بنات بليز ابي حل

[fdeet_shosho]

انتى تعرفين اهلج وطريقة تفكيرهم
جيل هالايام مو مثل قبل الام الحين متفتحه وفاهمه وتاخذ وتعطي ويا بنتها
اذا تستحين من امج او خايفة كلمى وحدة من خواتج اذا عندج خوات كبار او بنت خاله تثقين فيها تقدر تحاجي امج وتقنعها
بس هل تقدرين تتعايشين انتى وعيالج وزوجج وبينكم هالاختلاف بالمذهب من الحالات اللى شفتهم مابي اخوفج بس فى حالات ما استمرت تعبت وفى حالات لاء مشت امورها

 

[[[ عيون جابر ]]]

وانتي ليش تتكلمين وتفاتحين اهلج ؟

خل امه تدق على امج وتقولها ولدي مع بنتج بالكليه ومعجب فيها وباخلاقها ويبي يتقدم لها ..

معاها :bbbiu:

 

[ظل الياسميـن]

قبل اقول الحب يلغي كل الحواجز

ولكن بالصج والواقع يقول

امتزاج مذهبين مختلفين عن بعض

صعب بالبدايه وتزيد صعوبته وقساوته مع مرور الوقت

باجر يجون عيال ويحب يكونون شيعه مثله ويروحون حسينيه ويسافرون لمشهد ويصلون مثله

وانتي تبينهم سنه مثلج ومثل اهلج وتمنعينهم من هالزيارات

ومن صلاتهم

وتعالي عاد قيسي عليها امور كثيره

حجي الناااس .......وغيره

الحل

حاولي تاخذين مواد بعيد عنه

وتنهين هالعلاقة اللي نهايتها ظلام

فوفو

عدل كلامها :ggdw: :ggdw:

واصلا علاقتكم من البدايه غلط بغلط
انتي تدرين عنه انه مذهبج غير عن مذهبه
واهلج ماراح يرضون يزوجونج اياه
وحتى لو بيسالون عنه يسالون منو
ما يعرفون احد


وعسى الله يوفقج

 

[ąғỗỗq สℓώả9ғ]

مثل ماقالو البنات مشكلتج وايد صعبه
وحتى لو وافقو هلج انتي قادره تتعايشين مع وضع حمولتج تالي ؟!
الحين بتقولين اي وعادي الاهم احنه بس لا تفكرين لمدة اول سنه فكري بعقب شلون حياتكم وايد اشياء فرق بينا
حتى لو هديتيه بتعبين اول سنه يمكن بس عقب والله بتنسينه بيمر بالج اي بس مابيكون له الشعور الي تحسينه احين
فككري واستخيري اكثر من مره قبل كل شي واذا انتي مرتاحه ومصره عليه ذي حياتج
الله يكتب لج الخير

 

[شرقاوية وافتخر]

حبيبتي مالج الا الإستخارة بس صدقيني حكمي عقلج اختلاف المذاهب صعب جدا ومحد بيندم غيرج انت بعد صغيرة وجدامج فرص لا تتزوجين واحد من غير مذهبج ممكن ما يعجبج كلامي والله يصبرج ويعينج يااااااار ب

 

[Mrs_Orchidia]

قبل اقول الحب يلغي كل الحواجز

ولكن بالصج والواقع يقول

امتزاج مذهبين مختلفين عن بعض

صعب بالبدايه وتزيد صعوبته وقساوته مع مرور الوقت

باجر يجون عيال ويحب يكونون شيعه مثله ويروحون حسينيه ويسافرون لمشهد ويصلون مثله

وانتي تبينهم سنه مثلج ومثل اهلج وتمنعينهم من هالزيارات

ومن صلاتهم

وتعالي عاد قيسي عليها امور كثيره

حجي الناااس .......وغيره

الحل

حاولي تاخذين مواد بعيد عنه

وتنهين هالعلاقة اللي نهايتها ظلام

فوفو

كان ودي أجاملج و اقول ميخالف تفائلي و اللي الله كاتبه بيصير


بس الصرااحه كلامها واقعي .. و لو انه يضيق الخلق

اذا انتي صار لج سنة تحبينه غيرج مرت سنييين على علاقتهم كبروا مع بعض و اخر شي افترقوا




مابي أزيد اللا انج تستخيرين مرة و مرتين و عشر .. وشوفي شيصير


و انا او امج .. لو شنو ما أؤيد هالزواج
انتي بتتعبين أكثر شي

الحب اول سنة بس بعدين تبدأ الصجية تعالي رقعي بعمرج عاد

 

[عاشقة الدوحة]

ترضين عيالج بعدين يكونون شيعة ؟؟؟

استخيري

 

[سارووونه22]

عاشقة الدوحه حبيبتي ترى الشيعه مسلمين
حبيبتي راعية الموضوع ترى مافي فرق بين الشيعه والسنه كلنه مسلمين انا رفيجتي سنيه متزوجه شيعي ومرتاحه معاه وصارلهم جم سنه وعندها منه عيال وخالتي شيعيه ماخذه سني وعيال خالتي سنه ومافيها شي احبهم ويحبوني ومافي فرق بينه واختي بعد متزوجه سني صار لها 12 سنه بدش 13 وعندها منه عيال والحمدالله حياتهم ولا احسن انتي توكلي على الله واستخاري وبعدها فاتحي امج في الموضوع

 

[cuta-1]

بنات انا ذاك اليوم كلمته وكنت واايد تعبانه
قلتله في وايد فرق بينا
عيالنا شلون؟
قالي انا ما راح اغصب عيالي ٫ يمشون على اللي اهم يشوفنه صح

اهو نوعه مو مال حسينيات ما يروح
بعدين مره كنا نسولف عن واحد من الاهل مادري شلون انفتحت سالفه زواج المتعة
الشيعه يحللون زواج المتعه
اهني انا قلتله احنا ما يصير عندنا ،تناقشنا
قال احنا يحللونه بس انا اشوفه شي وايد غلط ٫ انا ما انطر احد يقولي يجوز ما يجوز . شي ما يدش المخ ما اسويه
وايد اشياء يقولونها انا ما اصدقها ولا اقتنع فيها

قالي انا بالبدايه خفت ان ما نتوالم بسبه هالشي
بس كا حتى لما تنفتح مواضيع جذي مو قاعدين نختلف

مادري بعد

 

[عاشقة الدوحة]

عاشقة الدوحه حبيبتي ترى الشيعه مسلمين

ادري
بس في اشيا اساسية مختلفة .. الكل يعرفها .. اشيا عندنا احنا السنة ما تجوز شلون نخلي عيالنا يسوونها اذا كانت تجوز عند الشيعة ؟؟ شلون الام ترضى ..
هذا رايي الموضوع مب بسيط
لازم تكون لج نظرة مستقبلية واضحة

 

[ELFAD3Ah]

اذا الله كاتب لج نصيب معاه بتاخذينه

 

[ديانا سبنسر]

جسي نبض امج اول شي بس حطي بالج ان العيال راح يكونون شيعة لان العيال يتبعون الابو

 

[لبـى قلبـي]

بس سؤالين ..

ترضين انك تصومين قبل عيآلك وزوجك ؟ وتعيدين لحآلك وهم يعيدون بعدك ..!

ترضين تعيشين مع وآحد وانتي تدرين ان بدآخله يسب ويلعن صحآبه انتي تحترمينهم وتترضين عنهم ..!



ترى الزوآج مو مثل الصحبه والصدآقه ...

 

[رحيل المرافيء]

صراحة ما انصحج شايفة الاوضاع الحين
لاتقولين مافيها شي وكلنا مسلمين ترى بس حجي لاصارت الصجية ماراح يخليج تاخذين عيالج
واذا ملزمة عادي كلمي امج قوليلها معاي واحد بالجامعة فاتحني بموضوع الزواج وبيتقدم لي
مافيها شي

 

[الجوريه الحمراء]

انا سنيه بس صديقتي شيعيه متزوجه سني تعالي جوفيهم كل يوم مشاكل

 

[لمعة الماسه]

..





الحب مووووووو كل شي ..
حتى لو تزوجتووا - باجر بـ تمر الايام و بتملووون و بتختلفوون بـ كثير اشياء
وماتوقع الاهل بيوافقوون لان صعبه - تخيلي باجر عيالج يصيروون شيعه
انا ما اعيب ع اي مذهب
لكن صعبــــه مسأله اختلاف المذاهب بين الطرفين - ما راح تكوون علاقه ناجحه
ما تدرين وين الخيره
يمكن الله يوفقج بواحد احسن منه ومن مذهبج و احسن لج ولعيالج - فكري عدل لا تتهورين
صارحي امج و قوليلها واخذي رايها .. قبل لا تكلمها ام الولد و تصير حووسه
وياليت ما تدخلين الحب بـ نصيبج بالزواج وتوووكلي على اللـه
كثير علاقات فشلت بسبب الحب
مجرد متعه لفتره و تخرب الاوضاااع
هذا الصج وبالتوفيق




..