بنات المتحورات بليزززززز

[you 2]

السلام عليكم

بنات سؤال للمتحورات !!!!!!!!!!

حبيت أعرف شنو احساسكم وشنو شعوركم وأنتو متحورات :eh_s(1):

وحبيت اعرف شكثر ونزلتو يعني من اول شهر بين او بعد شكثر

لان انا مفكرة اسويها وابي تشجعيكم

انا طولي 158 ووزني 79 يعني شوي واوصل الثمانينات :eh_s(14):

أتمنى القى منكم تشجيع

الله يوفقكم يارب

:ada:

 

[صدى الاشواق]

هلا حبي

انا مسويتها وراح اقولج كلشي بس ترى وزنج ماتوقع انه راح يسونها لج

لانج مو وايد متينه

انا كان وزني 86 وطولي 155 وبالغصب رضى يسويها لي

العمليه ياطويلة العمر وايد سهله ومامنها خوف باذن الله وكلشي بايد الله سبحانه

بعد العمليه اول يومين انا تعبت وايد من ابربيش مالت الدم مو عوار مادري شلون الحركه صعبه كانت ولمن شاوه مني الحمدلله قمت اتحرك واروح الحمام عزكم الله بروحي من غير مساعده
طبعا اول 10 ايام بس سوائل وهالشي يتعبج نفسيا
انا كنت ابجي اشوف الاكل وماقدر اكل وعقب ال 10 ايام اكل مهروس بس انا كنت نصابه

كنت اكل الي بخاطري بس اعلجه واقطه سوري على لوعه الجبد بس الصراحه تنقال كان همي بس اني اذوق الاكل

بمعنى عذاااااااااااااااب

بس ماكان في تعب من العمليه بالعكس اول جم يوم الحركه اشوي بطيئه مو عوار مادري شنو بس بعد 5 يوم عادي

طبعا الي متعبني الحين وايد انه انا مو ملتزمه بالفيتامين يعني كل 5 ايام اخذ حبه وهالشي اكبر غلط

بس بصراحه مو ندمانه اني سويت العمليه لان صج الضعف يستاهل بس العمليه فيها عيييييييييب واحد

الدامبنق اااااااااااااااااااااااااااه من الدامبنق وما ادراك ما الدامبنق

الدامبنق = شعور بالغثيان والدوخه وكأنج ماكله بعير كامل ويقولونلج تعالي اكلي حلويات وكره النفس الي لدرجه مالج خلق حتى نمله تتمشى جدامج هالشعور يصير بوربع ساعه ويصير لمن اكل شي دسم او حالي اول اكل واشري بنفس الوقت

سوري الحجي مو مرتب بس وكل مايه شي فبالي قاعده اكتبه


واي سؤال انا حاضر

 

[you 2]

مشكورة ماتقصرين بس ممكن تشرحين شلون طريقة العملية ووين سويتيها عند منو ؟

 

[you 2]

انزين يالغالية لو انا بهالوزن وقال ما اسويلج وانا ابي شلون ؟؟؟؟؟؟؟؟؟

 

[you 2]

سوري كل شوي يمر على بالي سؤال واحطة ههههههههههههههههههههههه

بس بعرف صار لج شكثر مسويتها وشكثر نزلتي وهل تتوقعين تنزلين اكثر

وشلون على مراجعاتج ؟؟؟؟؟؟؟؟

 

[صدى الاشواق]

حبوبه انا سويتها بدارالشفا عند الدكتور سلطان التمياط اهو ايي الكويت تقريبا مرتين بالشهر ويسويها

\وكلفتني 2800 شامله كلشي التحاليل قبل العمليه والمستشفى العمليه والعلاج

والعمليه بالمنظار 5 فتحات اصغار بالبطن ومايبينون كلش كانهم شمخ صغير حييل ومن جسم لجسم يفرق انا اشوي امبين صاير لونه اشوي غامج بس صغيررررررررر حيل

ورفيجتي ماشالله ولا كانها مسويه شي مو باين كلش

ومادري والله شلون على سالفه اذا مارضى بس انصحج اتواصلي مع الدكتور واستفسري منه مو شرط تسوينها عنده بس اهو خدوم وياخذ ويعطي

دشي منتداه وراسليه وماراح يقصر معاج كلش

 

[صدى الاشواق]

انا صارلي 10 شهور

ووزني حاليا 53 كيلو

والمفروض اني اراجع بسانا مهمله ومن عمليتي ليومج هذا ماراجعت واشوي احس بتعب لاني ما اخذ فيتاميناتي بانتضام

وطبعا شعرررررررررررري قرررررررررررررررررررررعت

انا بالاساس خفيف ومن العمليه واهمالي للفيتامينات الله لا يوريج صج صج قرررررررعه

 

[you 2]

حبيبتي كل شي يتعدل الشعر تقدرين تسوين قصات وتسريحات وفيتامينات

بس الحين طول عمري يكون جذي التحوير يعني ما اروح لة ؟؟ ترا ماعرف كلش بهالسالفة ناس وايد امدحولي بس بعرف بالضبط

والحمد الله الوالدة والوالد راضين بس إن شاء الله انا ناوية بعد العيد لان الحين لظروف خاصة ما اقدر اسويها

انزين بعد شكثر حسيتي إن نزل وزنج

واااااااااااي انا اهم شي شنو نفسيتج بعد ماضعفتي شوقيني على شان اتشجع



فديتج

 

[you 2]

عاد على طاري الفتحات انا مسوية عملية المرارة 4 فتحات ولي سويت هاذي بعد بصير مشخال

هههههههههههههههههههههههههههههههههههههههههههههههههههههههههههههههههههههههههههههههههههههههههه

لووووووووووووووووول

والله اتمنى ويااااااااارب إن ينزل وزني بصحة وعافية ويكون جسمي حلو والبس كل إلي بخاطري

معنة انا وزني مو وايد بس هم انا قصيرة مو طويلة اتمنى إن يكون جسمي مثالي

 

[صدى الاشواق]

هههههههههههههه ضحكتيني على سالفه المشخال

الوزن اول 10 ايام نزل 7 وبعدين يتم ينزل ينزل ويصير النول ابطيء بعدين يعني انا تى صارلي هرين الى 3 شور وزني ثانبت وبس مابي اضعف اكثر بالعكس قاعده اكل قاعده احاول امتن كيلوين ابي اصير 55


بصراحه من بعد الضعف نفسيتي وثقتي بنفسي عال العال وحدي واثقه من نفسي اوح السوق وادش اي محل عيني اتطيح عليه

بس تدرين شنو المشكله انه كل شهر مفلسه بسبه اني صرت مينونه تسوق قاعده اطلع حرتي باللبس


بس اول جم شهر حررررررررررام تستهرين اهدوم لان اللبس كنت شتريه اليوم بعد اسبوع اكبير فحرام فمن يوم ماثبت وزني لا قمت ابدع

والحين قمت البس سمول او اكس سمول

 

[you 2]

ونااااااااااااااااااااااااااااااااااااااسة ونااااااااااااااااااااااااااااااااااااااااااااسة

الله يثبتج يااااااااااااااااااااااااااااااااارب ويخليج رشيقة على طول

اقول انا ودي اسولف اكثر بس يدتي عندنا وامي تبيني بعد شوي ارجع واسولف معاج برب

 

[قطوة@@]

ماشاء الله عليج موفقه بس لازم تاكلين من الفيتامينات

هندي سؤال صغيرون

جسمك ما ترهل ؟؟ و اذا ترهل شنو سويتي

 

[you 2]

iam back

 

[miss_Ba6oOo6a]

عمري مالا داعي سوالج لان مافي دكتوووور راح يسويلج العمليه مايصييييييير علا وزنج والتحوييير للي اوزنهم كبيره 100 وفوووووق واقل شي يسووون 87وفووق ومو وايد دكاتره ييرضوووووووون

 

[you 2]

بس انا ابي اضعف وماكو إرادة عيل شتنصحيني فية ؟؟؟؟؟؟؟؟؟؟

 

[ياسمينا]

سلاااااااام
شنو هالعملية وهل لها مضار عالحمال مستقبلا؟؟؟؟؟؟
وطول عمرج سوااءل تشربين

 

[صدى الاشواق]

هلا حبايبي


على طاري الترهل جسمي صاير حده لوعه اكثر مكانين مترهلين عندي صدري وبطني

وقاعده افكر اسوي عمليه شد

 

[صدى الاشواق]

سلاااااااام
شنو هالعملية وهل لها مضار عالحمال مستقبلا؟؟؟؟؟؟
وطول عمرج سوااءل تشربين

لا حبيبتي السوائل اول 10 ايام بس

والحين انا اكل طبيعي حالي حال الطبيعيين لوول

طبعا بس بكميات قليله

 

[you 2]

الله يعطيج الف عافية صدى الاشواق والله مفتشلة منج وايد سألتج