بنات انا عروس ومتوهقة شلون اجهز والمصيبة انة مهري شوية

[hadiyah]

سوري بدليه (لان اذا تبين تسوين قمصان نوم = يعني اذا تبين تسوين حفلة استقبال)

 

[برميته]

الله يتمم عليج ويوفقج ... ألف مبروك
شوفي حبيبتي دام مهرج شوية أقولج شلحل::denya:
بالنسبة للعطورات:
*انتهزي فترة تنزيلات فبراير وروحي عبدالصمد القرشي إخذي مسك العروس
ألحين عرظ تولة عليها تولة مجانن..... إخذي تولتين أو أكثر إذا تبين
عقب ما تاخذين الشاور . حطي بدال ديودرنت ومسحي بهلأماكن:
أعلى الفخذين(من داخل طبعن )+خط الخلفية+خط الصدر
* لا تكثرين عطورات إخذيلج نوعين يكون الست كامل(شاور جل+لوشن+عطر)
ونطري معرظ العطور يسوون عروظ حلوة ولا تنسين تاخذين رشوش للغرفة وخمرية للشعر
*دهن العود ظروري : أجمل عندهم عود مبخر عجييييييب إخذي ربع تولة
بس لا تاخذين أكثر من جذيه إن شاء الله بعدين تييلج الهدايا أغلبها عطورات ومخلط وتنزل شغلات يديدة
بالنسبة لقمصان النوم والبجامات
* مجمع الأيوب تحت فيه الهوايل في القوايل دوري الشغلات الناعمة الستن والحراير
والدانتيلات ولا تكثرين هم راح تييلج هدايا من القريبين منج حيل ..هم في محل بمجمع السندس تحت عندها شغلات ناعمة
( نصيحة :لاتشترين شغلج كله من محل واحد ترا بعظ اللي يبيعون عينهم حارة استغفر الله )
* قميص ليلة الدخلة مو شرط يكون من أنور والطاهر ترا غلايا علفاظي
*اخذيلج قميص كشخة من دبنهامز وطقم ستيان
* ماركس وسبنسر اخذي منه أطقم الستيانات روووعة
بالنسبة للبدل ولجناط والجواتي(تكرمين)
مجمع المهلب محلاته حلوة وفيها كل شي
بالنسبة لملابس البيت:
*الأيوب والسندس فيهم محلات يبيعون أي قطعة ب5
والمسألة في الأول والأخير مسألة ذوق مو على القيمة
نقيلج تنانير قصيرة وبنطرون جينز قصته حلوة وشورتات وبديات
بالنسبة للذهب مادري شنو تفظلين ذهب أصفر ولا أبيظ ولا ألماس ؟؟؟
بس من رايي إنج بدال ما تاخذين شبكة كبيرة وفخمة وبعدين تقطينها بالتجوري
وماتطلعينها إلا كل سنة عشان تطلعين زكاتها!!
أحسن إنج تاخذين أطقم ناعمة أبيظ وأصفر عشان تقدرين تلبسينهم
العبي والملافع والدراريع
* الفروانية
*حولي مجمع الحميضية(يم السندس)عبايات حلوة وأسعارها معقولة
المصورة
*نادية شاهين تصويرها روعة
*المرايم بمجمع العنجري فوق
سوري ماعندي الأرقام
المكياج
مكياج المنصور اللي بلعربيد بلازا فيه كل شي .. سجلي الشغلات اللي تحتاجينها منه عشان ما تنسين
بس الفاونديشن أفظل ماركة زينة( مها العتيبي فاونديشنها روعة)محلها في بيت المزر اللي في بيوت بهبهاني ورا الكنيسة اللي علبحر
ألحييييين الجســـــــــــــــــــــــــــــم :ggdw:
* الخلطة الصابونية كل يوم
* خلطي فازلين صغير+جليسوليد كبير+نص كريم سودو+ عصير ليمونة مشخولة+بودر أطفال صغير+ شوية بيبي أويل البرتقالي ( خلطي المكونات واحد واحد بقفشة مو بلخلاط)وكل يوم عقب الشاور حطيها على جسمج( الويه لأ )
*الشعر إذا كان موناعم حجزيلج موعد عند شوق اللي تسوي كيراتين 99185873 عشان تفتكين من لستشوار
وذا ناعم اهتمي فيه زيوت وحمامات زيت
* إذا فيج سواد بركبج وكوعج ومفاصل أصابعج فركيهم بليمون وسنفرة كل يوم
* كل يوم وترك فركي بهلخلطة( ملح اليوكو+زيت الليمون+زيت الجلسرين)عقب ماتخلصين من الخلطة الصابونية وغسليها بس بماي
* الحمام المغربي يطلع بلاوي من الجسم سويه كل اسبوع
*سوي تنظيف بشرة عند عيادة زينة أو عند سبا تايم.. ما أنصح عند صالون
سويلج جدول وكتبي فيه كل شي تحتاجينه مثل:
مجمع الأيوب + السندس+الحميضية : قمصان نوم+ ملابس بيت+عبايات+أجمل
وطبعن تكونين كاتبة بالتفصيل العدد والألوان اللي تحتاجينها
حبيبتي ... الأهم من هذا كله إنج تدعين إن الله يسهل أمورج ويباركلج في مهرج ووقتج وزوجج:eh_s(6):
وسامحيني إذا طولت عليج​

 

[العاذرية]

الف مبروووووووووووووووك

الدراعات افتري على مشاغل الجابريه والعربيد مايقصر بس انتي قصي خامج بتحصلين فناتق وانتي غيري بالموديل

جاشنمال مسوي سيل مادري اذا خلص الجناط عليهم خصم حلو
وتاناغرا هم فيه كولكشن حلو بحدود 60 الى 120 يعني ماركات مقدور عليها وكشخه

الساعات روحي روائع جنيف بيطلعلج على قد ميزانيتج ماركات حلوه ورزه هذا اذا ماتبين غالي حيل والماس وهالسوالف

البدل روحي زهره والفنار حلوين وهم ريفا ينزل شغلات حلوه


وملابس البيت اخذي من كل مكان حبيبتي اللي يعجبج اخذيه رخيص ولا غالي المهم الذوق واللي يناسب جسمج حبيبتي

والدي جي والمصوره بالمجلات الاعلانيه شغلهم حلو واخذي منهم شغلج كامل يخصمون لج حبيبتي

وبدلة العرس البيضا روحي حولي في شغلا والله حلوه وسعرها مناسب بس بتفترين عدل الله يعينج خصصيله يوم بروحه عشان تركزين

والله يوفقج حبيبتي وادعيلنا بالتوفيق

 

[ظٍل الياسمين]

الف مبروووك

والله يتمم عليج ..

اول شي اخذي بهالنصيحه ..

لا تكثرين عطورات مثل ماقالو الخوات راح يجونج هدايا وغير هذا انشاءالله ويمكن تحملين من ليلتج وتتنسين عليهم وبالتالي قاطتهم ماراح تستخدمينهم ..

بالنسبة لقمصان النوم .. لا تكثرين لان ماتعرفين شنو ذوق زوجج .. يعني اخذي واحد من كل لون اسود واحمر وابيض طبعا و مشجر وذهبي ,,

يعني لا تكثرين لان لاحقه يامالج بتشترين وبتشترين ..

ملابس البيت روحي كويت مجك .. واخذي من تنزيلاتهم جم شورت وتنوره قصيره وجم بدي وبنطلون يعني سوااف خاصه .. اهوا مايدري عن سعرها ..

البجامات اخذي من لاسنزا ماادري اذا عندهم تنزييلات او لا بس لمن يكون تنزيلات حلو شغلهم ورخيص ..

وهم عندج ماكس حلوه بجاماتهم ورخيصه ..

والدراريع روحي العربيد اسعاره زينه وتادي الغرض ..

العبي والملافع روحي لمجمع المغاتير و الصيفي ..

والجناط جاشنمال عندهم سيل الحين وحلو شغلهم ..

وبس اتمنى اكون افدتج ..

 

[هلكنيـ^حبكـ]

حبيبتي الله يوفقج ونصيحه لا تاخذين من مشاغل غلايا وانتي اشتري خام وخيطي احسن ي محل خام تحفه بالصفات اسمه ميثاق روعه ورخيص وقمصان نوم لاتروحين الايوب والسندس غلايا والله فحيحيل ارخص عنهم شغلات روعه فحيحيل وجواتي وشنط روحي حوش الجواتي عندهم شغلات حلوه واسعارهم مناسبه وعبايات روحي النمران سنتر روعه

 

[@@الحور@@]

ربي يوفقج ان شاء الله
ويسهل عليج امووووووووورج
ولا تحاتين ترى سهالات بس انتي لاتوترين
عشان مايأثر عليج

 

[MyLittleBerry]

اهم شي تخلصين حق عرسج

والباقي مع ريلج تروحين تشترين

انا قبل 6 سنين عرسي ايامها هم المهر كان شووي مو مثل الحين

جهزت حق العرس

وبعد العرس كنا نتسوق انا وريلي ونشتري باقي الاغراض

 

[*^*مــــزيــــانــــا*^*]

اولا الف الف مبرووك يا قلبي وعسى ربي يوفقج ان شاء الله

اولا المحلات وايد وفي فرص ... هم وايده تنزيلات وغيره بس قبلها اذا مهرج شويه لا تحاولين تكثرين يعني حاولي تشترين كل شي بس بدووون لا تكثرين من المكياج والعطور وقمصان النوم يعني خلليج متساويه في كل شي

طبعا اهم شي الذهب يمكن تقطين نص مهرج عليه لانه مهم ويبقى

وحاولي اذا انتي موظفه تخشين من معاشج مبلغ وتقطينه مع المهر

اما المحلات والسووق
الحين عندج فترة تنزيلات هلا فبراير فرري على كل المجمعات وشوفي اللي يعجبج اخذي انتزهي الفرصه وياي بالطريج معرض العطور ةالساعات شهر 3

الدراريع
.. عندج المشاغل الحريم .. العربيد للدراريع وايد ناس تمدحه للأمانه ما شفت بعيني بس وايد وايد يمدحووونهم

قمصان والبجامات

... محلات شكثر لاسنزا .. ..ويمن سيكرت ..اويشوو .. دبنهامز .. نكست .. ماركس سبنسر .. مجمع الايوب .. ويمه الاندلس في كذااا محل وحلوووين ...

اكسسوارات .. في معارض اللي يسوونها الحريم ,, ديقا كاريزما .. وقرطبه وغيرهااا .. شغل الحريم أغرب واحلى ..

عبي .. ملافع .. في كذا مجمع بالفروانية .. متخصص للعبي .. وفي الغالي وفي العملي

عطور مكياج بخووور ... أرض المعارض .. بشهر 3 بيفتح معرض العطور

ونصيحه مني سووي مثلي رحت اول الايان عشااان ما يخلصون البضايع السنعه والعطور الحلوه .. وأرووح مره ثانيه على أخر يومين .. عشان يسوون وايد خصومات .. وعشان اذا رحتي مرتين تقدرين تركزين .. أكثر ..

وعسى الله يفوقج .. ويهنيهج ..

 

[برميته]

حبيبتي نسيت لاقولج شغلة:
بالنسبة لجسمج إذا بتنسقينه عندج القرص الدوار من النصر
وأول ماتبدين الغدا والعشا إكلي سلطة ترسي الصحن
عقبها إكلي من الباجي بس على خفيف ( راح تشبعين من السلطة)
وذا عندج مجال امشي كل يوم ساعة
ماقدر أفيدج شلون تنزلين وزنج بس مو أي شي يقولونه البنات يناسبج
لازم يكون نظامج صحي عشان ما تذبلين يا وردة :eh_s(6):​

 

[فطـــومه^_^]

الله ييسرلك ويوفقك... والله انا مهري مو بس قليل الا قلييييييييييييييييييييييييييييييييييييل بقوه بعد
لكن توكلت على الله و تييييييسرت الأمور ولله الحمد... باقي لي اشياء قليله وأخلص

انتي توكلي على الله والزمي الدعاء والإستغفار وتصدقي من مهرك لو بالقليل وخططي وركزي زيــن والـــــــــــــــف مبرووووووووك

 

[شوشه منفوشه]

الله يوفقج

 

[اخت-اخوها]

الف الف الف مبروك
حبوبه دام مهرج رخيص عندج محلات قمصان النوم
روحي الجميع عنده قمصان نوم حلوه وفي بيت اولادنا هم حلو وعندج بمبارك الصيفي محل قمصان وايد حلو ولا تكثرين وايد لانه ما تعرفين ذوق ريلج يحب شنو يعني اخذي 3 طوال و4 قصار مع قميص النوم مع اول يوم والبجايم عندج h&m اخذي لج وعندج فاشن مل في بيجايم حلوه نوعي بين الرخيص والغالي

العطور
في معرض عطور اشتري من اهناك جم عطر

الدي جي
روتانا وااايد حلو انا كذا عرس حضرته وايد روعه

المصوره
ماعندي خبر والله بس شوفي ارت ستيديو وفوتيكينا

البدله في عندج مشاغل وايد مري عليها وشوفي اللي يعجبج

المسكه والله البنات يمدحون بياع الورد ماعندي خبر

خلطات التبيض الجلبسيرين وايد حلو حطي مع ليمون ودامي عليه وشوفي الفرق بس طبعا مو من اول مره

الدارريع في العربيد عندهم دارريع حلوه
العبي انصحج تروحين السعوديه وايد حلوين ورخاص واذا ماقدرتي عندج مجمع كامل بالفروانيه بس حق العبي

والله يوقفج
واذا ادتج بشي ابي منج الدعاء

 

[شوشه منفوشه]

االف الف مبررروك
حبيبتي اول شئ بلشي بالقمصان النوم والبجايم والملابس الداخليه عندج لاسنزا والطاهر مسوي عروض ودبنهامز

العطورات لاتكثرين منهم واخذيلج بخور وساعات ومكياااج موشرط ماركه

الديجي عندج الليلك او يوسف اشكناني هذووول التوب

المسكه عندج اورد الي بسالميه او نيوكلاس بحولي يم مجع العدساني تقريبا

وبدل طلعه وعبي بس لاتكثري لان السوووق مراح يخلص واكيد بتسوقين بعد العرس

وبدلة العرس عندج زياد انطوني الي بسالميه مجمع غاليري 2000 بشارع الفنار والتاجير من 600 اصراحه روعه

والله يوفقج انشالله

 

[Bamya]

الف مبرووووك

سهالات ان شاء الله انتي بس لا تختبصين وخلّي صديقاتج وخواتج يساعدونج بالتجهيز

في بنات عندنا بمول كويتيات يبيعون نفانيف عرس اسعارهم حيييييل زينه وموديلات غربية بسيطة وناااعمة لو تشترين نفنوف وتظيفين عليه كريستالات وتصممين لج بس طرحة احسن لج من التأجير

الكوش والمسكة اعذريني ما عندي خبرة فيهم

الجناط اخذي الالوان الاساسية اللي تناسب واايد من ملابسج مثلا أسود ، بيج ، أحمر .... على حسب ملابسج ولا تكثرين وايد نوعي بالجناط من ناحية الاسعار اخذي مثلا 2 ماركة غاليه و3ماركة بسعر متوسط و3 ماركة عاادية بس ستايل مثل river island و nine west وهالمحلات

محلات الجناط
karen millen في الفنار
guess بسوق شرق والافنيوز ومجمع مريم بالسالمية
DKNY مجمع مريم
chloe بمجمع الثريا بالسالمية
LV الصالحية
aigner الصالحية
gucci بالفنار
ومرّي على فيلا مودا مرّه وحده


اخذيلج اكسسوارات ناعمة من داماس وشوارفسكي وسيلفاراما
و 3 ساعات حلوة (ذهبية وسلفر ووحده يلد)

البجامات مثل ما قالوا البنات بمجمع الأيوب وسندس اللي بحولي ومحل أوشو ولاسنزا و وومن سيكريت ودبنهامز وتامي بوايد مجمعات موجودين (الفنار والمرينا والافنيوز) واخذيلج بجايم من ماكس و سنتربوينت وسبلاش

المصورات وايد امدحوا البنات مصور مومنتس moments بليلى جاليري
ومصور بالفنار الطابق الاخير نفس طابق السينما

للريجيم دكتور طالب الشمري مادحينه وايد

للبياض===== استخدمي صابونه تبييض (اختاري الصابونه اللي تعجبج من قسم العناية بالبشرة) + سنفرة تبييض (ملح وليمون أو سنفرة ستيفز بالمشمش للتبييض وايد حلوين) ولما تسنفرين شوي شوي على يلدج والا ترى النتيجه تكون عكسية + كريم تبييض (fair & white من الصيدلية ) ونفس الكريم في منه للويه بس يكون صغيرنو مركز لبشرة الويه + كريم لتقشير الركب والاطواع والمناطق الغامقه (retin A + aldocuin ) تخلطينهم وتحطينهم عالمناطق الغامقه بالليل والصبح تغسلينهم + بعد السباحه تحطين babyoil تظيفين له شوية زيت جيليسرين + شوية زيت عنب (يشدون بشرتج وينعموونها)

وفي حبوب تصفي البشرة ( ما تبيضها ذاك البياض لا بس تصفيها وتفتحها شوية) لازم تاخذينهم بوصفة اسمهم حبوب glutathion اعتقد ينوكلون مع حبوب فيتامين c بس لازم بوصفة دكتور لان الجرعات على حسب لونج


ونصيحه قسمي ميزانيتج قبل لا تروحين السوق ،، حددي شكثر بتصرفين على كل شغله سواء جناط او ملابس او اكسسوارات عشان لا تطلعين عن الميزانية

الله يتمم عليج وتطلعين احلى عروس

 

[الجــادل]

كم مهرج عساس اقدر اقسم لج حسب ميزانيتج واحدد لج المحلات

 

[سارونه87]

انا نفس اختي الجادل
جم المهر عشان اعرف شلون اقسملج المشتريات

 

[النمساوية]

حبيبتي بالنسبة للدي جي انا عندي رقم وحدة كويتية دي جي رخيص و حلو
اسمها ام دانه 7446365
تونس
وبالنسبة للمسكة عندج بياع الورد

 

[محتاجة لدعائكم]

شكرا على اهتمامكم فيني ومهري 5000

وانا لازم اشتري الشبكة

ابيكم تقولولي كل شي بالتفصيل الممل عشان ما اخربط واجد​

 

[الــفــجــرالــبــعــيــد]

السلاااااااااااااااااااااااااااااام عليكم

اول شي الله يوفقج ياقلبي ويسعدج ويهنييييييج وتطلعين احلى واحلى عروسه

والبنات ماشاءالله ماقصروا معاج كفووا ووفوا جزاهم الله الف خير

بس حبيت اقولج استخدمي جلسريين وليمووون ينعم ويعطي لمعه حق البشره
وبشرتج استخدمي روحي دكتورة جلديه وقوليلها انا عرسي بعد ثلاث شهور وابي علاااااااااااج يبين نتيجته بسرعه ولا تستعملين شي اخاف مايناسبج ويخرب بشرتج وتتوهقييييين ياقلبي

واذا على التجهيز كل ماتروحين مكان وتشوفييييييييين شي يعجبج اخذيه وعسى الله يهنيييج ويوفقج ياقلبي

 

[دلع شاعر]

مرحبااا يالغلاااا .. رووحي لعيادت طالب الشمري ..وقولي له انا عرووس وعرسي بعد 3 شهور وابي اضعف ..

اكيد بيسولي لج برنامج امشي عليه .. انا ان شاء الله اقرب فرصه بروح له بس ادل العنوان .. ..

والبنات ماقصروا الله يعطيهم العافيه يارب .. والله يوفقج وتصدقي مهرج وكثري من الأستغفااااااااااار ..