بنات انا ضعت ماليزيا او تركيا

[الحب والجمال]

انا سفرتي باذن الله 8/7 الى ماليزيا

تكفون بنات ادعولي بالتوفيق

 

[Dancing^Queen]

موفقه خيتو

 

[غلا الروح]

شوفي حبيبتي انا رحت ماليزيا دوله صج تستاهل يروحون لها مره ثانيه صج جوها رطوبه بس طبيعه اتينن

اسواقها روعه ناس في قمة الطيبه معاملاتهم في قمة الذوق


بالنسبه لتركيا انا مارحت لها بس اعرف وحده دايم تروح لها تقول طبيعتها حلوه بس نفس الاتراك في خشمهم بالعربي

معامله زفت

والله يوفقكم بسفرتكم

 

[q8hadaya]

مافى مقارنه ماليزيا احلى طبعا

 

[chocolat]

مشكوؤين حبيابي ملاك الشوق -غلا الروح -q8hadaya- و على مرور الخوات الحب والجمال و dancingqween و مشكورين على النصائح

 

[ملوكة]

حبيبتي انا رحت ماليزيا اذا عندج يهال راح يستانسون وسوقها اهبل انا انشاله بروح تركيا اول مره وانشاله اقولج


موفقه حبيبتي

 

[الهامورة]

انا ماليزيا ما حبيتها كلششششششششششششششششششششششششش احسها مالت شياب وكل شي يسكر بسرعه ويييييع وطريج عالفاضي
انا اقول تركيااااااااا بورصه تينن

 

[chocolat]

مشكورين حبايبي على المشاركة ان شاء الله الله يكتبلي واروح

 

[IM SO LOCCO]

امبيه شنو هذا خرعتوني عاد اليوم سفرتي لتركيا

 

[بندوري]

ماقصروا البنات بمدح ماليزيا ومثل ما قالوا تهبل انارحت لها العام تجنن بس هالسنه ودي اغير واروح يا تركيا يا النمسا

 

[جوجو.]

لا تركيا اغلى من ماليزيا

 

[chocolat]

مشكورين على المرور و المساعده

 

[IM SO LOCCO]

انا الحين بتركيا الصراحه في ناس خرعوني قالو شعبها غثيث وما يتفاهم الصراحه من اللي شفته حرام بالعكس مالهم شغل بالناس بحالهم بس اهما شوي ناشفين جوها حلو ربيعي يعني اول ما وصلنا اسطنبول درجه الحراره 22 انا عجبتيني بالعكس حلوه حق الاسترخاء والحمامات التركيه والمساج اكلهم اينن اللحم صج طري وورق عنبهم عجيييييييب
وفي ناس تتكلم عربي بس انتي اتفقي مع مكتب يدبرولج واحد يتكلم عربي انا الصراحه عجبتني مع اني رحتلها شوي وابجي لايعه جبدي ما ودي اروحلها وبالاخير كل واحد على طبيعته ونظرنته للديره اذا انتي رايحه وحاطه ببالج تستانسين بتستانسين

 

[IM SO LOCCO]

اي نسيت اقولج بس ترى وايد غاليه بطل الماي بدينار فيبلج ميزانيه قويه

 

[غزلان]

ماليزيا

 

[جوجو.]

انا الحين بتركيا الصراحه في ناس خرعوني قالو شعبها غثيث وما يتفاهم الصراحه من اللي شفته حرام بالعكس مالهم شغل بالناس بحالهم بس اهما شوي ناشفين جوها حلو ربيعي يعني اول ما وصلنا اسطنبول درجه الحراره 22 انا عجبتيني بالعكس حلوه حق الاسترخاء والحمامات التركيه والمساج اكلهم اينن اللحم صج طري وورق عنبهم عجيييييييب
وفي ناس تتكلم عربي بس انتي اتفقي مع مكتب يدبرولج واحد يتكلم عربي انا الصراحه عجبتني مع اني رحتلها شوي وابجي لايعه جبدي ما ودي اروحلها وبالاخير كل واحد على طبيعته ونظرنته للديره اذا انتي رايحه وحاطه ببالج تستانسين بتستانسين

صح الشعب التركي غلج مادري شلون لميس منهم

 

[chocolat]

مشكوره حبيبتيim So Locco وغزلان على المرور و على المعلومات الحلوه صج كل واحد وله نظرته ناس تمدح و ناس موعاجبها لولا الاذواق لبارت السلع و الله احنا للحين بس الله يسهل ريلي للحين مو مقرر و انا خايفة مانلقاحجز