بنات النفاس خلونا ندردش مع بعض

[نـور الكويت]

رد: تجمع امهات النفاس بشكل عام حياكم الكل يشارك معنا

مرحبا بنات شلونكم شخباركم ..

بناااات منو والده قيصريه ..

شسويتوا ع التشققات والكرش .. وابي كريمات تبيض للكرشه صايره سوده كرشتي

وابي خلطات تشيل التشققات يا الله (( ومنكم نستفيد ))

 

[fdeet_shosho]

رد: تجمع امهات النفاس بشكل عام حياكم الكل يشارك معنا

هلا نور الكويت - بصراحه مادرى عن القيصرية وياليت احد يفيدج من اللى والدين قيصريه
بس انا شريت من جراس المجموعه مالت زيبرا اللى تشيل التشققات بس ماجربتها للحين ناطرة اشيل الخيوط وعقب اجربها ان شاءالله بس اشوف البنات يمدحونها وبجربها وبقولكم الصج هل نفعت وياي او لا

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

موون
الدكتور ما قال لي شي عن سرتها فأتوقع طبيعي
و أهي الحين خفت نوعا ما الدم مو فرش كله يابس
و على طاري التحاميل
دكتورتي كتبت لي على تحاميل بيتادين حق اخر ٥ ايام من الاربعين

فديت شوشو
انا هم اشتريت كريم الزيبرا و بعد الصابون الافريقي من غراس
و الزيبرا استعملته شوي قبل ما أولد و ناوية ارد عليه بعد طلعتي من الاربعين
و الصابون يقال انه يبيض عشان احس نفسج شوي منطقة البطن صارت قامجة

انزين بنات ما تحسون ان نفاسكم مو مضبوط برمضان؟؟
امبيه الوقت منقلب مع بنتي ادور الدقيقة عشان أنام فيها و بالتالي ما اكل عدل
أخاف ما اتنفس عدل بعد حتى وقت الوجبات مو مضبوط
الله يستر

 

[fdeet_shosho]

رد: تجمع امهات النفاس بشكل عام حياكم الكل يشارك معنا

سكارلت حبيبتى اى والله نفاس رمضان مو شي انا ويا بنتى نقعد للساعه 6 الصبح وعقب ننام ونومى مقطع بس ما اشتهى اكل ابي انام بس ترضع البنت وسيدة انام وراها ليما حزت الفطور وهنى اكل من اكل الفطور - ياربي متى اضبط نومتها مثل الاوادم ودى اقعد مبجر واتريق بس ماكو مجال الله يعينا
طيب متى راح تبلشين الخلطات باي يوم انا صارلى 16 يوم اقدر ابدى من الحين ولا مو زين اخاف يدشنى هوا

 

[زينانه]

رد: تجمع امهات النفاس بشكل عام حياكم الكل يشارك معنا

مرحبا
عشان تنظفون اكلو تمر برشاد
وكثرو باكلكم فلفل اسود

وسوو خلطة الفناجيل الخمسه. تلقونها بقوقل حيل سهله
والهموها من اليوم ال 20 وورا. عالريج

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

فديت شوشو
خليها على الله الحال من بعضه
يقولون ان النفسة المفروض ما تيوع و انا اغلب فترة النهار يوعانه
من بعد ما اعطي بنتي رضعتها يكون حيلي مهدود بس ادور الفراش ما افكر بالاكل
و مو قاعدة احذ من أدوية النفاس الا اللهوم على الريج مع ٥ حبات رطب
اول الايام كنت اكل حسو و عصيدة الحين لأ
نفاسي خرابيط و كله بسبة رمضان
اليوم احس مالي خلق و راسي خفيف
أكيد من سووء التغذية
الله يستر

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

زينانة
هالخلطة مو أهي نفس اللهوم الي نشتريه من الحواي و الحريم؟؟

 

[a7la.moon]

رد: تجمع امهات النفاس بشكل عام حياكم الكل يشارك معنا

بنات صااااايره ما اشتهي اكل مادري ليش

وانا نفسج سكارلووت مرات اصير يرعانه عاد صج موو زين امبيه الله يستر

امس مراجعتي عند ناهده الحمدالله شالت الغرز

وعطتني تحاميل بيتادين حدددي خاايفه لمااااا استخدم يعني شلوون استخدمهم في احد مجربهم وهل اهي زينه والله اخاف من هالسوالف

 

[وتين قلبـي]

رد: تجمع امهات النفاس بشكل عام حياكم الكل يشارك معنا

يارب عقبالي انظم لكم عن قررررييييب

تكفووون ادعوولي اولد قبل العيييد ولاده ميسره وسهله وطبيعي وبالسلامه انا وجنيني



لاتنسووني بالدعاء انتو اكيد حاسين فيني من ثقل الحمال والتعب عسى الله يأجرنا*

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

وتين القلب
الله يسهل عليج يا رب
و ان شاء الله ما يمر هالاسبوع الا و انتي والدة و تشوفين بيبيج بحضنج

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

أحلى مون
لا تخافين من التحاميل الكل يمدحها
انا دكتورتي كتبتهم لي و قالت لي استخدمهم اخر ٥ ايام من الاربعين

 

[نـور الكويت]

رد: تجمع امهات النفاس بشكل عام حياكم الكل يشارك معنا

بنااااااااااات خلطة غراااس تصلح للقيصري انا بطني صاير زيبرا .. واسوود

مو حلو شكله ابي ارقع اشوي هههه .. صج يقولون لا سويتي اكسجين التشقير يرووح السواد الي بالبطن ..

 

[anooma_86]

رد: تجمع امهات النفاس بشكل عام حياكم الكل يشارك معنا

مرحبا بنات شلونكم مع النفاس؟ انا توني لي ٦ ايام والده يعني وراي مشواااار و الله يعين.. عندي استفسار انا من ولدت كل ماقعد من النوم جسمي يكون كله ماااي و سمعت ان بالنفاس هذا الشي طبيعي لان الجسم يطلع السوائل.. منو فيكم نفسي؟

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

^^^^^
انا نفسج بس كنت أحسبه عرق مو ماي
خصوصا صوب رقبتي و صدري كنت اقعد من النوم ألقى نفسي متسبحة بالماي
بس تقريبا هالموضوع قطع عندي من جم يوم ما قمت احس بماي
و انا لي الحين ١٤ يوم من ولدت

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

نور الكويت
ما اتوقع منها مضرة لان مكوناتها طبيعية ١٠٠٪
بس هم افضل انج تسألين غراس أهي ابخص و الصراحة انسانة جداً محترمة
أهي حاطة رقمها بتوقيعها جنه دوي لها وتساب ان شاء الله بترد عليج

 

[anooma_86]

رد: تجمع امهات النفاس بشكل عام حياكم الكل يشارك معنا

الله يعينا شعور خايس لم تقعدين وجسمج كله ماي

 

[نـور الكويت]

رد: تجمع امهات النفاس بشكل عام حياكم الكل يشارك معنا

ساكروليت يا قلبي دزيتلها ع الواتس اب وماردت انطر ردهاا

تسلمين ياقلبي وإن شاءالله نطلع احلى عرااااااااااايس ..

ويجمع ما بينا وبين ازواجنا ويجملنا بعيونهم يارب العالمين ..

 

[MOOON&M]

رد: تجمع امهات النفاس بشكل عام حياكم الكل يشارك معنا

شلونكم بنات

انا طلعتي بعد 10 ايام

والكرش لينه وحدي متفشله منها غير الخطوط الحمر

استغفر الله مافي وقت!!

ما يمدي بسررررررعه يمر الوقت وما نحس فيه

يااااارب نطلع احلى من العرايس والجسم يتسنع

ما ادري شلون بيتسنع وانا ما اسوي شي

 

[وردة النرجس]

رد: تجمع امهات النفاس بشكل عام حياكم الكل يشارك معنا

انا توني والده ماصارلي اسبوع

واي مشكلتي العرق الي يتصبب منج فجأه وخصوصا بالليل

الله يعدي هالايام على خير يارب

ويبعد عنا شر النفاس

 

[وردة النرجس]

رد: تجمع امهات النفاس بشكل عام حياكم الكل يشارك معنا

وصج بنات

على طاري الكرشه انا مفتشله من الرداده ليما بتيلي واي احس فشله تلوع الجبد الكرشه

وكلها شعر

الله يعين انا احس بس نطوف ال٢٠ يوم بعدين عادي