بنات الله يخليكم قولولي شاسوي

[ضاع عمري]

اول شي باقول لكم نبذة عن حياتي انا امي وابوي مطلقين وعايشة ويا امي من وانا عمري سنة يعني ماشفت ابوي خير شر وما عرف شكله لو اشوفة بمكان عام ما با عرف اذا كان اهو ابوي او لا يعني انا عشت يتيمة مع انا ابوي عايش ليما كبرت وانا على هالحال وبعدها ياني خبر وفاة الوالد اما بالنسبة لامي تزوجت من واحد يوم كان عمري اربع سنين وريلها يكرهني كره اليهود ليش مادري وكله يتشكى مني تقول ذابحتله واحد من اهله ويشيش امي علي على فكرة ريل امي هم عنده اعيال من مرته الاولية الي طلقها هم بعد يكرهوني قسم بالله ان اذا امي شرت لي لعبة كان ريلها يقولها ليش شريتي لها وحتى على الاكل يحاسبني ويقول حق امي هذي بنتج ماخلت شي لنا ويحقد علي بعد لاني شاطرة بالمدرسة وعيالة كسالة ولا مرة طاردني من بيته (يوم كنت صغيرة ) ليش انا يوم ولده طقني ورحت اشتكيت حق امي عاد امي راحت قالت حق ريلها جان يقولها ولدي قاعد في بيته اذا مو عاجبها خل تطلع من بيتي وخذتني امي وودتني بيت خالها وقعدت فترة شهرين ببيت خال امي بعيدة عن امي بس امي كانت اتيي بين فترة وفترة تشوفني بعدها رديت عند امي وتميت على هالحال ليما كبرت ويوم كبرت صارت مشاكل وايد فقالت لي امي تدرين لاتطلعين من الحجرة خير شر عشان نفتك من مشاكل ريلها وعياله لدرجة ان الاكل اتييبه لي لين الحجرة المطبخ مادشه خير شر ولا والاكل اتييبه لي بالخش عشان ريلها ما يزعل تقريبا من كان عمري 18 لين احين وانا عمري 22سنة تقول قاعدة في سجن وفوق ذي كله انمتا انا كان حلمي انا انا اكمل دراستي وادخل الجامعة لكن ظروفي ما تسمح لي انا انا ادخل الجامعة وفي نفس الوقت مو لاقية شغلة اشتغلها عشان اعتمد على روحي واقدر اوفر لي مصاريف الجامعة واشيل روحي وهم مو لاقية الزوج المناسب الي اتزوجة عالفكرة تقدمولي رياييل وايد بس ما لقيت الي يناسبني وانا مابي اقط روحي على اي واحد اييي ويتقدم لي لاني اخاف يكون الرجال مو زين ومايخاف الله فيني وارد واتغربل من يد ويديد وانا وحدة مو ناقصة مصايب بروحة الي فيني كافيني شورو علي قولولي شاسوي تكفون .:eh_s(2):

 

[Tom ♥ Jerry]

,


آمبيه شهالحآلة !!
لآزم تقولين حق آمج و تقعدين وياها قعده صريحه
تطلعين كل الي بقلبج و تفهمينها انه الوضع غلط :/


آلله يعينج

 

[-فلانة-]

حبيبتي إنتي كبيرة منتي صغيرة عشان تنسجنين بغرفتج و تخافين من زوج أمج و عياله..
أول خطوة تسوينها إنج تلاقين أي وظيفة..المهم تمسكين معاشج بيدج آخر الشهر..
وثاني شي لازم تقوين شخصيتج..كنتي طفلة و مغلوبة على أمرج لكن إنتي الحين مرة كبيرة و فاهمة..اللي بسنج متزوجات و فاتحين بيوت..
انا مكانج أنزل و أقعد معاهم و في أمه خير أحد يمسني بحرف..
منتي بحاجة أمج تاخذلج حقج..إخذي حقج بنفسج..و عيشي حياتج و عمرج مثل ما المفروض تعيشينها..
لا تسمحين لأحد يذلج ولا يهينج..وقفي الكل عند حده و غيري شخصيتج..
ربي يفرج عليج يا غالية..ويرزقج الرزق الحلال..ويغنيج عن عبيده و منتهم.​

 

[لمى الهاجري]

انا اقول روحي هناك عيشي عن خال امج ودشي الجامعة احسن لج

 

[American.Life]

حبيبتي عورتي قلبي الله يفرج همج

 

[al-musk]

لا حول ولاقوة إلا بالله - ديري بالج تتزوجين احد مو زين وتدمرين شبابج وحياتج ووكلي امرج لربج .. بس لازم قلها تشوفيلج شغله ولو حتى تكملين دراستج والله ماتفيدج الا شهادتج

 

[الوناسة]

إن شاء الله تتزوجين الرجل الصالح إلي يحفظج ويصونج

 

[روح التعاون]

بعد عمري والله صج عورتي قلبي يقول المثل الي يشوف مشاكل الناس تهون عليه مشكلته
خليج قويه ماعليج منه وحاولي تدورين وظيفه والله لوبيدي اسكنج عندي ولا هظلم الي تعيشينا كلمي امج قوليلها ذنبي برقبتكم خل شوي تحس بخوف من الله وتخليج براحتج
وريل امج لا تكلمينه بشي ودشي وطلعي وهو ماله شغل

 

[الدنيا لحظه**]

امج ليش جذي لازم تكلمينها لازم حرام عليها او روحي عيش عند خالج

 

[باتي المزيونه]

شوفي حبيبتي مالج إلا الدعاء قولي هل الدعاء بصلاة بل الفراغ والله انه مجرب

اللهم يامدبر الليل والنهار ويامقلب القلوب والأبصار ويامحول الأحوال من حال الي حال حول حالي إلي احسن حال

صدقني مجر ب والله يفرج عنج

 

[هيبة ملك]

يارب تفرج لها عليج

عورتي قلبي

 

[عسل سل]

انتي مو صغيره عشان ترضخين لمعاملتهم الغلط بعد على امج انها تطيع زوجهاااا وتسمع كلامه بانج محبووسه هذي مووووو ام !!! شووفي لج دبره مع امج الي راااضيه بهالووضع قبل ماتشووفين صرفه مع زوج امج= الله ياخذه

 

[ديانا سبنسر]

الله يعينج

 

[فديتني كويتيه !]

الله يعينج ادعي ربج يفرج همج

 

[مـلـآذ الخـوآطر]

ياروحي قطعتي قلبي
الله يكون بعونج
الله يرزقج بواحد يستر عليج ويسعدج
والله يفرج همج​

 

[gala q8]

زين ابوج الله يرحمه يآرب ..

ما عندج اخوان من ابوج ؟

كلميهم و فهميهم ظروفج لين تلقين لج شغله حاولي تفهمينهم البيت اللي انتي عايشه فيه ؟


انا ما راح اقول لج قعدي ويا عيال ريل امج و حطي ريل على ريل .. لانج انتي بنت و اكيد ظروف البيت وخوف امج من ريلها ما يخليج تاخذين راحتج !

بس كلمي اخوانج من ابوج لين تقعدين عندهم و تستقرين ..
و إذا ما عندج اخوان من ابوج كبار .. روحي لـ خالج إذا عندج ( مو خال امج ) خالج انتي كلميه قولي له ..
او خالتج .. علميهم اللي فيج خل يكلمون امج ! ..

او قولي لامج إن تسوي لج شقه فووق بالبيت نفسه برووحج فيها مطبخ لج و صاله و كل شيء خاص لج و لج مدخل و مخرج بروحج .. متى ما بغيتي تشوفين امج دقي عليها تصعد لج !!

واشتغلي و درسي و مالج شغل بـ ريل امج و عياله ..


و حسبي الله ونعم الوكيل والله يعينج