بنات النفاس خلونا ندردش مع بعض

[أم راشد المطيري]

قوووه بناااااااااات ... شلووونكم

شلونج جيكره جم لج بنفاااس؟؟
مجد رد علي ليييش متى ابدي بلكريمات والخلطات ومتى اربط الكرررش,,,,

الخلطات انا استخدمتها من ثالث يوم

واربطي بطنج من الاسبوع الاول

 

[أم راشد المطيري]

حمدلله على سلامتكم بنات

باجر ان شاءءله راح اطلع من النفاس مو مصدقه حدي مستانسه

بس للحين ماسويت شيء : ( بس ليزر

الله يسلمج يا لولو

مشاءالله باجر يلا الفال لي

روحي اصبغي وسوي تشقير وشيرة وبدكير منكير كل هذا بيوم واحد

 

[روان_الكويت]

وعليكم السلام

تمام والله
عته
الف حمد الله على السلامة ومبروك ما يبتي ويتربة بعزج

يلا كلمينا عن قصة ولادتج وبرنماج نفاسج بشنو بديتي

الله يبارك بعمرج ماقصرتي
الله يسلمج رايحه موعدي وفحصني باول التاسع كان الرحم مفتوح 2 سانتي وعطاني موعد بعد اسبوع وكنت لحضتها سويت عمليات انتحاريه ومشيت ويوم فحصني همن 2 سانتي وقال انتي كملتي 37 اسبوع و3 ايام تبين اولدج اي يوم عادي الا اذا يتج ولاده قبلها قلت يصير باجر قال اي قلت اوكي وعطاني دخول الصبح وولدت العصر الحمد الله عطاني تحميله ووسعني 4 سانتي وبطو الماي بعدها بساعتين وولدت طبعا حطولي طلق صناعي بس مع كمام المواساه ماحسيت بالطلوق بس شوي لقطات وعوار الراس لما بيطلع ونمت قبل طلعته بعد الحمد الله بس امي كانت معاي تقول كنتي تالمين بس ما حسيت اهم شي

بنات محتارة شنو البس لون القميص اول يوم

شنو تنصحوني البس اي لون ويكون شنو جلد ولا ستان ولا شنو بالضبط ويكون عاري ولا لا

ساعدوني اول نفاس وما اعرف شي

انا لبست قميص ليله عرسي بطلعتي ببجري

مرحبا

منو عندها رقم وحده تنقش حنه بالبيت

اختي يابت وحده سودانيه شاطره بس اكلمها اخذ الرقم منها وحطه لكم

بنات امس رفيجتي تقول وحده اندونسيه قالت لها اشربي قلاص صبح قشر الرمان وبليل قلاص ولمدة اسبوعين لاتشربين


وفي معلومه اول مره اسمع فيها تقول حطي معجون اسنان تحت وتوضي عادي وجامعي يضيج؟



ام سكوت اول وثاني نفاس ماتوسعين عيل شقول انا الثالث

لالالالالالالالا كل شي ولا معجون الاسنان احس غلط مو صحيح وانه اكيد بيحرق ويسبب بلاوي عاد انتو مو كل شي تصدقونه وتسوونه
حتى التحاميل الي مو طبيه مو زينه اخذو شي طبي سمعت عن تحاميل البيتادين والبوثيل اوشي شذي
بسال دكتوري اذا يحتاج او يصير اخذها ومتى

انا ماخذه كورس النفاس من خبيره اعشاب واحس انه زين بس ما بين الحين انشالله اذا طلعت ابلغكم

 

[أم راشد المطيري]

روان

انا داخلة ولادة وكنت مفتوحة سانتي ونص تخيلي وقعدت من 4 العصر لي 2.30 بغرفة العمليات امبية كنت احس بكل طلق اطلقة

الله يعينا ويكون في ميزان حسناتنا

انا شريت قميص قصير لونة احمر بلبسة اول يوم

زين روان وشرايج بقشر الرمان زين نشربة

 

[جيكره(و)تتغلى25]

هلااااااااااااااا


عطر الافندر انا الحين36 يوم



ام سكوت اقصد تاخذ30 تحاميل رووووووعه وتعطيج بخوووووووور تضيج وتنزل ماي باجر برسل الرقم لان نقالي عيالي قاطينه بالماي وخرب ونقالب الثاني بشقتي

 

[أم راشد المطيري]

روان انتي الحين نفاس ببيت اهلج

وهذا بجرج ولا عندج عيال

وولدج ترضعينة من صدرج ولا تعطينة صناعي وطهرتي ولا لا

 

[أم راشد المطيري]

جيكرة متى يتطلعين انا على يوم الجمعة بطلع

و30 دينار ترددني ولا شنو تسوي بالضبط

 

[روان_الكويت]

والله ماجربته قشر الرمان بس عندي شاي اعشاب مال خبيره اعشاب اشربه وهي علا قولتها حاطه كل شي فيه

اشوه هالمره بولادتي ماتزيد الطلوق الا لما يبط الماي ولما بطو الماي زادو عالكمام ورحت عالم اخر ما صحيت الا وهم رافعين اريولي الراس بيطلع حسيت عاد واي تعرفون هالعور الي بالحوض لما الياهل يصير كلش بيطلع قعدت اون صحيت وردو نوموني مادري اذا دفعت معاهم ولا لا ماحسيت بشي الا لما قعدت وقالو ولدتي قلت بقلبي واخيرا
بس قبلها كنت بالسلام كمامهم خايس ما ينوم فحطت واي من العوار

 

[أم راشد المطيري]

انا والدة بالسلام امبية لا لا مو طبيعي

ما حبيتة حيل دوخني انا حسيتة حيل قوي

وما قمت احطة الا لما زاد الالم

 

[روان_الكويت]

هذا الرابع وانفست عند اهلي رحمه من الله ولا لو بروحي شان علوم عيالي الله يهداهم حدهم مزعجين وشياطين والخدامات مو مسيطرين عليهم عدل
وثالث واحد حده عسر الصغير اشوه خدامتي مسييطره عليه شوي لانه صغير
الحين صرت احسن اشوه وارضع ولدي من صدري بس مادري اذا يشبعه ولا لا خايفه انه ما يشبعه وودي اعطيه صدري مابي الصناعي
ولي الحين ماطهرته توه بنطر لين يصير شهر لانه اخر موعد كان فيه بوصفار خفيف تقول عطيه صدرج يروح

 

[روان_الكويت]

انا بالسلام بولدي الاخير قبل سنتين ونص كان خفيف
ياحلو كمام المواساه تدوخين تنامين علا طول وناسه

 

[أم راشد المطيري]

الله يخليلج عيالج ويحفظهم لج

انا اعطي ولدي صدري وصناعي لانة ما كان يشبع من صدري ودخلت لة الصناعي الحين الحمد الله قام يشبع وينام اطول

انا ولدي موعدة طهارتة بعد يومين

 

[zain-alq8]

اختي كيف قصدك اشقر جسمي يعني وين بظبط وبعد المغربي ولا قبله وقدا ايه اخليه وايش فايدة التشقير اذا انا اشايله شعر جسمي ؟

روحي الصالون قولي للي تسويلج تشقير ابي تشقير كامل لجسمي بس واهي تسوي الباجي والتشقير فايدته يبيض واايد حلو حتى لو شايله شعر جسمج ....التشقير والمغربي سويهم بيوم واحد بس انا لاني اخاف يتحسس جسمي فاسوي هذا يوم وهذاك يوم

 

[Meeesk]

مرحبا شخباركم ياحلوات
يالله هانت باقيلي شغلات بسيطه وباذن الله اخلص على خير

 

[Meeesk]

مراحب مسك

شلونج مسك شمسوية ها طلعتي ولا بعد

عرايس مرة وحدة

على قولة زوجي قولة بردلك عروس يقول عروس ومعاها بيبي ههههههههههههههههه

هلا ام سكوت الله يسلمج حياتي لاوالله شنو نسيتي انا وياج طلعتنا مع بعض الجمعه قصدي عرسنا بيوم واحد ههههههه
خلينا نونس روحنا وانا حد الحين عروس تو صارلي سنه لووول

 

[روان_الكويت]

تطلعون من الشر انشالله
وعقبالنا

 

[روان_الكويت]

ودي اضعف صايره اشمتني زايده مع الحمل 15 كيلو
اشلون بنزلهم
ريلي يقولي ضعفي اهئ اهئ اهئ يعني يشوفني متينه
وما يصير الحين اسوي رجيم شالحل
سمعتو عن كوين مساج معهد ينزل بالشهر 10 كيلو ودي اسويه اذا صج

 

[Meeesk]

هلا روان ان شاءالله تضعفين يااااااااااااااااااارب وانا امتن انا عكسج راح نصي بالحمال والولاده

 

[Meeesk]

انصحج نصيحه خلي وزنج الحين ولاتلعبين بروحج بالريجيمات اهتمي بنفسج وبادويتج وعقب الاربعين عاد سوي اللي تبين

 

[روان_الكويت]

اي اكيد من صجك اسوي رجيم بالنفاس مستحيل اخرب روحي عاد شيصلحني

شريت كريم روك مال اذابه السلويللايت يضعف للبطن والافخاذ وحزام الحين ناويه استمر عليه انشالله