بنات بليز ابي طريقة شوربة الس فوود tom yam ...

[*caramel macchiato*]

هاااي بنات ....شخباركم ....منو عندها الطريقة مالت شوربة tom yam ياليت اتحطها ...

 

[جارة القمر]

http://www.q8yat.com/t485049.html




طريقة منقووووووله


المقادير :
1-روبيان (الكميه حسب الاشخاص )

2-فطر

3 ليمون اندونيسي (انا ما عندي كان حطيت ليمون الصغير مو الكبير الاصفر )

4-بهارات اندونيسيه (بدالها حطيت بهارات عاديه الجاهزه المخلوطه)

5- عجينة توم يوم الجاهزه (هذه في تقول انه ما فيه منها هنا بس انا حصلتها في اسواق التميمي مكتوبه بالانجليزي (instant tom yum baste) او راح تحصلونها في محلات الاندونيسيين الصغيره بس طعمها غريب ولذيييييييذ

6-ورق ليمون

7-بصله صغيره

8-فص ثوم

9-حبه طماطم


10-قرون فلفل حار

11-صلصة ريح السمك (هذه تحصليها في اسواق التميمي )
مكتوبه بالعربي

12-زنجبيل

الطريقه:

البصل والثوم والزنجبيل نبشره مع بعض نضع الزيت وبعدها نضع البصل والثوم والزنجبيل المبشور نحركه الين يصير لونه ذهبي وتطلع ريحت الثوم والزنجبيل .

2-نضع الروبيان والفطر ونقلبه حتى يختلط تماما مع الخلطه الاولى ونضيف الطماطم ونقلبه وبعدها الماجي وبعدها عجينة التوم يوم .

3_نضيف المويه كاسين ونص ونتركه يغلي نضيف صلصل ريح السمك او صلصة ريح المحار ( الموجود عندك )

4-بعد ما يستوي الروبيان اذا تحبي تضيفي نشاء حتى تكون الشوربه ثقيله شوووووووووويه بس اضيفي او حسب الرغبه بدون ما تضيفي نشاء انا اضفت النشاء صارت حلوه )

5- بعد ما تجهز الشوربه ضعي ورق الليمون عليها وغطيها وقصري على النار مررررررره لمدة خمس دقائق وطفي النار وبعدها اضيفي الليمون

طريقة التقديم :

تقطعي بقدونس وكزبره وقرون الفلفل وتضعينهم في صحن الشوربه وتصبي الشوربه عليها

وبالعااااااااااااااااااااااافيه

 

[*caramel macchiato*]

مشكورة مشرفتنا الغالية ....بس جني مافهمت شي من الطريقة او المقادير شوي غريبة !!!!!!

بس ماعليه راح احاول اسويها باضافات كويتية

مشكورة مره ثانية ....


والي مجربتها يعد ياليت تحط تجربتها ...اكون شكرة لها

 

[قموووره]

انتي ضايقتها هنيه بالمطاعم بالكويت ولا بتايلند؟؟؟؟؟
اذا تايلند اعرف الطريقه وسهله بس حاره طبعا تبينها بشنو ؟؟؟؟ سمج قباقب روبيان خثاق محار؟؟؟؟؟؟؟ شنو؟؟؟؟​

 

[قموووره]

انا سويتها على الطريقه التايلنديه​

شوفي حبيبتي اهو ماي حار تحطينه بالجدر
زيييين
وتحطين فيه... بصل اخضر او العادي بس اخضر افضل ... زنجبيل بس كميه كبيره وايد يعني انا حطيت كيلو الا شوي وقصيته شرايح.... خيزران اذا موجود اذا ماعندج موشرط... عصير ليمونه كامله وراهيه هههه ... مشروم شرايح ... ملح وفلفل اسود شوي.. فلفل احمر بودره بس وايد حسب الحراره الي تبينها بس اهي حلوه بحرارتها... وطال عمرج اخر شي بقدونس بس ما تقصصينه اخذي ربع الشده مالت البقدونس وقطيها على عدالها بالجدر
الحين هذي الشوربه عندج
زيييييييين ؟؟؟
عاد انتي شنو تبين تحطين فيها ؟؟؟ الربيان والخثاق والقباقب والمحار ينحطون على عدالهم بس ينغسلون قبل ويتنقعون بملح وفلفل اسود وليمون بعدين حطيهم بالشوربه وتقدرين تحطين كل هذيل مع بعض بس السمج ما ينفع معاهم
واذا تبينها بالسمج وتري لذييييييييييييييذه انا اول مره اشرب شوربة سمج
السمجه تنغسل وتتملح وتتبل بالملح والفلفل والثوم واليمون وعقب تقلينها بعدييييييين تحطينها بالشوربه​

انا من عشاق هالشوربه .. هذي الطريقه مالت تايلند سهله وخفيفه ولذيذه واحبها هههههههههه
عليج بالعافيه حبيبتي
جربيها​

 

[*caramel macchiato*]

هلا قمورة ...مشكورة ...طريقتج حلوة وسهلة...انا ماجربتها بتايلند لان اتلوع جبدي من اكلهم ....

بس جربتها بكذا مكان واكثر مكان اعجبتني بمطعم بدبي مول بس نسيت اسمه ...كانت لذلذه وحاااارة ....وهم نودلز فاكتوري بس اول مو الحين اختربت مالتهم ....

انا قلت بستخدم الجيس الي يبيعونه بمركز سلطان الي ايي فيه تشكيله من السي فود ..قبقب وخثاق واخطبوط صغيرون ومحار وربيان وجنه بعد معاهم سمج فيله...عجيب هالجيس احبه ...

بجرب طريقتج واقولج ...ثانكيو مره ثانية

 

[قموووره]

اذا السي فود فريش اكيد راح يفرق معاج الطعم وايد
ويعله عافيه حبيبتي​

 

[كويتية و لكن]

مشكوورة يا اغلي مشرفة

 

[جارة القمر]

العفو




حبايب قلبي