شوربه توم يم التايلندية منو تعرف طريقته

شلونكم كويتيات
حددي مشتهية شوربة توم يم التايلندية اللي تعرف طريقتها تعلمنا

رد: شوربه تم يم

تفضلي طلبج::


(( اربعة اكواب مرقة سمك
ست حبات فلفل اسود

ثلاث اغصان عشبة الليمون

ثلاث عروق من الزنجبيل التايلندي

ثلاث ملاعق كبيرة عصير الليمون ))



نصف كيلو جبمبري مقشر وغير مطبوخ
كوب مشروم

2 فلفل احمر شطة مفروم
ثلاث ملاعق كبيرة صلصة السمك ... هذي ممكن تحصلينها بسهولة عن المحلات الاسيوية .. يسمونها نام بلا .... وبالانجليزي اسمها Fish sauce

ست اغصان كزبرة طازجة تنقين الورق وتفرميه

الطريقة

ضعي مرقة السمك في وعاء الطبخ وضعيها على النار حتى تغلي ثم اضيفي جميع المقادير اللي بين القوسي واتركيهم يغلون على نار هائدة لمدة عشر دقائق إلى خمسة عشر دقيقة

شوحي الربيان في قليل من الزيت ثم اضيفي إليهم المشروم واتركيهم على نار هادئة لمدة خمس دقائق ..

اضيفي الربيان إلى الوعاء الأول واتركيه يطبخ لمدة عشر دقائق

بعد ذلك اضيفي صلصة السمك والفلفل الاحمر الحار واتركيه يطبخ لمدة خمس دقائق ..

عند التقديم اضيفي الكزبرة على الوجه.
وبالعافية"



منقوووووووووووووووول

شوربة توم يم الحارة

المقادير

نصف كيلو ربيان حجم وسط منظف ألا الذيل.
12 حبة مشروم وسط مقطعة بالنصف.
4 أكواب ماء.
2 عرق من جذور الليمون.
4 أوراق ليمون.
4 قطع زنجبيل شرائح.
4 حبات فلفل حساوي حار.
ملعقة من صلصة السمك.
ملعقة ونصف عصير ليمون.
ملعقة صلصة طماطم حارة.
كزبرة أوراق.

الطريقة

اسلق الربيان لمدة 20 دقيقة .
تقطيع جذور الليمون الى قطع صغيرة بحجم أعواد الكبريت ووضعها في أناء بعد غسلها .
إضافة جميع المقادير عدا الربيان والكزبرة .
تركها تغلي على النار لمدة 10 دقائق .
إضافة الربيان والكزبرة وتركها على النار لمدة 5 دقائق .


منقووووووووووووووول

مشكوره وااايد يا جارة القمر والصراحة انا واايد اثق بذوقج بلاكل لاني دايما اسوي وصفاتج وتطلع لذيذه ومظبوطه

اختي انا باعلمج طريقتي وصدقيني ما راح تندمين .. انا وحده تايلانديه معلمتني اياها..

المقادير طبعا انا ماعرف بالضبط يعني بالنظر بس بحاول اقرب لج :

2 عروق جذر الليمون
5 او 6 حبات ورق الليمون
نص حبه او اقل شويه الزنجبيل التايلاندي
مشروم فريش قطعيه نصين
كالاماري ( يبيعون منه جاهز مقصص حلقات ومثلج وايد حلو)
ربيان مقشر الا من الذيل( اخمره ساعه تقريبا في شويه ثوم وليمون )
بقدونس مقطع
صوص للسمك fish sauce
مسحوق التوم يم
حليب الناريل بس كميه قليله جدا تقريبا فنجال واحد انا احط لانه طعمه قوي واذا زدتيه راح يخلي الشوربه يصير طعمها حلوو بزياده .
ماجي بحسب الرغبه انا عاده استخدم اربعه واخفف من الملح
الطماطم الصغيرهcherry tomatoes
الطريقه

اول شي تسوينه انج تخلين الماي يفووووح وبعدين لما يغلي ويطلع منه فقاعات قطي فيه اوراق الليمون و اعواد جذور الليمون انا مااقطع الاعواد لانه ماحب اخليها في الشوربه لانه تاذيني لين اكلها بالغلط خخ ف بالسكين اضغط عليها شويه على اساس تنكسر شوي واخليها تقريبا عشر او 15 دقيقه او لين ما تفوح ريحتها.. في نفس الوقت اقطع الزنجبيل تقريبا اربع قطع واقطها في الماي ويا الليمون.. ليمن اخذ المااي النكهه اشيلهم من الماي واضيف الماجي و صوص السمك تقريبا نص كوب انتي دايما ذوقي عشان تعرفين الملوحه لانه صوص السمك مالح بعد و لاتنسين مسحوق التوم يم انا احط تقريبا ملعقتين لي ثلاث ملاعق و حطي حليب الناريل ..بعدين ضيفي الربيان والخثاق للماي وخليه ليما يطبخ تقريبا بعد 10 دقايق وباقي المشروم حطيه بعد ويا الطماطم اخر شي عشان ماتبينهم يذبلوون وايد حلاتهم فريش اذا حسيتي يحتاج ملح حطي كميه قليله او زيدي صوص السمك ..اخر شي لين سكرتي على الشوربه قطي البقدونس فيها وخليه بروحه بيذبل مع الحراره ..
ممكن تضيفين حبتين فلفل حار صغار بس انا ما احبذ لانه مسحوق التوم يم من الاساس حار

وبالف صحه وعافيه

موجوده في كتاب المطاحن الاخير