بنات النفاس خلونا ندردش مع بعض

[MOOON&M]

رد: تجمع امهات النفاس بشكل عام حياكم الكل يشارك معنا

شلونكم


بنات ابي شي ينزل الدم

انا تقريبا باليوم ينزل نقطه

ولما رحت مراجعتي

سوتلي سونار وقالت في شوية دم


شسوي

والنفسيهx

حدي تعبانه

 

[MOOON&M]

رد: تجمع امهات النفاس بشكل عام حياكم الكل يشارك معنا

والحين صارلي١٢ يوم


والخياط ما طاح ولا سرة البنت طاحت

 

[نـور الكويت]

رد: تجمع امهات النفاس بشكل عام حياكم الكل يشارك معنا

مووووون يا قلبي كثري من الرشاد مع التمر والسمن .. ينظف البطن

والفلفل الاسود مع اكلج الي تأكلينه وعصيتدج والحسو ..

وبنتج حطي الاسيتون مع البودره ..

وما تشوووفين شر ياقلبي

 

[MOOON&M]

رد: تجمع امهات النفاس بشكل عام حياكم الكل يشارك معنا

ياقلبي نور ماقصرتي


والله هذا الي اسويه

بس ما ادري ليش موراضيه اطيح السره ولا الدم راضي ينزل

 

[Laymo0ona]

رد: تجمع امهات النفاس بشكل عام حياكم الكل يشارك معنا

قوة شلونكم بنات
موون غريبه ماطاحت سرة البيبي انا استخدم مسحات الكحول والبودرة والحمدلله طاحت وقاعده تنظف وليلحين انظفها
ماعندها مراجعه? شقال الدكتور عنها?

ليدي يعطيج العافيه عالتجمع
ملح جزاج الله خير عاللي تكتبينه صراحه معلومات وخلطات حلوه ومفيده

 

[بيرلا ستور]

رد: تجمع امهات النفاس بشكل عام حياكم الكل يشارك معنا

هلا حياتي ليمونة
العفو ياقلبي نورتينا والله والف الحمد لله على سلامتج يالذوق

ادعيلي اولد خلال اسبوع واااااااي حاسة هالشهر قد سنة !!

 

[fdeet_shosho]

رد: تجمع امهات النفاس بشكل عام حياكم الكل يشارك معنا

مرحبا بنات انا نفاس وصارلى تقريبا اسبوع وطبعن النفسية اكس
ماخذة كورس النفاس من ام خالد خبيرة الاعشاب - بس مادرى الدم ماينزل عدل احس جنة شوية مادرى الدكتورة منظفتنى عدل ولا فينى عله
الاكل مو مشتهية اكل شي مولية البيبي مو مخليتنى انام طول الليل سهرانه والصبح بس ابي انام مابي اكل شي الله يعينى بس

 

[بيرلا ستور]

رد: تجمع امهات النفاس بشكل عام حياكم الكل يشارك معنا

فديت شوشو نورتي الموضوع غلاتي

لا انا بولدي الاول جذييه الدم مانزل وايد كانت دكتوري منظفتني حيل على قولة الوالدة

واستغفري كثير يالغلا وفترة وبتعدي باذن الله

 

[fdeet_shosho]

رد: تجمع امهات النفاس بشكل عام حياكم الكل يشارك معنا

يسلموو ليدي
طيب الحين بعرف متى اقدر استعمل غسول المرة من اى يوم بالنفاس لانى سمعت انه مو زين اول الايام يشيل الخيوط قبل لا يلتئم الجرح
اصعب فترة بالنفاس اول اسبوعين عشان الخياط ولا بعدين يصير سهالات يارب يعدي هالاسبوعين على خير يارب

 

[بيرلا ستور]

رد: تجمع امهات النفاس بشكل عام حياكم الكل يشارك معنا

انا بصراحة ما احب استعمل فورا اي شي عالجرح

اللهم كنت كل يوم اغسل بماي وارش الدوا اللي يسكن نسيت اسمه لان حملي الاول من 3 سنين

وبانتظار اولد الحين عخير ربي يتمم علي وعلى الخوات

 

[fdeet_shosho]

رد: تجمع امهات النفاس بشكل عام حياكم الكل يشارك معنا

ليدي الله يسهل ولادتج يارب وتولدين بالسلامه
متى موعد ولادتج اذا عديتيه حاولى تمشين وتاكلين تمر كثر ماتقدرين واذا حاسة بطلق بارد شربي كف مريم يبطل الرحم وزين

 

[زينانه]

رد: تجمع امهات النفاس بشكل عام حياكم الكل يشارك معنا

احلا شي للخياط خواجوا
تطبخينها بزيت زيتون بس تغلي غليه وحده
وسكري النار ومن تبرد حطيها عالخياط

وحق سر البيبي البودره الخاصه بالسر تلقينها بالصيدليه

 

[خفايا الروح]

رد: تجمع امهات النفاس بشكل عام حياكم الكل يشارك معنا

الحمدلله ولدت يوم الجمعه 12\8 وجبت ولد .. بعد معاناة بالشهر العاشر ..

تعبت حييييييل وولدت من غير اي مسكن مت شفت الموووت بعيوني الحمدلله يااارب ..

النفاس ضيقه وغلقه بنتي ذابحتني تغار من اخوها وصايره تدلع حييييل وتبيني اعتني فيها مثل اخوها والله تعبت منها وهذا انا ماصارلي كم يوم والده ,,,

 

[بيرلا ستور]

رد: تجمع امهات النفاس بشكل عام حياكم الكل يشارك معنا

الف مبروك خفايا
بس ليش بدون مسكن؟؟ وين ولدتي؟؟

وفترة وتعدى ماعليه اهم شي الزمي الاستغفار وربنا يصبرنا كلنا

 

[ScarletteO'Hara]

رد: تجمع امهات النفاس بشكل عام حياكم الكل يشارك معنا

و أخيرا قدرت انضم لكم
الحمدلله ولدت بتاريخ ٨/١٠ و يبت بجري مريم الله يخليها لي و لابوها
الولادة كانت سهلة و طبيعية بس بلش الشغل و التعب مجرد ما انتهت الولادة
قاعدة أحاول اعتني ببنتي بس الخياط عايقني
من ناحية عنايتي بنفسي قاعدة افتح ريجي بلهوم و تمر علي الساعة سبع الصبح
و على الساعة ١٢ قاعدة اكل بيض و حسو
و غداي ما بين دياي او لحم بالفرن و قاعدة اتوهق بفترات الاكل لانه رمضان و امي ما عندها الا خدامة وحدة و صعب عليها تدش المطبخ مرتين مرة حق غداي و مرة عشان فطور الاهل عشان جذي فكرت انتي اتريق مرتين عشان لا اييوع
و العشا قاعدة اكل تشريبة و عصيدة
ادري شغلي حده مخربط بس عشان رمضان مو بيدي
الحين ناوية اركز على اكلي اكثر شي
و بعدين عاد على اخر اسبوع من النفاس ببلش ان شاء الله اني اروح السوق و الصالونات عشان طلعتي من النفاس

 

[yummy girl]

رد: تجهيزي للنفاس تعالوا انسوي قروب

اب اب

 

[fdeet_shosho]

رد: تجمع امهات النفاس بشكل عام حياكم الكل يشارك معنا

حمد الله على سلامتكم بنات ومبرووك ماجاكم
اى والله فتره النفاس غلقة وملل وزهقة
واى بنات مشتهية اشرب شي بارد لما نقعد عالفطور واشوف هالفيمتو والبرتقال المثلج قلبي يعورنى ابي اشرب وياهم بس يقولون مو زين ؟ صج مو زين ؟

 

[fdeet_shosho]

رد: تجمع امهات النفاس بشكل عام حياكم الكل يشارك معنا

اى صج بنات متى ناوين تجيبون ردادة
انا بصراحه احس عظامى مفككه بنطر اخلص من الخياط وعقب اجيب الردادة ترد عظامى مكانهم بس افف دكتورتى معطتنى موعد تشيل الخياط عقب اسبوعين احس واجد بولادتى اللى طافت قعدت عشر ايام وراجعت وشالتهم هالمرة اسبوعين يووة احس الخياط هم على القلب بس افتك منه ارتاح نفسيا

 

[HaMboOoSha]

رد: تجمع امهات النفاس بشكل عام حياكم الكل يشارك معنا

هاااي
وانا بعد بنضم لكم بعد اقل من شهر

اللي ولدووو شسويتوو على تشققات البطن
فيدونا الله يرضى عليكم

 

[MOOON&M]

رد: تجمع امهات النفاس بشكل عام حياكم الكل يشارك معنا

سكارلوت

خفايا الف الف مبرووووووك


وحمدلله على سلامتكم