بنات بغيت اسألكم عن كشط الرحم لاتبخلون علي

[لمسة اناقه]

صبحكم/مساكم....... الله بالخير والسرور
بنات ماراح اطول عليكم بدش بالموضوع على طول ... وياليت القى عندكم الفايده والراي السنع
اولاااا انا عندي مشكله انه رحمي ماينظف من الدوره ويطلع مني افرازات غريبه
واذا بتقولون جربي اعشاب فانا جربت كل شي من /عشبه/تحاميل/وكــــــــــل شي بس للاسف مانفع معاي شي والله هو العالم بحالي نفسيتي تعبت من جد مافي شي نافع
طبعااا انا ماكنت جذي قبل الزواج /كانت دورتي احسن مايكون بس من تعورت اول زواجي ماترقعت
فنصحتني وحده اني اسوي كشط للرحم عشان ينظف
فحابه اسألكم هل انتوا مع رايها ولا لا واذا انتوا معاه عطوني فكره عنه وشنو الدكتور الي ممكن يسوي ليه ويكون شاطر وثفه بلييييييييييييييز بنات ابي راااي يريحني تراني معتمده على الله ثم عليكم لا تبخلون على اختكم برايكم

ويعطيكم العافيه مقدمااااااااااا

 

[لمسة اناقه]

بنات شدعوا ولا وحده دشت وكلفت على نفسها اطالع شنو الموضوع تراني محتاجه لرايكم لاني ماعندي خوات ولا احد اساله
يعني انتوا خواتي وانا معتمده عليكم

 

[لمسة اناقه]

بنات شدعوا سبعه دشووووووووووووووووو ولا تعليق

 

[احلى سماء]

والله روحي للطبيب

يقررر

يمكن الكشط مو زين رحمج

ويسويه رقيق

ويمكن اللي فيج قرحة بالرحم او التهابات

 

[كلمتي من نظرتي]

مدري ماعندي معلومه عنه ابد بس ماحبيت ادخل ولا ارد عليك
الله يشفيك انشاءلله

 

[هيبة ملك]

والله مادري أخاف مو زين لج

استشيري دكتور أحسن

وعسى الله يشفيج

 

[um katkot]

انا سويت كشط و كنت مو محتاجه حسبي الله عليهم كان مافيني و لا شي بس الدكتورة الله يسامحها اجبرتني يعل الفلوس حار و نار في قلبها
انا اقولج الدكتور يسولج منظار بعمليه نفس السونار بالضبط ما يخوف ملون و يشوف منه اذا تحتاجين و الا لا لا و يصورلج المنظار تشوفين و تتاكدين بعد شي ثاني عندي معلومه اذا حابه سالي الدكتور اللي بتروحين له اللي تكون مطيحه ياهل من قبل تكون معرضه انه يصير معاها التصاقات بالرحم و هذي تاذي تخلي الوحده ما تحمل و ازالتها بعمليه منظار انشالله شي بسيط انشالله مافيج الا العافيه ياقلبي بس سالي الدكتور و خواتج اهني كل وحده تعرف شي راح تحاول تفيدج احنا ماراح نخلي بعض و هالقسم كله حقنا بروحنا سمعتي كل وحده فينا قلبها على الثانيه يا حبيبتي و الله يوفق الجميع

 

[أم لولووأخواتها]

والله أنا ما أنصحج إذا إنتي توج مطيحه والبيبي مانزل كله أوكي بس إذا مطيحه من زمان وقالتلج الدكتوره ما تحتاجين
معناته البيبي طاح كله أدوية الدوره كافيه و إذا تقولين للحين محتاجه شي ينظف روحي لوحده ثقه تدهنج ولازم ثقه علشان ما تفر رحمج
لا قدر الله
والقشط مو زين يرقق جدار الرحم وتحتاجين وقت علشان يرجع الرحم على طبيعته... وعموما سوي سونار داخلي وشوفي الرحم طبيعي ؟؟
ولا تستعجلين إستخيري ربج والله يوفقج

 

[جبنة بيضة]

روحي عند دكتورة فوزية القطان شاطرة و استشارية شوفي شتقولج

 

[لمسة اناقه]

احلا سماء حبيبتي انا كانت فني قرحه وكويت عنها والحدالله انا كاشفه يعني لافيني قرحه ولا التهابات

كلمتي من نظرتي حبيتي يكفي انج قدرتيني ورديتي الله يعطيج العافيه

هيبة ملك مشكوره حبيبتي على مرورج

um katkot كفيتي ووفيتي حبيبتي وعساج على القوه وعلى فكره انا مطيحه من ثلاث سنين تقريباااا وبعدين اكيد انتوا خواتي ولا ليش معتمده عليكم واخذ رايكم ويعلم الله انكم مثل خواتي

ام لؤلؤه انا مطيحه من فتره مو بسيطه والحريم لاعت جبدي منهم كل وحده تقولج كلام وبس يلعبون فيني وبعدين مافي مره ما رحتلها بس مانفع والحمدالله على كل حال

جبنه بيضه مشكوره حبيبتي على الاستشاره