بنات بسرعه بسرعه هذي ولاده ولالا؟؟

[miss_q8ya]

بنات أنا بجر وأمس كملت أسبوعين بالتاسع وكان عندي موعد
وقالت لي الدكتوره الياهل وايد نازل وفحصتني مفتوحه واحد ونص
وايلي عوار متفرق توه الحين تكرمون رحت الحمام ولا ينزل علي قطعه بيضه وفيها شوي دم وأمس نزل علي شوي ماي
شسوي اروح ولا لا حق المستشفه ؟؟

 

[MeMoO-q8]

الله يهون علي وعليج وعلى كل الحوامل ياااااارب
حبيبتي هذي اسمها (سدادة الرحم) سوي سيرج بقوقل عن (سداده الرحم) وراح تعرفين عنها معلومات اكثر ....
وساعات نكون هذي افرازات من بعد الفحص لان الرحم يتحسس من الفحص وينزل بعد هالافراز ...
اتوقع ولادتج قربت ان شاءالله .... ومافيها شي لو رحتي حق دكتورتج لزيادة الاطمئنان ... الولاده تحسين بطلق قوي ويكون منتظم ... لما يصير الطلق كل خمس دقايق تروحين المستشفى .... وفي بنات ينزل عليهم ماي بدون طلق مايحسون بالطلق الا بعد ماينزل الماي ...

ان شاءالله اكون فدتج

 

[عسل وردي]

روحي لا تقعدين والله يهون ويسهل عليج

 

[عيش و ملاس]

اذا أكو عوار انشاالله تجاديم طلوق شربي شاي دارسين واسبحي ماي دافي علشان يرخي العضلات ويحمي الطلق بس تو الناس عالمستشفى نطري لما يصير الطلق كل 10 ألى 15 دقيقه

 

[روان_الكويت]

انا اقول روحي بعد تطمني يمكن ولاده
والله يسهل عليج سهالات انشالله بس لاتنسين تاخذن معاج اوراد الولاده

 

[raneen]

رد : بنات بسرعه بسرعه هذي ولاده ولالا؟؟

اي حبيبتي هذي بداية ولاده عندج .... اتوكلي على الله وروحي الطبيب وان شاءالله تولدين بالسلامه...
الله ايسهل عليج وعلينا ياااااااااااااارب...

 

[بيبي بدر]

الله يسهل عليج روحي المستشفى تطمني احسن

 

[Miss Golden]

الله يسهل عليج حبيبتي .. انا بجر مثلج وبروحي مادري متى اروح المستشفى..

بس من كلام البنات المفروض الطلق ايي كل 10 او 5 دقايق.. هنيه تروحين احسن

 

[ملكه الحطب]

الله يسهل ويهون علييج ياااااااااااااااارب

 

[أميرة القادسية]

الله يسهل عليج انشالله وتولدين بالسلامه....

 

[دلوعة*ريلي]

ويه حبيبتي روحي المستشفى ولا تخلين نفسج جذيه لان الياهل واايده نازل يعلم الله انها ولاده وعسى الله يهون عليج حبيبتي وتولدين بالسلامه ياااااااااارب

 

[الصعيريه]

رد : بنات بسرعه بسرعه هذي ولاده ولالا؟؟

الله يهوون ويسهل علييج
روحي تطمني أحسن

وبشريناا

 

[& الذاهبه &]

الله يسهل عليج ياقلبي روحي تطمني احسن

 

[LiL MaMa]

رد : بنات بسرعه بسرعه هذي ولاده ولالا؟؟

الله يسهل عليج انشالله وتولدين بالسلامه و يرزقج الذريه الصالحه

 

[M!sS_D!oR]

سهالاات ولاده باذن الله
الله يسهل عليج
ويتربى بعزكم مقدما
والف مبروووك ان شاء الله بالولاده السهله

 

[M!sS_D!oR]

سهالاات ولاده باذن الله
الله يسهل عليج
ويتربى بعزكم مقدما
والف مبروووك ان شاء الله بالولاده السهله

 

[a7la wa7da]

الله يهون عليج وعلينا يارب

 

[أنفاسي دخون]

عسى الله يهون عليش حبيبتي

هذي تقاديم الولادة ولاتروحين المستشفى الا حمى الطلق

 

[تولاي 2009]

الله يسهل عليج وتولدين بالسلامه
وينج ميس اكيد ولدة الله يقومها بالسلامه ويرزقج الذريه الصالحه

 

[miss_q8ya]

صباح الخير عقب سهرتي امس بالطوارء لوووول
يحياااااتي كلكم يسلموو علي ألدعوه الحلوه والله يسهل علينه كلنا يااارب وأنشوف اعيالنه بين ايدينه
رحت امس حق السلام عقب ماشربت مطارة دارسين او سبحت لووووول مصدقه بولد
سولي فحص قالو وصلتي ٢سانتي وسولي تخطيط مافي طلق قوي خفيف وقالولي سويت هوم لووووول يالله الله كريم
بس اتصدقون بنات صرت احس امبي في شي ابطني راح افقده ولا شرايكم