بنات الله يخليكم نقذوني بموت

[نونة2]

انا سويت تلقيح صناعي تاريخ 4/8 وامس سويت تحليل هرموني طلعت النسبة 0.443 يعني اقل من الواحد قالي مافي حمل اقل من الواحد مادري شرايكم اكو احد صار معاه نفسي مادري شسوي انطر ولا خلاص اياس

 

[أم محمد..]

حبيبتي كثري استغفااااار وحطي سجادتج وادعي ماكو شي بعيد عن رحمة الله ياااقلبي لا تفكرين ولاتحاتين مو زين وخلي املج بالله قوي

 

[دي حسن]

حبيبتي نونه ان شااء الله يكون هالتحليل غلط وتكونين حامل بس لا تسوين جذي بروحج تفكرين واااااايد خليها على الله ،،سؤال مفروض متى موعد تحليلج ؟؟ انا مسويه تلقيح والحمدالله طلعت حامل سويت التحليل بعد 14 يوم بس ماكنت افكر دايما كنت استغفر وكنت اقول الحمدالله اذا صار واذا ما صار هم الحمدالله خيره فا انتي قعدي واقري قران واستغفري لا توسوسين

 

[المبدعة]

الله يرزقج بالذرية الصالحة
وصبري و كثري من الاستغفار

 

[نونة2]

اهيا قالتلي المفروض 18 /8 انا سويته امس 16/8 بس اختي دي حسن انا النسبة تحت الواحد يعني ماكو كلش انا استغربت قلت حتى على الأقل يكون 1 مال الهرمون المنشطات بس هذا اقل من الواحد

 

[دي حسن]

اي عدل مفروض تحللين تاريخ 18 انا سامعه انه بالهرموني يبين حتى لو يوم قبل التحليل بس لا تضيقين خلقج حطي ببالج هالايه ( كن فيكون ) يعني اذا الله اراد يصير ماكو شي بعيد عن رب العالمين وروحي يوم تحليلج وحللي وبشرينا ان شاء يكون حمل

 

[mememoon]

حبيبتي عيدي التحليل بعد يومين ما تدرين شيصير ادعي اللة واستغفري ..ترا الهرمون بسرعة تتغير نسبته واللة يرزقج انشاللة

 

[نونة2]

بعد قلبي ماقصرتو الله يعطيج العافية

 

[bnt_kwt]

عيدي التحليل واذا طلعت النتيجه مافي حمل

عادي تقبلي الوضع ولا تعترضين على حكمه رب العالمين
ومتى ماراد بيكون ويمكن من غير تلقيح صناعي ولا شي
شوفي هالبنات مساكين قاعدين يقطون بالالاف على عمليات الحقن المجهري وبالتالي تفشل عملياتهم ويردون يكررون

لانه لا يأس مع الحياه لازم الواحد يكون متيقن 100 % انه الله يحبه وقاعد يختبره بيشوف مدى صبره وثباته وايمانه

استغفري ربج حبيبتي بالليل والنهار وكثري الصدقات والله يرزقنا ويرزقج

 

[فراشة الكويت25]

السلام عليكم
اختي قولي الحمد الله على كل حال
انا صار نفسج اليوم حللت مع اني كل اعراض الحمل فيني
بس النسبه اقل من الواحد وقالي ماكو حمل
وانا ايماني بالله قوي ان كان هالحمل فيه خير لي ربي بيفرحني فيه وان كان فيه شر لي ربي ما يكمله
وانشالله فيه خير لي هالتاخير وانه ماكو حمل
لا تيأسييين خلي ايمانج بالله قوي
وقولي الحمد الله على كل حال وانشاءالله انا بعيدها ورا العيد وربي يعوضني خير مدام فيه امل الواحد يسعى .. وربي يعوضج خير يارب
ربي لا تذرني فردا وانت خير الوراثين ..

 

[نونة2]

يابعد قلبي ولله كلامكم يريح ماقصرتو الله يريح قلوبكم ان شالله ويفرحكم وصح كلامج يابنت لكويت انا من اشوف البنات يقطون الاف وماعندهم اعيال يعورني قلبي واشكلر الله على هل نعمة على الأقل انا عندي وحدة سمعت كلمة يما الله يعين الي ماعنده مساكين الله يصبرهم ويصبرني حتى انا بعد تعبت من العلاج والأبر وايد تعبت بس كل اجر ياربي يرزقني يالله