بنات انتوا ملاحظين حليب سيميلاك

[اللهم الجنة]

اخاف تخلون القوطي مال الحليب مفتوح ماتسكرونه عدل

 

[dantella]

انا هم مره شفت بس زفيت الخدامه توقعت انها موغاسله المميه عدل
اصلا سميلاك ما رتاحله ولدي وغيرته

 

["GloRia"]

انا سيميلاك ولا مرا شفت شي اسود فيه ؟؟
اخاف منتهيه صلاحيه الحليب او من زمااان مخزنينه بالتموين

 

[mama-dodo]

انا ما استخدم سيميلاك
كانت تشربه بنتي وسببلها غازات فضيعه ماكانت تنام منه
وغيرته

 

[c a t w o m a n]

أخاف ما تسكرين راسه عدل حبيبتي

 

[شباصه ريش]

مرحبا
تصدقين انا صار لي نفسج كدا مره حتي مره كتيته وسويت مره ثانيه
بس لما افتح العلبه وادقق فيهااشوفها نظيفه

 

[مألوفة]

مافيه شي وكاهو ولدي عمره شهرين الحين كله على السيميلاك ممتاز ولا يسبب غازات ولا شي لا ويذوب بسرعه وما فيه غازات من تخدينه ممتاز وصااافي ولكه من التموين والجمعية

 

[السولعيه]

انا عمري ماشفته مع اني دقيقه !!

غرررررريب بصراحه اخاف من مميات بنتج تعقمينها ؟

 

[bubble.gum]

مميات بنتي تنظيف اول باول وتعقيم بعدين همن السخان يوميا انظفه واحط ماي يديد .. مو بس انا ملاحظه هالنقطه السوده همن امي وخالتي كل مره يقولولي وانا الحليب اسكره عددل .. بس انتوا قلتولي ان يممكن منتهي بس حتن لو منتهي الحليب مسكر عدل شلون يدش له الحشرات ؟؟؟!!!
عاد انا احب السيميلاك وبنتي مرتاحه منه حييل وما ودي اغيره انا هاليومين قاعد اشوف شمنه لييش جذي يصير معاي ؟
انا ما عندي خدامه انا اللي اسوي الحليب او خالتي لمن تكون عندها بنتي الصبح وبس ...
وانتوا بعد جيكوا علي حليبات عيالكم انتبهوا !! انا اللي مو دقيقه شفته واهوه طافح بالحليب بدون ما ادققين اهوه يلفت النظر

 

[بطبوطة سكرة]

انا بعد مرة شفت نقطة سودة، الله يحفظ عيالنا

 

[ديما الكويت]

حبيبتي راقبي المكان اللي تخلطين فيه الحليب وين ؟ بلمطبخ
او غرفة البيبي ؟ انا بنفسي ابطل العلبة وشحلوه صافي شوفي وراقبي خدامتج من بعيد وبدون ماتحس فيج من وين تيي هالحشرات وبتعرفين

 

[ليمون ونعناع]

انا كنت استخدمه ولامرة شفت الي تقولين عنه
وقطعته لان كان ولدي مو متقبله ومسبب له غازات
جيكي الغلايه مالت الماي
او معقمه المميات يمكن فيهم تراكم املاح من كثر الغليان وجذيه ونطفيهم

واذا تامدتي ان الي شفتيه صحيح لاتسكتين وروحي حمايه المستهلك
انتي من اي منطقه تاخذين الحليب

 

[om Firas]

انا كنت استخدمه حق بنتي واحين ولدي بس ماعمري شفت شي
بس انا اشوف بالسيريلاك دااايم الله يستر لا تكون حشره

 

[أم يزيد &سديم&]

مافيه شي ششكلك توسوسين

 

[ELF Kuwait]

بجيك عليه والله يحفظ هاليهال:yaaaaaarb:

 

[^DanaH^]

انتوا من صجكم !!! هالحليب عليه علامة استفهام اصلا وانا كنت اعطيه عيالي وهممممم كنت اشوف هالنقطه السوده واللي تقول ماشافتها تبدأ ادقق وبتلقاها انا متأكده واهي بالحليب مو بالرضاعه او من شي ثاني ركزوا بالحليب سووو بحث بقوقول بس بمواقع اجنبيه لانهم للاسف يهتمون أكثر ....
وهذي صووورة النقط السوده ..




وهذا منتدى اجنبي وحده كاتبه عن هالنقط ومصوره كل شي
http://baselearning.blogspot.com/2011/08/black-metal-like-particle-found-in.html

 

[بطبوطة سكرة]

حسبي الله عليهم الصراااحة انصدمت
انا عيالي كلهم استخدمتلهم سيميلاك، خلاص لازم اغير حليب بنتي وانتو بعد بنات غيروه
لا حول ولا قوة الا بالله

 

[bubble.gum]

اششششششششوه في بعد احد غيري يشووووف ... انا كل مره والله عبالي نقطه سوده عاديه بعدين اكتشفت انها حشررره

 

[Apple-q8]

احسن حليب استخدمته بصراحه ومافي شي

 

[bubble.gum]

انتوا من صجكم !!! هالحليب عليه علامة استفهام اصلا وانا كنت اعطيه عيالي وهممممم كنت اشوف هالنقطه السوده واللي تقول ماشافتها تبدأ ادقق وبتلقاها انا متأكده واهي بالحليب مو بالرضاعه او من شي ثاني ركزوا بالحليب سووو بحث بقوقول بس بمواقع اجنبيه لانهم للاسف يهتمون أكثر ....
وهذي صووورة النقط السوده ..

مشاهدة المرفق 54282


وهذا منتدى اجنبي وحده كاتبه عن هالنقط ومصوره كل شي





ايييي نفس هذاااا بالضبط .. بس انا تطلعلي وحده .. واخر مره اللي خلاااص صار فيني الفضول اني اشوف شنو هذا لانه طلعت لي اكبر من جذي ولا هالحشره مالت الطحين نفسها ويييييييع :eh_s(14):