بنات الله يوفقكم ادخلو وربي تعبت نفسيا

[ونات عتيبيه]

مساء الخير شخباركم حبايب قلبي

الصراحه ان كل ماصارلي مشكله على طول افكر بالحل يكون عندكم والله اني معتمده على الله ثم عليكم

بنات انا وقعت بمصيبه انا من النوع كل بعد شهرين او ثلاث اسوي نيو لوك يعني اصبغ واقص وخصوصا الصبغ والحمدلله مهتمه بشعري الحمدلله مايتاثر من الصبغات المهم تلقفت وقلت ابي اغير الصبغه ونفسي بلون اسود قلت صعبه اصبغ اسود بعدين مقدر اصبغ رحت وصبغت اغمق درجه في البني وماخس من زيد الا عبيد نفس النتيجه رحت ابي اغير الصبغه قبل يومين وكل المشاغل قالو ماتقدرين تصبغين لان البني غامق نفس الاسود لازم الصبغه ذي تروح يعني يبالي سنه او اكثر والله احس اني مصدومه اشلون اصبغ وانا انسانه عندي اهم شي الصبغ ماستغنى عنه

تكفوني ساعدوني ايش اقدر اسوي تايدوني اسحب لون بس طبعا لازم اهتم ازيت واسوي ماسكات وانشالله ماراح يضر المهم انا ماراح اسوي شي الا اخذ رايكم

 

[تعاال وألبيكـ]

رد : بنات الله يوفقكم ادخلو وربي تعبت نفسيا

لا لا حبيبتي لا تسحبين اللون ديري بالج لأن السحب يحلي شعرج كله شيب أنا كنت نفسج بس أنا ألعن أنا سويته أسود بالعيد وبعدين مليت بغيره رحت صبغته ولا ماكو مابين اللون ولا تغير لي الحين أسود بس البدايه لان الشعر طول شوي فكان البدايه أشقر وبعدين اسود مثل ما هوفكان حيل يخرع شكله فشكيت لوحده من رفيجاتي حالتي وعطتني الحل بس امانه انج تدعينلي يعطيني اللي ببالي وهذي انا ومسويتها وبذمتي وغير جذي تراهي مفيده للشعر وبعطيج مكوناتها وطريقتها
المقادير:
بياض بيضتين
ملعقتين زيت زيتون
ملعقتين زيت برشوت هو نفسه زيت جوز الهند
ملعقه خل تفاح

تخلط المقادير وتوضع لمده ساعتين عالشعر


الاسبوع الاول ثلاث مرات

الاسبوع الثاني مرتين

الاسبوع الثالث مره

و بعد انتهاء الاسبوع الثالث ستلاحظين انه لا اثر للصبغه القديمه على شعرك

وأنا سويتها والاسود بكبره راح انشالله تفيدج واذا كنتي تسبحين يوميا حطي حمام زيت او بلسم بالحمام هذا يساعد انها تروح بسرعه <<
أي سؤال تامرين ..,

 

[شكارة الكويتية]

صراحة شعري اسود صاري ثلاث سنين ما غيرت وسبب اللون الاسود صراحة صعب يروح ولا تسحبين اللون الانه يتلف البصيلات
وجربي نصيحة الاخت وربي يعينج

 

[كويتيه صغيره]

رد : بنات الله يوفقكم ادخلو وربي تعبت نفسيا

لاتسويين سحب لون انا مثلج لازم اصبغ استخدمي صبغة كلستون اشقر رمادي مع بروكسيد6%وبس