بنات بخصوص الحمل للعرايس

[انا لحبيبي .]

الله يرزقك حبيبتي ،

 

[تعبت اداري...~]

كل تاخيره وفيها خيره والله يكتب الي فيه الخير ....

 

[love u 4ever]

الله يرزقننا أجمعين يارب

 

[G!RLooNa]

امبيه من صجج شنو تحاتين و انتي ماصارلج حتى شهرين من تزوجتي !!!

 

[نشيج الروح]

الله يرزقج يا رب بس لا تحاتينن شي طبيعي

 

[وردة-الكويت]

مثل ماقالو البنات حدج مستعجله وتو الناس ولاتحطين هشي في بالج وان شاءالله تحملين بقرب وقت يارب

 

[Sweetq8]

الله يرزقج و يرزقنا

انا صارلي سنتين و شهر و صج متوله ع اليهال

بس ياختي احس ماشبعت من الحريه انا و ريلي

طلعات سفرات هياته قزز فصلات علا كيفنا مانحاتي احد ورانا 

استانسي باحلا ايام عمرج لاحقه ع المسوووليه

 

[kokay]

allah ysahel 3aleec o yakteblech el'7air enshallah

 

[مــلاك]

شدعوه مو من صجج تحاتين بعد تو الناس حبيبتي ناس تقعد بالاشهر وسنه وماتحمل شالمشكله توج عروس

 

[بوح القوافي]

ياشيخة لا تستعجلين الي ربي كاتبة بيصير انتي توك عروس
استانسي ملحقة ع الشقى والله يرزقك...

 

[ملح الدنيآ.]

الله يرزقج ان شاء الله

 

[ديمة بنت غنيمة]

شكرآ للي دعو لي

بنات ادري تو الناس ومو عن مستعيله
بس قلت يمكن في اسباب ابي شرح عادي

واي الي ردو لاحقة عالشقا ومستعيله ردكم كلش ما منه فايده

ادري توني بس قاعده اسأل !!!!!!

 

[حلا قطر]

تو الناس ياقلبي الوحده تبتدي تحاتي لامر سنه عالاقل
انا تميت 7 شهور وعقب حملت وفيه ناس يتمووون سنين
الله يرزقج

 

[aṕriliå]

عادي تو الناس

امي تمت سنة عقب حملت

وعمتي سنتين ونص عقب حملت

الوضع حده طبيعي لا تحاتين شي ..

 

[Om AlBdoor]

مثل ما قالولج البنات تو الناس حبيبتي ، انا حملت بعد 6 اشهر من زواجي ، لا تحطين ببالج واهم شي نصيحة لا تفكرين بالموضوع صدقيني اذا ما فكرتي فيه راح تحملين ان شاء الله

 

[احلى غمزه]

انا نفسج
توني متزوجه لي شهرين
وماحملت .. اهو صح توالنااااس بس اناا احب اليهآل والله يرزقنااا

الله كريم ..

 

[سيلينا]

لا تشيلين هم الحمل والله لي حملتي تتقيدين انا بسرعه حملت من اول مره صراحه فقدت الوناسه والطلعات
وبسرعه بدت النساه ولو اني متاخره سنه كان حصلت لي سفرات وروحات والردات عيشي جو انج عروووس اكثر وقت ممكن

وبخصوص الدوره انها تنزل ترى الهرمونات تتغير انا جذيه اول مره نزلت علي بعد العرس باسبوع وكلش ماكان وقتها تو الناس عليها ومن عقبها حملت

الله يرزقج الي تتمنينه يارب وصدقيني عيشي فتره عرسج بوناسه ولاحقه على الحمل

 

[رتو الكيوت]

تووج بسم الله