بنات الله يعافيكم عندي سؤال؟؟

[الدرالمنثور]

السلام عليكم..

شلونكم بنوتات شخباركم؟؟

بغيت اسألكم شنو احسن دجاج مافيه زفرة ؟؟ جربت كذا نوع وما استقريت ليلحين على شي

ساديا حلو ونظيف ومافيه زفره بس احس ماله طعم..انتو شرايكم؟ خلونا نستفيد قبل رمضان:eh_s(9):

والبيض بعد كل ما اشتري نوع يطلع زفر المتحده كان حلو بس مومحصلته هالايام!! شنو تجاربكم مع البيض؟؟

 

[جارة القمر]

وعليكم السلام

هلا حبيبتي

صاجه ساديا

ما أدري ليش زفر

أنا هالأيام


حاسه هالأحساس

أمي تمدحلي الوطنية

والبيض أنا كنت نفسج المتحده

وهذاك اليوم أخذت من مركز سلطان

 

[ضحكة الدنيا]

دجاج نايف طعمه لذيذ
ومافيه ازفره واايد
والوطنيه هم زين
وجربى بيض نايف
هم حلو

 

[rettah]

احنا نستخدم دجاج ساديا
والبيض العصريه بس مو محصلينه الحين <<< ازمة بيض

 

[نطوووعه]

جنه بيض الروضتين زين مو زفر

و بالنسبة للدياي الوطنيه

 

[لموية العسولة]

ماشاءالله عليج سبقتيني كان في بالي أسأل عن البيض بس عيزانة أنزل موضوع

الدجاج ساديا ...والبيض مادري شنو أحسن نوع ياليت البنات يفيدونا

ولج كل الشكر على هالموضوع

 

[جےـود الحےـزن]

جربوا دجاج ابو هلال حلو ومافيه ازفره
والبيض لاني ما اواطن ريحته فما راح اقدر افيدكم

 

[الدرالمنثور]

هلا والله جاروونه بعد قلبي.. شلوونج؟؟..تصدقين امس شريت دجاج الوطنيه بس ليلحين ما طبخته بس اجربه اعطيج خبر ان شاء الله..وبالنسبه للبيض ما شريت ليلحين..

اهلين ضحكة الدنيا... والله الغاليه مادري شفيني على نايف سبحان الله ما احبه مع اني آكل من مطعمهم بس اشتري من المثلج لأ:eh_s(3):
والبيض جربته بس هم فيه زفره جاري البحث عن البيض..

هلا والله ريتا..حبووبه ساديا نظيف ومافيه هذيك الزفره بس ماله طعم!! والبيض العصريه صاجه يهبل آنه مجربته بس ما قمت احصله بعد..


هلا وغلا نطووعه...والله الوطنيه توني شاريته ما جربته بس اجربه اقولكم ان شاء الله والروضتين ما لقيته امس بالجمعيه ...جاري البحث عن البيض..


هلا والله لموويه بعد عمري انتي..والله محتاره مع هالزفره ودي احط فانيليا في كل شي حت بالمجبوس لووول...وساديا ما يازلي سبحان الله.. وحياج بموضوع البحث العالمي...جاري البحث عن البيض...
لوول صار فلم..



اهلين نووسه....واااااي الله يعز النعمه عاد ابو هلال هذا مو دجاج جنج تاكلين كلنكس..على قولت وحده من البنات الله يذكرها بالخير :eh_s(3):
لا والله احس هذا الي يقولون موصجي!!
ومازال البحث جاري عن البيض:eh_s(6)::eh_s(6)::eh_s(6):

 

[همسات ليالي]

عندج دجاج الاسلامي حلو جربت جم مره

بس بصراحه ماكو على ساديا حلو وما في زفره وطعمه يهبل

والبيض عندج المتحده حلو

بس اهم شي يوم شريت البيض الهندي لوووووووووووووووووووووعه خايس وريحه مو طبيعييه ومدود بعد

 

[omajiad]

إحنا نستخدم ساديا بس يعتمد على طريقتج إشلون إتغسلين الدجاج

طريقتي: بعد تنظيف الدجاج إتحطين في بادية طحين وخل وتفركين في الدجاج عدل وبعدين إتفوحينه وطبعا مع الفوح إتحطين بهاراتج وإن شاء الله ماراح إتحسين بطعم الزفر

وبالنسبة حق البيض من بدت أزمة البيض وآنه ما أشتهييه ولما بغيت آكل بيض شريت بيض أرض الطبيعه صج غالي (6 حبات = 1.750) بس طعمه حلو وما فيه زفرة

 

[شندوخه]

اوطنيه نشتري منهم الدياي
دجاج السلطان وبيضهم بعد حلو نشتريه فرش ونثلجه

 

[النون]

شلون طريقتكم في التخلص من الزفره ؟؟؟

 

[*سكون*]

الدياي ما كو عالوطنيه انا سنين استعمله والحمدلله ما حسينا بزفرة

والبيض المتحدة

 

[miamy]

احنا من بعد انفلونزا الطيور استخدمنا ساديا

والله عجبنا ليلحين ما غيرناه

اما البيض جربوا البيض الهولندي تلقونه بكارفور

صفاره عجيب اصصصصصفر ولذيذ ومافيه ريحه ورخيص

لكن للأمانه انا ما جربته بس مرت حماي تمدحه

 

[jolie_q8]

والله انا بيت اهلي نستخدم ساديا من زماااااان

وكله ترى يعتمد على طريقه تنظيفه ونوعيه البهار تلعب دور

شوفي طريقتي

مثلا حق المجبوس ... الديايه نغسلها بالما ونفركها عدل وعقب ارش عليها ملح خشن وكركم وشويه خل وليمون وطحين ونفركها من داخل ومن بره واخليهابـ الثلاجه نص ساعه او ساعه

بعدين اغسلها عدل مدل .. عقب ابهرها بدارسين وشويه كركم وخليها عشر دقايق

وهم اغسلها

بعدين احط ماي بالجدر (بدون شي) اخليها تفوح شويه بو عشر دقايق واشيل كل ازفر لين يصفى الماي وبعدين اقون مقصصه بصله ارباع + 3 ثوم مدقوق + عود دارسين + 4 حبات مسمار + رشه هيل مطحون + شويه بهار مخلوط

وطبعا الملح ,, وتفوح عادي .. وتكملين شغلج << اتحداج تلاقين نتفه زفره

اصلا لو تخلينها لي باجر طبعمها يهبل ما فيها شي


واذا بالفرن نفس طريقه الغسل - بس بدون البهارات- وبعدين تحطين التتبيله اللي تبينها

وتخلينها بالثلاجه ليله << واهم شي الثوم والكركم علشان تروح الزفره

وهم تقدرين تغسلين التتبليه وتحين التتبيله اللي تبينها قبل ماادخلينها الفرن

وادعيلي

 

[دندونة]

جربوا دجاج فقيه .......... مدحته وحدة لي وجربته حلو.......... بس مو دايما احصله فرديت على ساديا

 

[ملح بدويه]

الله يزيد النعمه

 

[نووووونا]

احنا نستعمل دياى طرى وايام ايللى انقطع استعملنا ساديا

زين حليو ما عليه حسب الطبخ

اما البيض العصريه والمتحده كله نستعمله