بنات اللي كانت عندها لخبطة بالهرمونا ت ، عندي استفسار

[سيكولوجية]

مساء الخير

شخباركم بنات
قبل لا اقولكم سؤالي خل اوضح لكم

انا صارلي سنتين ونص متزوجه وماحلمت

خذيت كلوميد خذيت ابره تفجيريه جم مره
سويت مره تلقيح صناعي
زوجي فيه دوالي وسوا العمليه وصار زين الحمدالله
وهالشي من شهرين
ف دورة الشهر اللي طاف قالتلي الدكتور تاخذين كلوميد و عطتني ابره تفجيريه

واليوم لي 21 يوم من الابره التفجيريه
وعدا على دورتي 3 ايام ومانزلت
وماحللت للحين خايفه يكون بس مجرد لخبطه دورة لان دورتي مو منتظمه

نات مستغربه من شي

اليوم كلمت دكتور نساء و ولادة بتويتر كان عندي جم سؤال

وسألني عن حالتي وقلتله شنو فيني
ان تكيسات وكان فيني هرمونات وعالجتهم

قالي من متى عالجتي الهرمونات
قلتله ان يمكن من سنه واكثر

قالي رديتي سويتي تحاليل جيكتي على نفسج؟
قلتله لا لان يوم قلت حق الدكتوره اللي عالجت عندها قالت دام خذيتي علاجهم مايحتاج نعيد نجيك التحاليل

قالي غلط لازم كل 6 شهور تسوين تحاليل شامله تتطمنين على عمرج

لازم تنتظم دورتج عالاقل 3 شهور عشان تحملين

تحبطت والله عيوني دمعت قلت لا يارب مايكون كل هالعلاج اللي ماشيه عليه فيه غلط صارلي سنه ونص اعالج
وكنت قبل عند دكتور وغيرته مو ناقصه الحين ارد للمره الثانيه اغير الدكتور

لان صج تعبت تعبت من العلاج حسيت جنه كله غلط

لا اراديا دقيت حطيت لي موعد عند دكتورتي يوم الاربعا
طبعا باجر بحلل إذا ماكو حمل بروح لها على طول بقولها سويلي اشعة الصبغه وتحاليل شامله بطمن على عمري

تعبت والله ونفسيتي اكس لا اراديا كلمت زوجي وقمت ابجي

الحمدالله على كل حال
يارب ما احتاج كل هذا واطلع حامل يارب

 

[مملكه الود]

فوضي امرج لربج وادعي ان الله يرزقج
وان شالله تسمعين ابشارة حمل

 

[مزآجيه!]

الحمدالله على كل حال ، ان صار حمل خير وبركة من رب العالمين

وان مآ صآر فـ خيره لج ان شاءالله ، يمديج ثاني يوم دوره تسوين تحليل للهرمونات وتشوفين وضعها

احتمال يكون معاج خمول / نشاط في الغده الدرقيه او هرمون الحليب مرتفع حيل ، فـ كلهم يأثرون ع الحمال

انتي غيري دكتورتج ، روحي لاخصآئيه ، احتمال دكتورتج هذي ماديه

وان شاءالله يآرب تكونين حآمل هالشهر وتبشرينآ

 

[انسام الكويت]

الله يرزقج الحمل السليم تفائلي بالخير تجدوهـ وكثري استغفار وربج كريم

ان شاءالله بإذن الله حامل .... واذا ماصار حمل هالجم شهر .. نصيحه سوي طفل انابيب

الحين ناس للي استعصى عليهم الحمل الطبيعي او اللي عن طريق حبوب وابر تفجيريه


قاموا يسون طفل انابيب ويحملون ....الله يرزقج الحمل السليم ويفرح قلبج*

 

[حشمه]

ماحبيت اطلع بدون رد

الله يرزقج ان شاء الله بالحمال

كثري قراءه قران وادعي وتصدقي

وان شاء الله ربي بيرزقج الحمال

وكل شي تتمنينه

 

[حبيبي مالكني]

ماتدرين يمكن اختي انتي حامل اللحين
ان شاء الله ياربي تكونين حامل
واذا ما كنتي حامل سوي فحص هرمونات بس اتوقع الكلوميد يتظم عملية التبويض

 

[مآيكبرني نك]

حبيبتي سيكؤؤ

ماقدر افيدج غير اقؤل ان شاء الله كل اللي ف بالج يكون وسآوس وتكونين حآمل يارب

 

[روعة خيال]

شوفي انا وحده الهرمونات عندي عمرها ما انضبطت الا بعد ما جبت بنتي الاولى

اول شي نصيحه سوي تحليل هرمونات و فيتامين دال و هرمون الحليب و التبويض و روحي لدكتور عبدالناصر العثمان انا رحتله طلعت عندي بلاوي متلتله

اخذت حبوب تنشيف الحليب و لمن خلصت نزلت الدوره تكرمين و ما شفتها الا بنفاسي ببنتي

 

[روزماري]

ما عليج من كلام دكتور التويتر

انا أتابع ردودج و إحساسي انج حامل
حللي و بشرينا

ناطرينج

 

[امـ خــزامـى]

شهرين زوجك مسوي العمليه يعني مرة دورتين عليك واستخدمتي علاج


اتوقع واحس وكلي امل انك حااااااااااااااااااااااااااااامل

مبروووووووووووووووووووووووووك مقدما

 

[امـ خــزامـى]

مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك




الحمدالله والشكر يارب


الحلوه سيكو طلعت حاااامل
احساسي كان بمحله

الله يثبته يارب ويهون حملك وولادتك وتشوفينه بحضنك كاامل وسالم

بليييييييييييز نبي وصف لمشاااعرك بالضبط قبل التحليل وبعدها

 

[أأأميرة الورد]

الف مبرووووووووووووووووووك

والله يتمم حملها على خييييير

ويثبته يااارب

 

["*آآآنؤؤؤقهـ*"]

يالله لك الجمد والشكر

الف الف مبروك..


الله يتمم حملج ويسعدج ويثبته .. وتشوفينه بحضنج بعد ٨شهور ..

 

[سيكولوجية]

اللهم لك الحمد ولك الشكر

انا حامل يارب الله يثبته ويتمم علي

فديتكم بنات عسى ربي يبارك فيكم


سبحان الله على كثر ماكنت متحبطه وابجي وحسيت علاجي غلط
وان لازم اغير الدكتوره

نفس اليوم حللت وطلعت حامل

الله يرزق كل محرومه يارب ويفرح قلبها
واللي عندها عيال يارب الله يحفظ لها عيالها من كل شر

وخيتو ام خزامى الوصف ماينوصف اهي فرحه اهي دموع اهي مو مستوعبين
اهي وناسه كله على بعضه وللحين مخي مو مستوعب اصلا

يارب هالشعور الحلو تحسون فيه يفرحكم ربي باللي تتمنونه


الف شكر

 

[رووح ابووها]

ان شاءالله دوووم هالفرحه
ولاتنسين الرقيه ونصيحه لاتصيرين مثلي وتعلمين احد

 

[tolay]

انا كله اتابع ردودج من زمان من جم شهر واراقب اشوف حملت ولا لا


ماشاءالله ماشاءالله خبر حلو الله يتمم عليج وتولدين بالسلامه

 

[أأأميرة الورد]

الله يتمم لها سيكولوجيه

ويثبت حملها ويرزقها الذريه الصالحه