بنات انا ضعت ماليزيا او تركيا

[chocolat]

شلونكم بنات ادري انا اذيتكم بس انا و ريلي للحين ماندري وين نروح ماليزيا او تركيا و فكرنا بلندن بس اكثر شي ركزنا عليه ماليزيا او تركيا شنو تنصحونيي افتر راسي:0bee2e8d89:

 

[شهدQ]

ماليزيا تهبل بس مشكلتها رطوووبه

 

[chocolat]

مشكوره على المرور بس اهم تركيا فيها اثار و طبيعة الله يسخر زوجي للمكان الحلو

 

[سمبوسة]

شوفي يا قلبي عن نفسي أقول ماليزيا بس كل واحد وذوقه انا بحط لج مميزاتهم وعيوبهم (برايي الشخصي) وانتي كيفج اختاري اللي يناسبج

تركيا المميزات:
طبيعة ساحرة
أكل لذيذ
أسواق اسطنبول حلوة
عيوبها:
حر ممكن يحوشج براد انت وحظج انا يوم رحت وصلت درجة الحرارة أربعين تخيلي وماكو تكييف لا بالسيارات ولا الشقق الا وين ووين
غالية على غير سنع يعني الأسعار مو وحدة ويستغلون العرب
الشعب غثيث ويخزون وايد
ما يعرفون انجليزي كلللش والبعض يعرف شوية عربي وغير جذي ماكو طريقة للتفاهم الا الاشارة

ماليزيا:
المميزات طبيعة حلوة بس لها طابعها الخاص يعني مو نفس اوربا لأ بس خضرة
السوق حلو ورخيييص بس مو هدوم لأ أكثر شي جواتي تكرمين واكسسوارات وجناط والمجمعات حييل كبيرة وحلوة
الشعب طيب وبحاله يعني ما تلفتين انتباهم كليا حتى لو بنقاب مع اني مو متحجبة بس أشوف العبي والنقابات وايد ومحد له شغل فيهم لو تركيا الكل يطالع
الأكل متنوع يعني تلقين كل شي الفاست فود والصيني والهندي والعربي
الكل يتكلم انجليزي عدل
الجزر حلوة الطبيعة فيها خيال وتقدرين تأجرين البانجلو أو الشاليه اللي بنص البحر وتتسبحين بحجابج اذا تبين عادي عندهم
العيوب
الجو حار ورطوبة بس كل شي مكيف نفس الكويت وما تحسين بالحر الا بالأماكن المفتوحة
الطريج بالطيارة طويل
حاولي ماتسكنين في شارع العرب لأن الأشكال اللي هناك ماأدري شلون صايرة أقصد طراروة وبنات أستغفر الله بس بغير هالشارع نهائيا ما شفت لا طرار ولا غيره بالعكس الشعب حيل راقي

 

[chocolat]

مشكوره سمبوسه حبيبتي على المرور و المساعده احنا اول شي قررنا ماليزيا بس صايره غالية بشكل مو طبيعي انا اقصد السكن
وا لتذاكر ريلي هون اهو مو مقتنع عدل فيها بعدين قالي تركيا و الله للحين مادري انا خايفة انطول و شلكلنا ماراح انسافر

 

[نـــــور]

تركيا فور شوور و مشكلتها نفس ما قالت سمبوسة التكييف صعب شوى تلقينة بالشقق لان اغلب جوهم بارد و موفقة حبيبتى

 

[&رعبوووبه&]

نفس الفلوس اللي بتقطينا بتركيا بتقطينا بماليزيا روخي تركيا ابرك على الاقل براد وسوقها وايد ارخص من ماليزيا
انا رحت ماليزيا قضيت فيها ايام حلوه بس الحر كان مشكله الجو كتام خنقه
ولا شفت المطر اللي يقولون عنه
قعدت 17 يوم وما افكر ارجع لها مره ثانيه

 

[اللولو]

انا كنت نفسج محتارة بين تركيا وماليزيا وبالأخير قررنا انا ورجلي تركيا وانشاء الله سفرتنا في تاريخ 2\7 ولمدة اسبوعين على النحو التالي: اسطنبول,طربوزون(وانصحج فيها).بورصا.

 

[ريمه الكويت]

انا من ناحيتي اقول ماليزيا كافي النظافه واخلاقهم حلوه صج اهي رطوبه ومطر يحوشكم بس الطبيعه تنسيج الجو
اما تركيا اختربت اول كانت تشجع من يروحلها اخلاقهم موشي وغلت على غير معنى ماتسوا الروحه مادري هذا رايي

 

[صـــــدف]

اسال مجرب ولا تسال طبيب

انصحك بماليزيا

خيااااااااااااااااااااااااااااااااااااال

وربي نظافة واخلاق وامااااااااااااااااااااان

مو مثل تركيا

صحيح حلوة بس ارتحت اكثر بماليزيا

وربي نفسي ارجع لها الحين

والمدن اللي رحت لها

سيلنقور جنب العاصمة

وبعدها بننيق جزيرة بروحها

وبعدها رحنا باليخت الى لانكاوي جزيره اغلبها مسلمين

وبعدها رحنا الى جنتل بمنطقه جبالية رووووعه

واخر محطة العاصمة كوالا لامبور تمشينا فيها وتسوقنا

وربي رحلة ماانساها ابد

:
:

موفقه .. واستخيري ربك​

 

[منورة الكويتية]

ماليزيا ونيسسسسسسه

 

[fbi_girl]

ماليزيا طبعا انا رحت الثنتين بس انصحج اب ماليزيا نظافه و وناسه وشعب راقي وجو زين حتى اب شهر 7 مطر
واكلهم متنوع واسواقهم رخيصه وحلوه وتلقين كل انواع الماركات
اما تركيا بالصيف حاره وايد وشعبها بس يخز وكل مايشوفون عرب يحشون ويقولون عربو عربو لوول
واسوقتها غاليه وايد احلى شي فيها الاكل

 

[ArEEj]

انا ما ارحت تركيا بصراحه
بس ماليزيا تهبل روووووعه
ونيييييييييييييسه
الله يكتب لى روحه لها مره ثانيه امين
ما افكر اروح الا لها بس

 

[روحـ روحه]

امي حيل تمدح تركيا كانت تقعد فيها بالشهر والشهرين وحيييييييييييل تمدح جوها

 

[أميره بأخلاقها]

انا ما رحت تركيا بس رحت ماليزيا
ماليزيا تهبل وفيها اماكن وايد حلوه وخاصة لما تسافرين بالطيران الداخلي
بس على فكره ماليزيا بس التذكره مالتها غالية والا اهيا بلااااااااااااااااااش

 

[chocolat]

مشكورين حبايبي على المرور والمشاركة انتو عطيتوني دافع عشان اشارك حتى بصور سفراتي و شمكورين على الرد و المساعدة انتو عطيتوني مجال اشاور ريلي و قوله عن آرائكم و نشوف والله يوفقكم اجمعين (نور-عيووبة-ريمة الكويت-صدف-منورة الكويتية-fbi girl-areeej-المباحث الفيدرالية-مزنة كول)

 

[lulucaty]

ماليزيا غير حق اليهال وحقنا ماليزيا فى اماكن سياحيه اكثر واحلى

تركيا مايصلح حق اليهال لان الطبيعه اكثر

واذا بخاطرج روحى الاثنين لاتخلين بخاطرج شى
والله يوفقج

 

[ملاك-77]

انصحج بماليزيا لانها امان وحيل نظيفه مثل سنغافورة واذا طاح منج كلينكس او فاتوره بالغلط علطول مخالفه

من كثر نظافتها على قولتهم تنغسل مرة بالسنه......وماشاءالله اكلهم نظيف واسواقها عالميه وحلوة

والطبيعه حدث ولا حرج شي موطبيعي خيالي ...اما تركيا صج انها طبيعه حلوة بس جوها مو ثابت مرة حر مرة ربيعي

وافيها امان بالمرة وكلها عصابات ومافيا وعلطول حوادث اختطاف ..بالتوفيق

 

[مزيونه وشقره]

ماليزيا وبس انا من عقب ماكنت عاااشقه لندن عشقت ماليزيا




مع تحياتي ياحياتي

مزيونه وشقره​

 

[chocolat]

مشكورين حبيايبي(lulucaty-ملاك -77-المزيونة الشقرة) على المرور و النصيحة ان شاء الله اسافر احدى هالديرتين و اراويكم الصور ودي اراويكم سفرتي الي طافت بس مااعرف انزل الصور في المنتدى سفرتي باريس