بنات النفاس خلونا ندردش مع بعض

[دلع86]

بنات امس بليل ارتفعت حرارتي وصلت الى 38.8 واسهال الحمدالله على كل حال انا خايفه يكون داشني هوا

سلامات حبيبتي ماتشوووفين شر

 

[أحلى الألماس]

مرحبااااااااااااااااااا بنااااات
انا اليوم صارلي 20 يوم
وابي اعرف منوووو اللي جربت تحاميل
البوثيل ومتى اقدر استخدمهاااااااااااا

 

[دلع86]

احلى الالماس والله ماعندي فكره انا دكتورتي وصفت لي نوع ثاني وقالت لي اخر 6 ايام استخدمهم

 

[نور-الكويت]

بنات مليت من النفاس

 

[دلع86]

نور حاسه فيييج والله واااااااي انا زهقت لاعت جبدي
بس الحمدلله على كل حااال
انشالله كلها ايام ونفتك

 

[أم راشد المطيري]

اهلين ام سكوت اشلونج
متى اتبخر بالخوا جوا وشنو احط معاها بس قشر بصل ومره؟.

هلا والله

تبخير اخر 10 ايام من النفاس

انا كنت اتبخر بكل شي بروحة يعني الخوا جوا بروحها والمرة بروحها

بس قشر البصل ما تبخرت فية تبخري فية عادي زيادة الخير خيرين هههههه

 

[أم راشد المطيري]

بنات احسن تحاميل البيتادين
وسعرها مناسب

 

[أم راشد المطيري]

مشاوي ميراج السويت وين صاير وعلى جم ليلتة

 

[روان_الكويت]

روان شسم التحاميل ؟؟

اهلين نور اسم dalacin vaginal ovule
انتي اخذي الي يقولج عنهم دكتورج انا سالته وعطاني هذول

بنات امس بليل ارتفعت حرارتي وصلت الى 38.8 واسهال الحمدالله على كل حال انا خايفه يكون داشني هوا

ماتشوفين شر احرصي علا نفسج ولا تهملين نفسج روحي الطبيب

 

[روان_الكويت]

بديت اجهز فصلت 3 عبي وحده عمليه حلوه والثانيه كشخه والثالثه اكشخ واكشخ تصلح لعروس وعزايم قالتلي ب100 وياها وياها لين وصلتها 80
ثنيتن عند مكه مول ووحده الغاليه بالفروانيه بالمجمع الي يم العربيد الي فيه محل القرشي عبيهم حلوه وكشخه

 

[آهات الليل]

رد : بنات النفاس خلونا ندردش مع بعض

هلا روان شكلي بولد اخر وحده بالتجمع ههههههههههههه
باقي كروشات السابقات من تجمعي شلونكم
والباجي شلونكم شخباركم

روان صج سيفت رقم الرداده ليندا من مدحج لها بجربها 3ايام بنفاسي ان شالله

 

[روان_الكويت]

اهلين اهات
انا احتجت يومين بس في تحدد جم يوم يبيلج
طلعا يايبتها علا 15 يوم وقلت للبنات يبتها علا 10 ايام غلطه

 

[sweet.q8]

اهلين منفسااااااااااات
انا اليوم لي 22 يوم احس الحمد لله هانت
بس احاتي شي واحد بس افتك منه ارتاااااااااااااااااح
طهارة ولدي
احتمال هالاربعاء او الخميس اطهرة
الله يعين ان شاء الله

 

[دلع86]

سويت ليش ماطهرتيه اول مانولد اريح والله

 

[روان_الكويت]

سويت انتي نفسي احاتي طهاره
اليوم لي 24 يوم بنطهره بهالمعاش انشالله
وين بتطهرينه انا انشالله عند المنيع الي بالمواساه بالدور الرابع وفي معرفي في الدور الثالث بس معرفي اغلا ب90 المنيع 45 مع دويات ووشذي 60 يطلع
مادحين لي المنيع انشالله بروحله بس احاتي مابي حلقه لانه معرفي يحط حلقه بدق الحين بسأل
لانه ولدي الثاني مطهرته عند جراح مصري بالسلام بدون حلقه ويشيل الشاش قبل لا تطلعين ويحطله مرهم يعلمج اشلون الاعتناء فيه ماشالله تبارك الرحمن طهاره نظيف ما تأذيت فيه

 

[نور-الكويت]

د.اشرف كابش وايد زين للطهاره في السلام

 

[MiSs_PiNkOz]

قوووه بنات شلونكم شخباركم وشلون النفاس ويااكم ؟؟

حبيت اسئل شنو الادوية اللي تاخذونها؟؟ وشنو الأكل اللي تاكلونه بهالفترة


ومشكورين ..

 

[نور-الكويت]

هلا مس بنكوزا بنت تجمعنا
الحسو
تمر مع رشاد
طبيخه
بس انا وقفتهم لأني صارلي اسبوعين

 

[دلع86]

مس بنكو ولله انا الادويه طلبتهم من خبيره الاعشاب ام خالد الي معانا بالمنتدى وشغلهم نظيييف ومرتب

 

[روان_الكويت]

د.اشرف كابش وايد زين للطهاره في السلام

الظاهر هذا الي طهر ولدي الي قبله يهبل طهاره ونظيف
بس هذا والدته بالمواساه ودكتورته مالت الاطفال عندهم فاحتمال اكمل عندهم

قوووه بنات شلونكم شخباركم وشلون النفاس ويااكم ؟؟

حبيت اسئل شنو الادوية اللي تاخذونها؟؟ وشنو الأكل اللي تاكلونه بهالفترة


ومشكورين ..

انا ماشيه علا نظام خبيره اعشاب شاريه دوياتي منها
التمره عجييييييبه مالتها انصحج فيها لو تاخذينها بروحها تاكلينها مع القهوه العصر انااحط مع القهوه قشر قهوه ودوا القهوه مالها
صرت ما اطل من تمرت اهلي عقب ما جربت تمرتها جربوها والله ماتندمون