رد: تجمع امهات النفاس بشكل عام حياكم الكل يشارك معنا
هلا حبيبتى الاجانب ينظفونهم قبل لايطلعون من المستشفى عدل مو احنا هنى يخلونج بروحج تنظفين وبعدين اهم متعودين عالرياضة والمشي واكلهم صحي وحتى اهى حامل لها رياضة فالجسم متعود واحنا طول التسع شهور بس ناكل ومانتحرك وفجاة تبين تلعبين يبيله وقت عشان الرحم ماينزل وهالشي مو منا من الله الاربعين يوم للنفاس ترجع كل شي مكانه - واذا تحسين نفسج تعبانه وماتقدرين على تنظيف الشقة فى الخدامه اللى تجيبينها بو ساعتين ولا ثلاثة ومن شركه مضمونه يوصلونها للبيت تنظف وترتب اللى تبينه وتعطينها يوميتها وتمشي جربيها - بعدين ليش ماندلع عمارنا
بالعكس دلعي روحج وريحي نفسج ان ماريحتى روحج محد بيدلعج ويريحج
والله شوفى انا بنتى اول ولادة لى الغرز قعدت 35 يوم على ماطاحت لاعت جبدي - بس بعيالى الباقين من اكمل 15 يوم اروح لدكتورتى تشوف الخياط اذا اوكي تشيل الغرز خلاص وافتك ليش انطرهم يطيحون واتعذب لا يامعودة ان شاءالله موعدي باجر عند دكتورتى تشيل الخيوط وتنظف الجرح وخلاص افتك من هالهم (خخخ انا اعتبره هم لانى لا اقدر اتحرك ولا شي)
بالنسبة للسر اذا طاح وللحين يطلع دم معناته ملتهب واذا فى افرازات يعنى التهاب بنتى الحين جذي طاح السر وللحين فى دم شافها الطبيب وعطانا البودرة مالت السر تنشفه وتعقمه وقالنا راجعوا عقب اسبوع اذا للحين ما طاب السر راح يسوولها كوي للسر فانتى استخدمي البودرة وانا احط مرة على السر عشان ينشف لانها زينة وتعتبر مضاد
