بنات انا بجريه ومتوهقه ولي يسلمكم ساعدوني

[بيبي غيرل]

السلام عليكم ورحمة الله وبركاته

بنات ابي اجهز حق بنتي :eh_s(22): بــــــــــس


مادري شنو اجهز وشكثر اشتري :eh_s(2): وين اروح :eh_s(2):

ابي والي يسلمكم تقولون لي شنو اجهز لها حق الاربعين والمستشفى
وحقي بعد مابي اكثر ولا ابي يقل عن المطلوب ابي شي يكفيها ويكفيني :eh_s(2): :eh_s(2):

الله يخليكم لاتبخلون علي بالرد و عطوني تفاصيل الي يسلمكم :yaaaaaarb:

وان شالله يارب الي ترد علي
عسى الله يحقق مرادها والي تبي ويرزقها الجنه اهي واهلها وعيالها والي تحبهم :yaaaaaarb:
امين يارب

 

[أثير88]

انا مثلج بجرررية
وان شاء الله البنات يفيدوووناااا

 

[Aloe Vera]

اهم شي حق الاربعين ملابس مريييييحة و دافية لج شوفي انتي شنو يريحج؟ بجامات او دراريع او تريننقات؟

و حق البيبي بجامات و اوفرولات قطن من مذركير حلوين تقريبا ١٠ حبات يكفون

 

[Aloe Vera]

الاغراض ممكن تاخذينهم من مذركير و سنتربوينت

حق بنتج ١٠ او ٨ اوفرولات قطن من مذركير
١٠-٨ ملابس داخلية حق البيبي
٣ كنابل دافية من مذركير و ٣ كنابل قطن هم من عندهم
٤ كبابيس و ٤ دسوس

حقج

٤ ستايين رضاعة مه قطن الصدر
مع الملابس الداخلية
بجامتين او ٣ قطن بنطلون و قميص جم طويل
روب
ملابس حق طلعة المستشفى شي مريح
ادوات النظافة من معجون و فرشة و مشط و شامبو و كريمات
مكياج خفيف اذا تحبين
دلاغات
شحاطة مريحة و دافية مو تاخذي نعال
فوط صحية زيادة
قميص نوم او روب حلو حق اذا يوج ناس

 

[بيبي غيرل]

بعد عمري الوي فيرا ماا قصرتي والله
جزاج الله الف خير عالرد

 

[Noufina]

بالمنتدى تلقين وايد مشاركات عن هالموضوع
ماقصروا البنات

 

[بيبي غيرل]

بالمنتدى تلقين وايد مشاركات عن هالموضوع
ماقصروا البنات

انا حصلت موضوع بس في اكثر من 700 صفحه :eh_s(11): وصعبه اقعد اشوفهم كلهم
عالعموم مشكوره عالرد :eh_s(17):

 

[Sugar cube]

الله يهون عليج حبيبتي و يعافيها و يجعلها من الذريه الصالحه


بقولج اللي اذكره و ان شاء الله اقدر افيدج

لاني كنت ضايعه مثلج ههههههه



مستلزمات البيبي

بجامات و عن نفسي حبيت بجايم نكست غسيل و لبس افضلها اكثر من مذركير
و تبانات ( اللي اهي اندر ويرات ) و على حسب الجو اللي بتولدين فيه تاخذينهم حفر نص جم او جم طويل
معقم المميات اللي عندي ماركه ايفنت لاني استخدم مميات نفس الماركه
محرر المميات جهاز تحطين فيه الحليب اذا برد يسخنه لحراره مناسبه للطفل و اللي عندي ماركه ايفنت بعد
< و ان شاء الله ما تحتاجين هالاشياء و يقدرج ترضعين كل الرضعات طبيعي
شفاط الحليب
فرشه خاصه لتنظيف المميات
فوط
بانيو صغير للسباحه الطفل مع اسفنجه تنحط فوق البانيو عشان ما يزلق البيبي
و تلقين بمذر كير كرسي صغيرون ينحط فوقه البيبي و يسهل السباحه
معقم كحول لتعقيم سره البيبي
توكي وكي ( جهاز اللاسلكي الي ينحط عند البيبي لسماع بكائه اذا ما كنتي يمه )
و في منه بكاميرا و هذا طبعا اختياري

كبابيس و دسوس
مهادات
مخده صغيرونه
جيس الياهل
انا كنت ادهن بنيتي بزيت زيتون فكنت البسها بجايم عاديه وقت التدهن
مقص او مقراضه اظافر
جهاز لقياس درجه حرارتها عند اللزوم
سودو كريم
مستلزمات السباحه ليفه ناعمه شامبو و شورجيل
< نصيحه لا تعطرينها و لا تكثرين بودر لصحه جهازها التنفسي
مطاره ماي حار

 

[HaMboOoSha]

لا تكثرين بدلات كشخه للبيبي كافي بدلتين تكشخينه جدام ابوه وحمولتج اما الباجي خلي البيبي كله امهد
ولانه راح يكبر بسرعه وتتحسفين عالبدلات اشتري اشياء مريحه
نكست كله يسوون عرض ٣ بدلات مع بعض ب١١ كشخه و مريحين و دافيين انا طول نفاسي قزرتها عليهم

وانتي اشتريلج دراعتين ستان ناعمين حق استقبال الناس اما الباجي اشتريلج اشياء مريحه

 

[HaMboOoSha]

عقمي المميات بجدر نظيف بماي ملح غليهم لمدة خمس دقايق هذي اوفر تكلفه واحسن تعقيم و قبل التعقيم غسليهم بلولو مال المواعين مع الفرشه عقب اغليهم

وحق السره فيه مناديل كحول للسره واايد زينه

وحق تسلخ البيبي لااااا تستعملين غير النشااااااااا اكرر النشااااااا لا سودو كريم ولا بطيخ وعن تجربه يشهد علي الله

 

[عواش دق دي]

ولازم اااانتي تاكلين زين واتغذين بطنج وترتاحين وتاكلين اكل صحي مو تكثرين ترى اذا كثرتي تمتنين ابسرعه والله وخصوصا بالاربعين

ولاتشترين اااغراض واايد بس ١٠بدلات وحق الكشخه ٢بس موتكثرين ترى البيبي يطول ويمتن بالاربعين ويلا بالتوفيق انشاء الله


ويسلمووووو على الموضوع

 

[مناوووي]

رررررفع

 

[Sugar cube]

لج انتي

ستاين الرضاعه و تلقينهم بمذر كير
بجايم مريحه و يفضل طوال عشان ما يدش فيج هوا
تريننغات نفانيف ذربه عشان اذا زارج بو بنيتج او زارج اي احد و لا تكثرين منهم
روب دافي و ذرب
مداس ( شحاطه )
ملابس داخليه اخذيلج مريحين
فوط صحيه
ادوات امكياج طبيعي و ناعم قلوس مثلا كحله ماسكرا بلشر خفيف < انا المكياج و اللبس كان يعدل نفسيتي ههههههه
لان مع الحكره يتلي الكآبه شوي كنت اول الايام ما اطلع برا الدار
لا تنسين استشوارج لا تخلين شعرج مبلل عقب السباحه
كريماتج و لا تكثرين عطور عشان صحه البيبي
صبغ اظافر p:
ادويه للجرح الدكتوره بتوصفلج اياهم


و نسيت اقولج تحتاجين للبيبي مصاصه معني ما افضل استخدمها وايد
Gaz bimbi تلقينه بالصيدليه اعشاب طبيعيه للغازات للبيبي او كنت استخدم اعشاب طبيعيه للغازات بس و الله نسيت شنو اهم بالضبط
صابون خاص للاطفال لغسيل ملابس البيبي
و نصيحه لا تكثرين من كل شي لان البيبي بسرعه يكبر بهالمرحله
سكر نبات تخلطينه ويا الماي اذا البيبي حاشه بصفار


ان شاء الله اكون فدتج اختي

 

[بيبي غيرل]

بعد عمرررررررررررررري والله ماااااااا قصرتوا عسى الله يجزاكم الف خير ويبلغكم الي تبونه يارب

 

[American.Life]

الله يهون عليج وانشالله البنات يفيدونج

 

[تبيني آرضى عليك]

آآآآآآآآآآآب

 

[beauty rose]

انا بكتب لج ان شاء الله و يارب مانسى شي ..​

للمولود :
بجامات - مهادات - كبابيس
مميات ( 5 كافي و يكونون قياس 4 مل ) للحليب و وحده ( 2 مل ) حق الماي
غلاية للمميات - فرشة تنظيف المميات
حفاظات مقاس 1
كريم الحفاظة - ليفة ناعمة - فوطة سباحة - حوض سباحة
اسفنجة السباحة اللي تحطينها داخل الحوض - شامبو سيباميد او جونسون
شامبو للجسم - بودرة جسم - فازلين الاطفال
ماي غريب للغازات
سرير صغير - بطانيتين - جيس للبيبي حق الطلعه
جنطة حق الطلعات كبيرة للزوارات
و جنطة صغيرة حق روحات السريعه مثل التطعيم و المستشفى ​

( سرير البيبي اخذيه اللي ينفصل عن قاعدته عشان لي بغيتي تحطين السرير
بروحه عالارض او على فراشج احسن )​

للأم :​

بجامات قطن طويلة 5 كافي و جاكيتين
داخليات كثري منهم
و اذا ترضعين ستيان الرضاعه
كوتكس
3 شيلات قطن
نعال حمام - نعال للبيت - فوطتين للسباحة
عدة السباحة و الاسنان
مشط و سشوار و شباصات
عبايتين اذا عندج مراجعة تروحين
قمصان نفاس اذا انتي نوعج كل يوم يزورونج ناس اخذي 4
اما اذا تسوين استقبال يوم واحد كافي 3 حق اذا ياج احد فجأة مو بيوم الاستقبال
ادوية النفاس
كفر للفراش يكون دافي
جنطة سفر حق اغراضج​

و ان شاء الله ما اكون ناسية شي
تولدين بالسلامة حبيبتي​