بنات انا خايفه موووت ساعدوني

[السنعة2]

بانكوك حلوه بس لا تطولين فيها خاصة رطوبتها ومطرها مايغشمر
واهم شي يكون الفندق راقي ونظيف ماراح تشوفين فيه اشكال وسخه
ولا تنسين البخور الزين عندهم بس ديري بالج من الغش والبوق تر اهم شطار وايد بهالشغله
وعسى الله يونسكم بالعفيه

 

[rawona]

حبيبتي لا تحاتين ..
انا بعد ما احب تايلند ليش رحتلها مره وانا اصغيره مع اهلي ولاعت جبدي .. من اكلهم وجوهم وكل شي .. بس توني رايحتلها شهر 11 اللي طاف ما قعدت بالعاصمه بانكوك رحت بوكيت وشانغ ماي .. عجيبه وروعه ووناسه .. والاكل كنا ناكل بالفندق اكل بحري وايد كان حلو واذا كلش كنا نشتري من ماكدونالدز ... او نشتري توست وجبن من الجمعيه اذا مو مشتهين ناكل ثقيل ..
وقعدنا بالعاصمه 3 ايام بس حق السوق .. احلى مكان عجبني سيام باراغون وايد راقي و كله ماركات ومحلات نفس الكويت (زارا، مانغو، غيس، ...) وناااار بعد بس عجبني وما كنا نطلع بليل فما مرت علينا هالاشكال اللي بالشوارع .. توكلي على الله وخليج ويا ريلج وادعي وانشالله تستانسين وتتهنين :eh_s(15): ​

 

[ريمه الكويت]

انا رايحه تايلند السنه الي فاتت لاتحاتين اختي الي يبي الخرابيط لها اماكنها الخاصه العزابيه يدلونها هههههههههه يمكن موكل مكان تشوفينهم
انا ماصدافتهم بصراحه بس المكان الي سكناه الحمدلله نظيف وكنا نتمشى ونتسوق وماكو الا العافيه يمكن لوتروحين لبنان التفصخ اكثر

 

[فراولة^فوشيا]

والله يمدحونها تايلند

انا ما شفتها بس رفيجتي راحت مع ريلها اسبوع وتقول جان زين لو مطولين اكثر سوقهم يهبل

وبعد يقولون في فندق حيل راقي داخله مجمع ما يحتاج تطلعين بره بالرطوبه والوساخه بس مادري اي فندق هذا

 

[ساره ستايل]

ريلي راح ولاعت جبده منهم تحرش اشكره..
ووايد بتشوفين مناظر من هالناس اللي مايستحون اشكره بالشوارع جنهم حيوانات .. ويقول ما تصلح حق عايله
اكلهم زفر وريحته اتلوع الجبد
بس كطبيعه روووووووووووووعه
اما ماليزيا ف روحي وانتي امغمظة(( اخذيها مني ))

تعالي صج : الايدز ما ينتقل الا من الاتصال الجنسي أو الدم أو اللعاب..
ف لا تخافين منه انشالله ماعليكم خوف والحافظ الله

 

[um wahaby]

والله انا عن نفسي صارلي موقف مو حلو بتايلند... كنت اتمشى انا وريلي بالسوق الليلي ولا نمر صوب مكان كله بارات وكل بارفيه بنات حشاكم شبه مفاصيخ يرقصون على طاوله... احنا طبعا اول شي بققنا عيونا واخترعنا ...شنووو هذا ... وينافيه احنا .. وبعدين يتنا وحده اشمتنها وعطت ريلي ورقه وقعدت تهذر على راسه طبعا احنا مو فاهمين شي جان اخذ الورقه من ريلي ولا فيها .. الله ياخذهم كل شي تبيه موجودبالصور وبجميع الاوضاع واي شي نوفره لك .. طبعا انا حسيت ان الدم صعد من ريولي لي راسي جان اخذ الورقه وازقها بويها وادزها( مادري من وين يتني القوه) بس اهي عصبت وخرعتني ( بعد اهي ماتنلام احنا اللي رايحين لهم بريونا .. صج غفاله) جان يسحبني ريلي وينحاش ركض خخخخخخخخخخخ
خفنا اتطلع لنا سجين وتذبحنا عاد هناك عادي كلهم شايلين سجاجين.....
نصيحه اذا رحتي تايلند لا تروحين هالسوق الخايس.... بس عاد باجي تايلند والله وناسه... وبالسلامه انشالله