بنات امس دخل علينا كاسكو

[هايدي الجميله]

السلام عليكم
امس دخل كاسكو مادري من وين جاي
اذا قربت من يمه يطلع صوت غريب ما اعرف كيف اوصف الصوت
كيف نعتني فيه اذا خلوه اهله ماسئلو عنه كيف نخليه يتعلم الكلام
ونخليه يتعود علينا ابغى معلومات عنه في كل شي
الله يجزاكم خير

 

[وردة-الكويت]

هلا اختي

يقولج الي اعرفه حلى حسب مااعرف حطوه في قفص راهي واكل من مركز سلطان خاص فيه

وماي <<<يعني قايله شي

ومكان هادي

وسألي باونتي ترا اهي ماشاءالله تعرف كل شي عن الطيور

واتمنى اني افدتج

 

[xXBountyXx]

أولا ياريت تحطين لنا صورته عشان نقدر نفيدج أكثر

بخصوص نوع الطير وعمره و طريقه التربيه والاهتمام


ثانيا الصوت اللي يطلعه الكاسكو

يسمونه "جعره"

يعني اذا قربتي منه يجعر وهذا سببه الخووووف

وهو شي طبيعي اذا كان الطير في مكان جديد مو متعود عليه

أنا أفضل تسألون الجيران فالبدايه اذا كان الطير يخصهم

والناس اللي حواليكم

ومن بعدها اذا ماحصلتوا صاحبه ممكن تحتفظون فيه

اول شغله حابه اسألج عنها

في ريله حيل؟؟ في ساقه حلقه معدنيه؟؟

اذا في ابي تقرينلي شنو مكتوب وتنقلينه لي ماعليج امر

فالغالب الحلقه اللي في ريل الطير

تكون معلومات عن عمر الطير ومعلومات عن صاحب الطير


والحين كبدايه

اقولج لازم توفرون له قفص كبير

بناسب حجمه

ويكون نظيف

طبعا تحطينله ماي واكل

واكل الكاسكو تحصلونه فالسوق متوفر

وتخلونه في مكان مو هادي حييييل ولا يكون فيه ازعاج

ومايكون في شمس مباشره ولا يكون بارد

وبس


حاليا هذا كل اللي اقدر افيدج فيه

كبدايه

في جم سؤال سألتهم فوق

ابي رد الله لا يهينج

واذا حابه تعرفين زوود انا حاضر





تقبلي مروري
xXBountyXx

 

[بـنـت النور]

ههههههههههه ذكرتيني احنا دخل علينا جلب على قولة خالتي شكله ولد ناس مو ولد شوارع ..

 

[بنات عطا]

انا مااعرف الا الصووتا يسموووونااااا جعره

كظماويه

 

[هايدي الجميله]

الله يجزاكم خير
اختي باونتي ماعلى رجله شي
انا مأعرف احط صور بس هو مثل هذا بظبط
http://www.hazza.org/up/uploads/facf0fc875.jpg

 

[AmOoNa-]

حبيبتي هذا كاسكو مثل ماقلتي

بس اذا بتعرفين عمره وجنسه لازم صوره اذا مثل ماتقولين يجعر هذا طبيعي لانه خايف بس اذا بتعرفين مدى صعوبة تدريبه وتعليمة لازم تعرفين عمره لانه كل ماكان اكبر كانت العمليه اصعب
والعنايه في موصعبه يبيله قفص خاص حق الكواسكو واكل كواسكو من سوق الحمام ممكن يكون حب شمسي مخلوط مع فواكة مجففة وشغلات ثانيه

 

[هايدي الجميله]

من ناحية كبره نفس الصوره ألي حاطتها
نفس الكبر

 

[xXBountyXx]

من ناحية كبره نفس الصوره ألي حاطتها
نفس الكبر

حبيبتي

عمر الكاسكو ماينعرف بالحجم

انا بقولج اشلون تعرفين اذا كبير او صغير

شوفي عيونه

اذا كلها سوده يعني صغير

اذا سوده وحواليها ابيض يعني كبير

وكل مازاد البياض كل ما كان اكبر فالعمر


==================


عموما حطوه في قفص نظيف وكبير اشوي عشان يكون مرتاح فيه

كل ماريحتي الطير كل ماكان احتمال انه يتكلم ويخربط بالحجي اكثر

حطي القفص بالصاله

او في مكان يكون فيه سوالف

ناس تسولف يعني مكان حيوي فيه حركه وناس

اختاري انسب مكان في البيت وحطي قفصه فيه

ولا تغيرين مكان القفص

عشان يتعود على مكانه بسرعه

وبس

هذا كل اللي تقدرين اتسوينه

ومع الوقت راح يتعود عليكم ان شاء الله




تحياتي
xXBountyXx

 

[xXBountyXx]

هذي صوره لكاسكو فرخ

شوووفي عينه اشلون كلها اسود



=====================

وهذي صوره لكاسكو كبير فالعمر

شوفي العين حواليها ابيض

 

[هايدي الجميله]

الله يجزاك خير ويحفظك من كل شر
ايه هو عيونه سوده وحولها ابيض
وعطيته اليوم تفاح