كل شي بيدج لازم علاج طبعي ولازم انتي تمسكينها وتمشينها وعطيها بيدها جزر وخليها تعضض فيها عشان اتسنن بس راقبيها اخاف تبلع
واي شي انا حاظره وعلى فكره بنتي الحين عمرها سنه و11 شهر وللحين مامشت بس انا مومخليتها قاعده امسكها ومشيها حتى اذا بطلع من باب الشقه اخليها تمشي للباب
واهيا مره بس خطت خطوه بالغلط وطاحت ومن يوها واحسها للحين خافه اذا مسكتها تمشي بس اذا هديتها تخاف وتقعد بالارض وتحبي هههههههههههه وهذي حالتي معاها
واي استفسار انا موجوده وبوسيلي الحلوه ربي يحفظها

 

[meme23_80]

مشكوره ماقصرتي ياعمري على هالمعلومات الحلوه والقيمه
ماقصرتي والله

 

[ام اميره]

عادي ماسويت شي اشدعوه كلنا خوات وانتي اكثر من اخت عاد خل نسمع صوتج انشالله على يوم ازوورج ودي اشوف الحلوه والله

 

[meme23_80]

عادي ماسويت شي اشدعوه كلنا خوات وانتي اكثر من اخت عاد خل نسمع صوتج انشالله على يوم ازوورج ودي اشوف الحلوه والله

اي حياج بالوقت اللي يناسبج انا اكثر وقتي بالبيت يالله شوفيلج يوم وتعالي هذا وعد انطر تلفونج
وبوسيلي البنوتات

 

[ام اميره]

انشاللله قريب يالغاليه

 

[شانييل]

يا عمري أنا أعرف بأطفال اداون.
إهمه فيهم رخاوة بس ما يمنع لااااااااااااااااااااااازم تدخلينها علاج طبيعي مرتين كل أسبوع وإنتي تسوينه بالبيت يوميا مثل ما يسون لها بالعلاج الطبيعي.
ولازم تدخلينها من اللحين لتدريبات الكلام والصوت واللغة.
تعبي فيها ترى الله مبارك فيهم, وعلميها كل دقيقة وثانية لاتهدينها علبو إنها ياهل لأ
وروحي مركز التدخل المبكر للأطفال وإهوه صاير بالسرة قبال الجمعية. إهناك يدربون بنتج كل إسبوع بس عسى ربي يرزقج بإخصائية شاطرة ومهتمة.
يقبلون بنتج, باللغة واللعب والحركة
وهم روحي مركز التطوري بالصباح إهناك ممكن تاخذين علاج طبيعي وهم مركز الفهد بس ما أذكر وينه أسفة ممكن تسألين عنه
دابجي ببنتج عسى الله يجعلها فال خير لج, ربي ينزل عليج البركات من ضعوفكم!!
وممكن تنزلين برنامج بورتيج من الانترنت وتدربين بنتج باللعب بالبيت.

 

[غلاي غير]

يارب ياكريم تشوفينها تركض جدامج وتفرحين فيها

ياقلبي لازمم علاج طبيعي وهناك يعلمونج شنو تسوين لها

 

[الريادة]

حبيبتي وديها أطباء مختصّين للعين ..
و حق ريولها ودّيها العلاج الطبيعي مركز الفهد عندج بمستشفى الطب الطبيعي .

 

[meme23_80]

يابنات كلكم تقولون علاج طبيعي وديها
وانا دافعه عند مساعد السعيد كورس كامل للعلاج الطبيعي
بس لما رحت التدخل المبكر قالولي اذا تبين تستمرين عندنا وقفي العلاج الطبيعي... لان العلاج الطبيعي ببيعلمونها الحبي واهم مايبونها تحبي
رحت العلاج الطبيعي وقتلهم لاتعلمونها الحباي قالولي احنا هذي طريقه تمارين نمشي عليها ومانقدر نغير شئ فيها

دوخنوا الله يدوخهم.. وماني عارفه شسوي.. اخاف اخلي التدخل المبكر وبعدين اتحسف مع اني موشايفه اي فايده مع التدخل المبكر ولافي تقدم

 

[meme23_80]

حبيبتي وديها أطباء مختصّين للعين ..
و حق ريولها ودّيها العلاج الطبيعي مركز الفهد عندج بمستشفى الطب الطبيعي .

مشكوره على مشاركتج

 

[meme23_80]

يارب ياكريم تشوفينها تركض جدامج وتفرحين فيها

ياقلبي لازمم علاج طبيعي وهناك يعلمونج شنو تسوين لها

مشكوره حبيتي ماقصرتي

 

[شانييل]

صراحة لا تاخذين بكلام الي قالتلج وقفي العلاج الطبيعي
لو تدري عنها المسؤولة جان عطتها تنبيه
أنا أقولج إهمه يقولون لا تجمعيين بين علاجين طبيعين علشان يعطون أولوية للي ما عندهم علاج طبيعي
وهو شكو ما تحبي لا يعمري علميها كل شي
وللأسف إهناك تطيحيلج بوحدة إما ما تفهم شي ولسانها شطولة
أو الله يرزقج ببنت الحلال الي بنتج تتطور بإذن الله على إيدها
عادي حبيبتي إذا مو عاجبتج إخصائيتها تقدرين تطلبين يغيرونها لج لأنج مو رتاحة من شغلها أو ما إستفادت منها بنتج