بنات الله يخليكم دشو

[مألوفة]

السلام عليكم بنات

نكفون قولو لي شسوي مع ولدي

الحين ولدي ماشاء الله عمره سنه ونص وانا توني والدة اهوا استخف يا بنات والله ببجي عليه غيران حييييل وصاير عصبي وكله يطق وكل شي يحذفه وقام يطقني ويمشع شعر الخدامه

وانا ادري فيه مو منه من الغيرة فماني عارفة اتصرف معاه بعد المرات اطقه على ايدينه ولا صارخت عليه قام يبجي وللعلم قبل كلش ما يبجي والله الحين صاير حنان وكله يبجي ومعصب وقام يطق راسه بالطوفة تكفون قولو لي شسوي له

وشلون اتصرف معاه خايفه عليه والله حيل خايفه حتى الياهل بسرعه ايي يركد يطقه اذا غفلت عنه بسرعه بسرعه يطقه ولا صارخت عليه يخاف ويبجي حييييييل تكفون ذلوني شسوي معاه اوديه طبيب ولا شنو اسوي

 

[امـ خــزامـى]

ياقلبي كسررررررر خاطري صغير مررررررا حرام والله المفروض يتدلع وتعطونه حب وحنان

بهالعمر يكون محتاج امه كثير توه يطلع قلبه

انا ضد اني احمل ورى بعض كله بس عشان ماتتعب نفسيت بنتي

لاحقه على الحمل ان شاءالله

هذا رائي


اما انت والله ياقلبي ماعرف حلووووووول حاولي تضمينه تفهمينه ان هذا بيبي اذا كبر بيلعب معك
وبتصيرون اصدقاء اذا كان ولدك يتكلم ويفهم

اما اذا ماعنده سالفه مالك الا انك تدلعييييييييييييييينه وتلهينه كل يوم خليه يطلع ملاهي
العاب سوي اي شي يحبه اشغليه يعني


انا كذا بتصرف لو انا بمكانك


الله يكون بعونك حبيبتي

 

[جـوود الحب]

ياحياتي الله معاج انا مريت بنفس التجربه بس حاولت مع ولدي يعني خليته يحب اخوه يجي يحبه وقد مااقدر مااغفل عنه

وكنت اخليه يلهى مع ام زوجي تروح تطلعه وجذي ....معليه فتره وتمر وتخف الغيره ان شاءالله

 

[مألوفة]

مشكورين بنات فديتكم


بس والله نذلعه ونلعبه مع اني كنت نفسة واطلعه واشيله وباول ايام نفاسي اشيله عشان ما يحز بخاطره وكنت حيل تعبانه بس الحين انا مو مخليته بالعكس مهتمة فيك اكثر بس اهوا مشالله عليه يفهم وايد والمشكلة للحين ما يتحجى عشان اقدر افهمه وللعلم انا حملت واهوا عمره سبع اشهر صح مو وايد بس شسوي الله كتب

 

[قبوط ومربين]

تدرين احسن حل دخليه حضانة عشان ينشغل عنج ويتعرف على ربع ويعرف ان اللعب احلى مع اليمعه لان اهو متعود بروحه والحين ايا واحد ثاني

 

[ms.mercedes]

حبيبتي ميخالف جابلييه اهوا اولى الحين اهوا يعرف وفرق ويحتاج حنان واهتمام بهالعمر اكثر من الصغير ..

الصغير الله يخليه مايبي منج غير حليب وتبديل حفاضه وبنام يعني خلي الشغاله اذا واثقه منها تويعتمد عليها تمسكه معاج شوي واهتمي بالثاني ..

 

[๓ίşś зśŏłả..!]

الله يخليه لج
واكيد كل يآهل يغآر بس لا تحاولين تشيلين البيبي جدآمه وتقربي منه اكثر

 

[Fashion Falls]

الحضانه اول شي سويه وايد بترتاحين ،
لانه اهو بيلهي بمجتمع جديد وبيستانس
وانتي شوي ترتاحين خصوصا لي راح حضانه بيضطر ينام مبجر
واذا رجع قعدي معاه بروحه بدار وخلي الصغير بمكان ثاني يادوب بس ترضعينه وتطلعين منه ورجعي للكبير

 

[مألوفة]

فديتكم بنات والله حلوة فكرة الحضانه بس اهوا صغير عن الحضانه عمره سنه ونص انا قلت لا صار سنتين بدخله

لانو للحين على الحفاضة وما يتكلم ولا راح يفهمون شنو يبي بالحضانه واهوا مو اجتماعي لاني ما عندي احد بالديرة يعني كله بالبيت وما يعرف احد الا انا وابوه والخدامه فماني عارفة شلون راح يشوف الوضع وخايفة اوديه هناك وما يتأقلم

وبالنسبة للعصبية اللي فيه اهي شي طبيعي ولا مو طبيعي تكفون طمنوني

ترى انا العب معاه واقعد معاه واسوي كل شي يبي ومجابلته ومعطيته وقت وايد بحكم اني ما اداوم كله بالبيت فكله وياه

بس اهوا حالته صايرة صعبة وحتى نومته صارت خفيفة كله يتفزز وما يرد ينام يظل وقت طويل على ما يرد ينام

 

[ام الحلوااات]

اهـــتــــمـــي فـــيــــه وعـــطــــيــــه حــــنــــــان واااايـــــــــــد حـــــاولــــي مـــــاتـــشــيـــلـــين الـــيــــاهـــــل جــــدامــــه الا اذا بـــتـــرضـــعــــيـــنــــه او تـــبــــدلـــيــــن لــــه وبــــاقــــي الـــوقــــت بيــكــــون نــــايــــم عــــوضــــي الــكـــبـــــيـــر بــــاالاهـــمــــــام وحـــبـــيــــه بـــااخـــــــوه قـــولـــي لـــه بــــس يـــكــبـــر يـــلـــعــــب مـــعــــاك