بنات بروح لندن ومحتاجتكم

[المسكـ]

السلام عليكم

بنات انا رايحه لندن بعد جم يوم وابيكم اتساعدوني بليز

ابيكم تقولولي اسماء الشوارع حق التسوق وكل شارع شنو فيه وابي اعرف محل كارترز لملابس الاطفال عندهم ولا لا ؟
وبيستر فيلج شنو فيه من محلات؟
وشلون نركب باصاتهم وشلون على محطاتهم ؟
وتنصحوني اشتري تذاكر من الكويت حق لندن اي والمتاحف؟

وبالنسبه للبس شنو اخذ بنروح 6/4 وبنرد 16 /4

يعني صيفي ولاشتوي وانا نوعي مبراااااده كله بردانه لول
واذا تقدون ولكم خلق ممكن تسويولي جدول رحلات نمشي عليه حق ال 10 ايام ؟
:eh_s(7):
والفندق اللي حجزناه



Shaftesbury Metropolis London Hyde Park
قولولي شلونه زين ولا لا اهو قريب للهايد بارك

ابي السوقه الحلوه اللي كل الناس تروحلها وكل شارع اي محطه باص اركب ؟:eh_s(10):
وابي تعلموني بعد عن المعالم السياحيه شلون اروحلها بالباص وكل معلم شلون اروحله من اي محطه :eh_s(10):
واودي كل فلوسي كاش ولا اخذ بس 500 دينار بيدي والباجي بالبنك عشان ما انباق؟:eh_s(10):
ابي المحلات مثل هارودز وM&M وgab وبريماك اي شارع الاقيهم ؟
وامي اتقول في عندهم سوق الاحد سامعين فيه واي شارع الاقيه؟
وشبربوش؟ ووين القاه ؟
ومشكورين مقدما حبايبي :eh_s(7):
​

 

[المسكـ]

ماشالله 30 وحده دشت ومحد رد ماتقصرون والله

 

[الشوق يجيبك؟؟]

مايحتاج تحجزين من الكويت للندن آي اواي مكان ثاني يعني شوفي الجو هناك إذا مافيه مطر روحي والمحلات كلها باكسفورد ستريت وهاروز لحاله والباصات أنا ماكنت استخدمها بس سواقين الباص جدا متعاونين يعني إذا انتي باكسفورد وبتروحين هاردز اسئلي اي سواق باص قبل ماتركبين وهوبيقولك رقم الباص اللي يودي

الجو بشهر اربعه برد موت

الايام اللي بتكونين فيها بتصادف اجازة الاستر عندهم فبعض الايام بتسكر اغلب المحلات اللي باكسفورد تقريبا يومين ثلاثه فروحي للسوق في اول ايامك بلندن والايام اللي مسكر فيها السوق روحي حدايق هايد بارك ورجنت بارك
شبردبوش تروحين بالقطار من محطة بادنتون إذا وصلتي المحطة اسئلي وبنفس اليوم روحي ويست فيلد بتطلعين من المحطه تلقينه بوجهك

الاوت لت تروحين له بالقطاربس محطه ثانيه نسيت اسمها لاتروحين يوم أحد لانه يفتح متأخرويسكر بدري

 

[المسكـ]

مشكوووووووووووووووره ياقلبي الله يعطيج اللي بالج

 

[اوراد الكويت]

هلا اختي

الاندرقراوند اسهل واسرع من الباصات أنا لما كنت هناك اول يومين كنا كله تكاسي بس من عرفت للاندرقراوند خلاص صرنا انتقل فيها
اول شي لازم تأمرين خريطة لندن تلقينها يابالفندق او عند المشكاة الي يبوعون التذكارات


وعندك الاكسفورد كله محلات وبريمارك موجد فيه
اذا تبين تروحين لبريمارك تلقينه مقابل نيكست وفندق ثيستل ماربل ارش <<<كنت ساكنه فيه موقعه ممتاز بوسط السوق ومقابل بريمارك وبنفس مبنى نكست


السلفردج موجود بالاكسفورد اما الهارودز بعيد عنه



وانصحج تروحين بستر فيلج الاوت ليت بعيدة ع لندن ساعه ونص تقريبا بس كل الماركات فيها وخصوماتها حلوووة وتسوى الصراحة
انصحج تروحيلها اول شي لان المحلات والماركات بلندن أغلى اما أليستر فلج ارخص بوااااايد



واذا تبين البوتيكات العالميه تلقينهم بالبوند ستريت

وعندك وسجنت بااارك واااااايد هادئه وراقيه أحلى من الهايد بارك

خلي يومك الصبح سياحه ومن بعدالظهر شوبينق



اذا تبين تذاكر لندن اي والريفر سكوير ومدام توسوو والاكواريوم تقدرين تروحين اي مكان من هالاماكن واشتريت التذكرة الشامله وبجري ترتاحين ماتحاتين التذكار على طول تدخلون



مدام توسوو (متحف الشمع) انصحج فيه عجييييييب



وامممممم شنو بعد


عندج المطاعم العربيه اغلبهااا موجوده باجورووود
الا جم مطعم عندج خان الهندي ومطعم صدف الايراني يم بعض ناسيه باي شارع بس قولي للتكسي وهو يوديج
ومطعم مسكووف عراقي بعد وعندك همن منقله مطعم عراقي بس مادلهم



واتمنى اني فدتج

وعلي طاري الفلوس اصرفيهم كلهم بالباوند وخليهم بالسيفتي بوكس لان لما تسحبين من البنك على كل عملية يخصمون ٤دنانير جنه او اكثر
فأحسن سس أخذي فلوسج معاج


واخذي جنطه كروس اريح شي

 

[لندنية]

هلا اختي
طبعا البنات كفوو وفوو بالرد عليج
تقريبا انتي حاجزه 10 ايام بلندن واتوقع لو استغليتي كل يوم بمكان ماراح يطوفج شي وادا تحبين حسب الاماكن الي حابه تزوريها نسوي جدول وللعلم في اماكن وايد حلوه بعد غير اكسفورد مثلا ومبلندن وكرويدن فيها سوق حلو
وبالنسبه للباصات بعد موضوعها وايد سهل اكدر اعطيج بالضبط اي باص يوصلج للمكان الي تبينه
وحتى ادا تبين في سواق عرب مضمونين يكونون ارخص من التكسي يوصلونكم من المطار للفندق ومن الفندق للمطار