بنات بشتري قطو بليز ساعدوني

[!! D m i r a a !!]

هاااااااي



شلونكم بنات شخباركم ان شاء الله بخير


بنات حبوبات انا حيييييييييل بخاطري اشتري لي قطو وابيه صغنون


بس اهم شي انه انفطم <== صح ولا بدليه


بس قبل اي شي .. انا بعمري كله ماربية حيوانات .. وحيل اخاف لما يمر قطو صوبي


قطاوة فريجنا امبيه مو صج عنيفين حدهم حتى صوتهم مرعب جنه ياهل يبجي مو قطو


وحيل يتنحون .. امبيه اكش فيهم احاول بس ياجبل مايهزك ريح :eh_s(1):


عشان جذي اخاف منهم اخاف ينطون علي او يشمخوني او يعضوني ..


وانا اساسا ماحب اطق اي حيوان حتى لو باط جبدي احس قلبي يعورني عليه


المهم عاد انا بخاطري اتغلب على هالخوف واشتري قطو صغنون بس قبل لا اشتريه


ابي اعرف


شلون تتعاملون معاه ؟ وشلون على التطعيمات ؟ ووين ينام ؟ وشلون تحددون اكله ؟


وشنو لازم اجهز له قبل لا اشتريه ؟ وشلون اعرف اذا كان تعبان او يوعان او في شي يعوره


او مريض او مستانس او ضايق خلقه يعني شلون اعرف له ؟


وشلون اعلمه على التواليت ؟؟ لانه بصراحه الرمل احسه عذاب ؟ واصلن ماعندي مكان حق الرمل


اي بنات انا حاليا ساكنه بدور كامل ( مأجرين هالدور ) امممم عادي اربي قطو ولا ينحكر ويضيق خلقه


لانه ماعندي حوش ؟ انا مابي استاثم فيه .. عشان جذي تحملو اسألتي


اي بنات امس فريت بالقسم باخذ فكره عن تربية لقطاوه .. امبيه انصدمة من وحده تقول قطوتها


استخفت تبي تتزوج :eh_s(1): امبيه شلون يعني تبي تتزوج !! وصج يعني في قطاوه يستخفون ع الزواج


ولا البنت تتغشمر بموضوعها ؟


يعني لو شريت قطو في احتمال انه يستخف ع الزواج ؟؟




اسألتي وايد بس شسوي مالي غيركم تحملوا عاد ههههه


وحسافه الموضوع اللي مثبتينه مال تربية القطاوه ولا رابط يفتح كل يطلع الصفحه فارغه :bbbiu:


بليز بنات لاتبخلون علي ومثل ماقلت لكم ماعرف شي نهائيا ً عن تربية الحيوانات ​

 

[!! D m i r a a !!]

بنات انا بخاطري جذي بس شنو نوعهم

بنات شنو انواعهم ؟ وعلى جم سعر اللي عمرهم 5 شهور

 

[lojeeen]

هلا حبوبه
بالنسبة حق تربية القطاوه ترى وايد سهله اهم شي انتي من داخلج تتكونين مستعدة تعتنين بالقطوة و تديرين بالج عليها

انصحج بالقطوه الشيرازيه المون أو الهاف بيكي لأنهم مسالمين و هادين ما ينططون و يعضون مثل القطاوه اللي شعرها قصير و يشبهون قطاوه الشارع حتى السيامي حيل نشيط و يحب يطلع برى و يستكشف

الشيرازيه حيل مسالمه و اتحب اتنام بالحضن و تلعب على الخفيف يمكن تعض بس على لعب يعني ما تغرز انيابها بس تبي تلعب معاج على عبط و انتي احسن وديها البيطري يقص اضافرها و يكشف عليها و لو مو مطعمه يباشر بتطعيمها

بالنسبة للتراب القطاوه اتحب اتوصخ بالتراب فانتي اختاري زاويه فرشيها بجريدة و حطي فيها صندوق التراب و الماي و صحن الأكل و سوي لها فرشه اتنام فيها بنفس هل مكان

اما القطوة اللي تبي تتزوج فهل شي طبيعي عند كل الحيوانات بفترة البلوغ اتشوفينها تماوي و تتقلب على الأرض هل وضع يستمر لخمس ايام و الحين موسمهم فانتي يا تزوجينها يا تعطينها ابرة أو تسوين لها عمليه تشيلين رحمها

 

[!! D m i r a a !!]

ثاااااااااااااااااااااااانكس قلبووووو



بالنسبه حق الزواج



مادري امممم اخاف حرام اشيل رحمها .. واحرمها من امومتها وهذا شي طبيعي ومن حقها


عشان جذي قلت ابي ذكر ابي قطو مو قطوه ..



يسلمووووووووو عسووووووله

 

[sweet cake]

ما قصرت لوجين هي اكثرنا خبره

اممممم انا اقول الانثى احسن من الذكر.. الذكر يرش بول عزج الله وقت التزاوج.. يعني لا بغااله عروسه الله يعينج ع الريحه

اما القطوه عادي بس تحن وصج حنتها مزعجه بس اهون والله.. واذا تبين عطيها ابره تخليها ما تحن كم شهر


بس تأكدي انج تقدرين تخلينها عندج على طول .. حرام لا تتأثر نفسيتها
انا غصبا عني عطيت قطوتي لناس قبل 7 سهور وربي للحين مو متأقلمه مع روحتها

 

[daloolah77]

أحلى شي انج تربين القطاوه يونسووووون

 

[آقوى شي]

رد : بنات بشتري قطو بليز ساعدوني

آمممبيه گنت بنزل موضوع نفسچ ;d .. وآلله حتى آنآإأ ودي بقططوه وآمي آقتنعت وآنا آففگر .. بس نصصييحهّ لآإتشتريَيَن آلحيين لآنه آگگيد آرتفععت آسعآإأررهُمم .. ونبي نصآيييح بنات ،،

 

[Qـويتية]

اشتري من ملاجئ الحيوانات ^_^ نظاف ومطعمين ويهبلون وأسعارهم رخيصة

 

[كتريناااا]

حبيبتي اول شي لازم تكوني مستعده انج تعتنين فيها لان قطوه صغيره تبيلها رعايه اكثر من كبير واذا جابه تشترين انصحج تاخذين تربية بيوم لانهم نظاف وصحتهم زينه او اذا بتشرين من سوق لازم اول شي تفحصينها عند بيطري واذا ماقدرتي انتي بنفسج تفحصينها واهم شي تتاكدين ان اذونها نظيفه مافيها سواد داخلها لانه سواد يعتبر حشرات صغيره ماتبين حركتها الا بالمجهر فديري بالج تتاكدين من اذونها اول واظافرها ماتكون مكسوره او فيهم جرح وعيونها ماتكون ملتهبه احمرار اما بخصوص اغراض تلقين في سوق بيت لها وتكرمين حوض تقضي حاجتها فيه والرمل بعد والاكل وتشتري صحنين واحد للماي واحد للاكل وقطاوه تاخذ اول تطعيم لها بعمر ثلاث شهور ونص اذا صحتها زينه اما بخصوص تزاوج تطلبه لما تبلغ قطوه وتكون بعمر 7 شهور والبعض يبلغ 8 او 9 شهور اما اشلون تستخف قطوه تبي زواج راح اشرحه انشالله بموضوع خاص راح انزله تابعي مواضيعي لاني مربية قطط