بنات انا خايفه والله خايفه

[جاليسا2007]

انا مو اول مره احمل
ولكني هالمره وايد خايفه من موقف الولاده لاني جربته
وألحين انا حامل في الشهرالثامن وأحاتي الولاده وأفكر وايد :eh_s(2):
وبجرب أبره الظهر ووايد حذروني منها ومن خطورتها بأن لها آثار جانبيه خطره
منو جربها منكم وشنو تنصحوني
قلبي ضعف وخايفه من الولاده
طلبوا لي الله يسهل علي وعليكم​

 

[لوفيه]

ليش خايفه ؟ مو تقولين والده من قبل بعد شهالخوف

اقري سورة مريم ترى ترتااااااااحين

وسبحان الله يروح الخوف كله بس انتي لا تقعدين تفكرين واتكلي على الله

وان شاء الله سهالات

وابرة الظهر ما انصحج فيها صج اني ماجربتها بس والله خالتي والده صارلها سنه وللحين

تحس بآلام بظهرها وكله من الابره

 

[الدلال]

ماكو الا العافيه ان شالله
اتوكلي على الله ومن اتكل على الله ماخاب

 

[ام جوجو العنزي]

الله يسهل عليج

 

[KOKO_284I]

حبوبه خالتي 6 سنين من ولدت وللحين اتعاني من الام الابره

اولدي طبيعي اتحملي شوي ولا يلعبون فيج

والله يسهل عليج

 

[شووووشن]

ربي يطمن قلبج .. انا نفسج وناويه على الابره بس واايد متردده
وافكر بالكمام بس مع انه مايفيد بس شنسوي الحمدلله على رزقه
غيرنا يتمناها وانا اختج ..ش​

 

[زين ودلال]

الله يسهل عليج ان شاء الله

وخلج على الكمام احسن

 

[أعشقه]

والله مهوب بس انتي انا عندي وسواس اني مابتحمل ويمكن اموت وكل يوم اصيح
ونفسيتي صارت اكس والحين انا توني داخله الثامن وجاني نزيف فجئه ويدي ع قلبي خايفه
ماباخذ ابرة الظهر بس يارب يعطوني كمام من نفسهم لاني بولد بحكومي

 

[GaLbI t7aWaL]

والله جربي ابره الظهر تدعيلي

والله ما تحسين بس بشي بسيط

وتشوفين البيبي من اول مل يطلع وتشيليه واتشوفينه واهما يسبحوونه وكلللل شي

لمن يخلص فبم الولاده تلخيينها نووومه لووووول

الله يسهل عليج

 

[sweet lady]

والله انا أخذت إبرة الظهر بولدي صارلي ٣سنين تهبل لا تعب ولا عوار اشحلاتها وشفت ولدي لمن طلع شعور غريب
بولادتي هذي ودي أولد طبيعي عالكمام بس حدي خائفة فاكييد ماراح أتردد عالابرة *

 

[مابين بعينكك]

نفس حاااالتي بالضبط وانا الحين باخر الثامن وميته خوووف,,
ويقولون الحريم الكبار ان الي جرب الولاده تحاتي اكثر من البجر لانها ماتعرف شنو بيمر عليها وفعلا انا حسيت فيه
و ابره الظهر انا بعد ماخذيتها بس متردده ؟؟

 

[GaLbI t7aWaL]

بنات والله عليكم بابره الظهر

والله اللي اتجربها خل اتذكرني وتدعيلي

 

[هذا مزاجي]

الله يسهل عليج
خوفتوني انا بكر وتوني داشه التاسع

 

[" ام حمود "]

الله يسهل عليكم ياارب ..
لاتخافين ودايماا ذكري ربج .

 

[ريـــ205ـــم]

خليج متوكله علي ربج
اقري سوره مريم واكثري من الاستغفار
وماعليج شر انشاالله​

 

[يا عيون سمي]

حبيبتي توكلي علي الله وادعي ربج اذا مفكره بابره ظهر عادي حتي العمليه يعطونها ابره ظهر يعني مامنها ضرر ان شاءالله او افضل استخيري قبا لاتاخذينها

 

[3aSaL Q8]

الله يهون عليج ويسهلج يارب
كثري الدعاء والاستغفار والقرآن ولا تحاتيين وتعوذي من ابليييس لا يوسوسلج
ابرة الظهر مامنها خوووف لوووو فيهاا ضرر جان منعووها من العالم كله فلا تحاتيين انشالله وكلها تساهيييل من ربج اهم شي التوكل على الله

 

[شوق العتبان]

اختي نصيحتي لج لاتاخذين الابره

خالت رفيجتي تخاف من الولاده وبنجوها عشان تسهل الولاده
بس تدرين شنو المقابل
قامت تنسى اثرها انها تخليه تفقد جزاء من الذاكره
هذا كلام رفيجتي هي قالتلي

تبين الحل
عندي
قالها شيخ ان وحده خايفه من سالفة الطلق والولاده وقامت طول الوقت وهي بغرفةالولاده تدعي بتيسير الولاده والاستغفار بكثافه


ماعليج الا تقولين استغفر الله واتوب اليه

وتولدين بالسلامه انشاء الله