بنات بليز بغيت طريقة الرنجينه واللي يعافيكم

[دراما كوين]

مبارك عليكم الشهرر يا حلواااااااااااات
:tek: :tek: :tek:

بنات واللي يعافيكم بغيت طريقة الرنجينه والا رنقينه مادري :dddds: بلييييييييييييز ,,,, ابي طريقه سهله مابي شي معقد



واللي اعرفه ان احنا نحمس طحين وزبده ,, شكثر نحمس فيهم وواخاف يتكتل علي والا شي ,,,,



وبسالكم يصير اسوي رنفينه بالكاكاو؟؟؟يعني مسويه حركه يديده ؟؟؟؟؟ :tomato2:

 

[Snow angel]

تفضلي طلبك

المقادير : رطب بما يكفي صحنين متوسطين
1 كوب طحين
1 الا ربع كوب زبده او سمن نباتي
1 ملعقه صغيره هيل مطحون

الطريقه :
تنظفين الرطب بكلينكس مبلول شويه بالماء ثم تنشفينه .
بالابره تطلعين النواه من الرطب وتصفينه بالصحن بحيث يكون الطرف المفتوح لاعلى وتبدين تصفين بالصحن من الوسط
سمن نباتي .
اول شي تحطين الطحين بالمقلاه على نار متوسطه مع التقليب المستمر بملعقه خشب
واذا التصق بالمقلاه شيليها شويه من النار وقلبيها عدل بعدين رجعيها للنار
تقريبا ربع ساعه
تشيلين الطحين من المقلاه وتحطينه بصحن
ثاني خطوه تحطين السمن في قدر على نار متوسطه حتى يسيح ويسخن قليلا فقط
بعدين تحطين الطحين بالتدريج مع التحريك المستمر مده 10 دقائق تقريبا
ترفعين القدر عن النار وتحطي الهيل ... ومممممممممم على ريحه الطحين المحموس مع السمن والهيل !!!
والحين احلى خطوه عندي !!
لما تحطين حمسه الطحين وهو حار طبعا على الرطب وتشوفين الطشطشه !!
على طول ترفعين القدر من النار وتصبينه وهو حار على الرطب المصفوف .


منقووووووووووووووووول


الرنجينة


المقادير

بلح اصفر نصف ناضج

نصف كوب لوز – جوز –فستق
3 ملاعق كبيرة دقيق رقم 2

نص كوب سمن
1 ملعقة صغيرة هيل مطحون

الطريقة

تنزع النواة من البلح ويرص بداخلها اللوز وتصف طوليا في طبق التقديم

يحمص الدقيق حتى يصبح ذهبي اللون وينخل ثم يعاد الى القدر ثم يصب عليه السمن ويضاف الهيل
ويحرك حتى يتجانس

يصب هذا الخليط على البلح المصفوف في الطبق ثم يزين بالمكسرات

ويبرد في الثلاجة لمدة ساعة واحدة ثم يقدم


منقوووووووووووووووول

 

[دراما كوين]

فديييتج ضيووووفه مشكووره
عسى ربي يسعدج يارب ويرزقج



وبعد بغيت وصفات تكون سهله ومجربه

 

[Snow angel]

العفو حبيبتي

اللهم آمين أجمعين





إن شاء الله ما يقصرون معك البنات لكن هالطريقتين افضل شيء لقيتهم

 

[جارة القمر]

تفضلي طلبك


http://www.q8yat.net/showthread.php?t=100027

 

[دراما كوين]

مشكوووره جارة القمر
ماتقصرين فديتج

 

[مشغوله و محتاسه]

بنات اليوم سويتها لاول مره بحياتي لوول
نفس طريقة ضيفه سعوديه
بس على ما صار وقت الفطور ... جمد شوي .. بس كان لذيذ ..


شكرا لكم و لصاحبة الموضوع

 

[دراما كوين]

سوييتها طلعت حلوووه بس دسمههههههههههههههههه اففففففففففففففففففف
بدال الزيت حطيت قالب زبده كامل

 

[دراما كوين]

يا بنااات عندي سؤال عااجل اللي مجربه مسويه رنقينه ياريت ترد علي


انا امس سويتها ودخلتها الثلاجه ,,,, واليوم الصبح لقيت الطيحن جمد ,,, هالشي طبيعي؟؟؟
لان الرنقينه الجاهزه اللي اشتريها من بره ماتكون جامده جذي اذا دخلتها الثلاجه

 

[جارة القمر]

دراما


أنا اللي أعرفه


أنه ما تنحط بالثلاجة

 

[دراما كوين]

مشكووره جارونه