بنات انسرقت :( 3500 دينار شنو الحل؟

[laymona]

رد : رد: بنات انسرقت 3500 دينار شنو الحل؟

امبيه

لا ما يصير شهالحرامي

شوفيلج صرفه هذا ما ينسكت عنه

و انتي الله يهداج ركزي على الي تسوينه معطته 3500 @@

حطي محامي و قولي لزوجج و بلغي مدير البنك و الشرطه و الاهل 3500 مو شوي

 

[الليدي رانيا]

رد : رد: بنات انسرقت 3500 دينار شنو الحل؟

ليش تسمحين للسذاجة تسيطر على قلبج
الي صار صار
مرة ثانية فكري بعقلج مو بقلبج
مالومج بني ادم يمشي ورى مشاعره

ديري بالج حبيبتي مرة ثانية
وماتنعاد ان شاء الله حبوبة

 

[shawaqa]

رد : بنات انسرقت 3500 دينار شنو الحل؟

بنات

مشكورين على الردود وحبيت ابين لكم جم شغله عالشان اللى موفاهمه الموضوع

بنات والله وبهل شهر الكريم مالى علاقه نهائيا بالريال ما عرفته الا بالبنك فقط

انا كنت اخذ مساعدات شؤون وكان يمشي معاشي ومعاش عيالى طبعا زوجى عاطل عن العمل المهم توظفت ومعاشي مو كامل قالوا لازم محكمه تحكم عالشان ينضافون عيالى يمكن اللى عندها خبره بالشؤون تعرف

المهم محكمة عيالى كانت شهر 7

المهم اهو قالى انتى معاشج الحين اسويلج معامله عليه ولما يضيفون عيالج اسويلج اعادة جدوله او اعطيج قرض ثانى انا مالى خبره بالبنوك قالى ان المعامله الثانيه صعبه بس لازم احاول مع الريال اللى بيساعدنى والريال يبي فلوس عاد انا والله مو القصد رشوة القصد ابيه يمشينى لان الفلوس صج صج محتاجتهم ضروري

اخذ فلوسه قالى لان بسافر ومحتاجهم واسبوع وارجع الحين قاعده اهدده يقولى ما عندج دليل قلت له سجلت صوتك يقولى اشتكى عليج على اي اساس تسجلين صوتى !!! قلت له عيل ليش خايف قعد يسوي افلام اكشن انا ولد عايله وولد نعمه ؟؟؟ ما اسرق من احد ولما قلت له بشتكى عليك قالى انا قدمت استقاله من البنك ؟

المشكله ما اعرف اتصرف مابي ادخل خوانى بالموضوع لان لو دخلتهم ممكن تكبر السالفه وتصير مشاكل وزوجى مابي يدري شسوى برايكم عفيه

 

[laymona]

رد: رد : بنات انسرقت 3500 دينار شنو الحل؟

شقولج يا اختي

انا سويت ايداع 50 دينار و الجهاز علق و ما خذاهم و لا ردهم و البنك موراضيين يدخلونه

على 50 عصبت شلون 3500 !!

هانت علي مصيبتي لووووول

بعد جبدي تصرفني دخلي كبار شوفيلج مني مناك احد يتوسطلج

سئلي رفيجاتج

 

[♥ąϻᴑŁ♥]

رد: رد : بنات انسرقت 3500 دينار شنو الحل؟

الله يعوضج حبيبتي ..

 

[شندوخه]

رد : بنات انسرقت 3500 دينار شنو الحل؟

يعني رشوه !!! لعن الله الراشي والمرتشي
وهذي عقوبه رب العالمين :0bee2e8d89:

 

[محبوبه25]

رد : رد: بنات انسرقت 3500 دينار شنو الحل؟

القانون لايحمي المغفلين!!

وين عقلج يوم تعطينه ليش ماتفكرين؟؟؟وشنو اهو منو اللي تثقين فيه هالكثر؟؟؟ وتعطينه هالمبلغ!!

واشلون تجرأ وطلب مبلغ منج بهالقيمه؟؟؟ ويوم انج عطيتيه ماخذتي منه وصل انه اخذ منج هالمبلغ؟؟ يعني حتى لو في محامي مابيسوي لج شي لأنه ماعندج دليل واهو اذكي منج لأنه قالج مابي تحولينهم لي عن طريق البنك ابيهم كاش..تدرين ليش قال جذي؟؟عشان مايصير عليه دليل انه اخذ شي منج...المفروض من قالج مايبي تحويل عن طريق البنك تفهمين الله يعينج صج بطيتي جبدي

انا اتفق معااج
والله يعينج
الحين فلوسج انباقت
و حسبي الله على كل الحراميه

 

[املى كبير]

ماني فاهمه

تعطين رشوه 3 ونص ومحتاجه قرض؟؟؟؟

اى والله

 

[أم كادي]

شوفي الحل الاول :
يا انج تحاولين تخلين اسلوبج حلو تيريريين من كلام عن المبلغ وتسجلينله

الحل الثاني : انج تنطرينه يطلع من البنك وتحلقينه وتدلين بيته وتبلغين عنه

ولما تخلصيين من الشغلتين تبلغين وتهديدينه انج بتفضحينه بدوامه بس اتمنى تكونين حافظه اليوم بالضبط اللي سحبتي المبلغ منه

 

[^^المهره^^]

شلون ترشينه؟؟
الله يهديج بس
لعن الله الراشي والمرتشي
اول شي الشي اللي بيسويه لج مو غير قانوني ولاهو انجاز عظيم
اي موظف غيره يقدر يسويه
يعني السالفه ماتستاهل رشوه اصلا
وحتى لو تستاهل جان من اول ماعرض عليج هالشي تبلغين عنه المدير وتفضحينه
بس انا مادري انتي شنو كنتي تفكرين فيه بالضبط