بنات الله يخليكم ادعو حق ريلي صار في تسرب معده بعد عملية التكميم حدي خافيه

[سحايب نجد]

الله يشافيه يارب ويردهلكم بصحه وعافيه
ماقلتيلنا اي دكتور واي مستشفى تكفيييييييييين

 

[goreyflower]

الله يشافيه يارب ويردهلكم بصحه وعافيه
ماقلتيلنا اي دكتور واي مستشفى تكفيييييييييين

حبيبتي ترى الدكتور مالا ذنب على حسب جسم الانسان يتحمل ولا وبعدين ان ا اعرف اكثر من دكتور صار معاهم جذي وصار تسرب والله هذا اللى كاتبه حق زوجي وانا انصح اي وحده تبي تسوي العملية ان تفكر اكثر من الف مره وتستخير ربه وان تحاول تسوي رجيم وتروح نادي احسله شنو فايدة الضعف بدون صحه وعافيه وهذا تغير بخلقة ربها وبعدين في ناس صاحين مافيهم شي يستمرضون فما بالك في واحد شايل جزء من المعده وتري هذا كلام قلته حق ريلي قبل مايسوى العمليه بس الله يهديه ما سمع نصحيه والف الحمدلله على كل حال وربي يقومه انشاءاللله حق عياله

 

[أم حمادين]

اسال الله العظيم رب العرش العظيم ان يشافي ريلج يارب ويقوم بالسلامه
ونصيحه للبنات الي امفكرين يسوون العمليه يصلون استخاره ترى وايد مهم اتصلونها

 

[katkota78]

لله يشفيه ويعافيه يارب الله كريم

 

[katkota78]

انزين عفيه قوليلنا اي دكتور واي مستشفى تكفييييييييين ريحينا الله يريح قلبج بسلامه زوجج

 

[دراما الحب]

اللهم شافه بشفائك وداوه بدوائك وعافه من بلائك ... اللهم مُنّ عليه وعلى مرضى المؤمنين بالصحة والعافية

 

[Kuwaitigirl1973]

اللهم إشفي زوج وردة الجوري ومرضى المسلمين شفاد لا يغادر سقما وعافهم مما ابتلاهم وهون علي أهلهم.اللهم خذ بايديهم اللهم احرسهم بعينيك التى لا تنام . و اكفهم بركنك الذى لا يرام و احفظهم بعزك الذى لا يُضام .و اكلأهم فى الليل و فى النهار . و ارحمهم بقدرتك عليهم ّ.أنت ثقتهم و رجائهم يا كاشف الهم . يا مُفرج الكرب يا مُجيب دعوة المُضطرين .اللهم البسهم ثوب الصحة والعافية عاجلا غير اجلا ياأرحم الراحمين.. اللهم اشفه اللهم اشفهم اللهم اشفهم..اللهم اجعل مرض زوج وردة الجوري وبلاؤه كفارة لذنوبه أَسْأَلُ اللَّه الْعَظِيمَ رَبَّ الْعَرْشِ الْعَظِيمِ أَنْ يَشفِيَ زوج وردة الجوري، اللهم امين
قلبي معاك يا أختي وأريد أن أنصح من تريد عملية السليف أن لا تلجأ لها فقط لتتجنب الفيتامين أو لأن إجرائها سهل فما في دكتور بعد معاناة مع السمنة وتجربة متعبة باختيار عملية فاشلة أول مرة مع دكتور حط لي حلقة من سنين ما أبي أقول إسمه وبعد سنين من التعب وحتى كنت راح أتطلق لأني علي قولة زوجي ما عندي إرادةلكن آخر ٢٠٠٩ رحت لدكتور الصانع أبي سليف وما نصحني فيها أبد وبالحرف الواحد قال لي العملية مرغوبة لأنها يديدة بس محد شاف نتائجها على المدى الطويل في الكويت وبعدين المشكلة طريقة عمل السليف وشكل المعدة الجديد يخلي نسبة التسريب أعلى من أي عملية ثانية والدبابيس مالها علاقة لكن الضغط العالي داخل المعدة اليديدة يفتح الدبابيس أحيانا وعلشان جذي هو ما يحبها لأن حتى علاج التسريب فيها أصعب من غيرها وممكن ما ينجح، وفوق هذا ثلث المرضى راح يرجعون سمان بعد ٣ إلي ٥ سنين واللي نزلوا نزولهم مو حلو حيل ولهالسبب بس علشان ما ناكل فيتامين ناخذ هالمغامرة ونسوي سليف، ما تسوى،
التحوير بإيد اللي يفهم حيل ناجحه في النزول وثبات الوزن بعدين وشنو المشكلة ياخذ الواحد فيتامين بس يعيش مرتاح بعدين ومضاعفاته أقل ترى العملية عمرها ٥٠ سنه، اللي بقوله اليوم آنا بعد سبع شهور وزني ٧٢ وبديت ١١٩ وآنا إعادة عملية، لا تعبت ولا حسيت بشي ولا طاح شعري والحين دورتي تعدلت علشان أحمل لأني ما كنت أقدر لكن ناطرة سنة بعد العملية
ديروا بالكم من السليف تراها سهله للدكاترة يسووونها لكن مو سهلة للمرضى ، اللهم هل بلغت اللهم فاشهد

حبيبتي وردة الجوري الله يسلم ريلج وما حبيت أضايقج لكن لا تزعلين من زوجك إنه سواها مسكين ترى بس السمان أمثالنا يعرفون ليش الواحد يغامر بعمره علشان يضعف، إدعي له وقعدي مع عيالج وخليهم لا يتأثرون

 

[مالفينيا]

انا امس سمعت عن واحد بالعنايه نفس سالفه ريلج بالضبط عاد مادري اهو ولا لا كان مسويها بالفروانيه وانقلوه الحين مبارك

وولد عمي دكتور قالي لو شنو ماراح اخليج تسوين هالعمليه لانها وايد خطره والريال وايد تعبان والدكاتره الشطار ما ينصحون فيها

سؤال بدام اهيا هالكثر صعبه ولها اثار جانبيه ليش ما يوقفونها ونفتك على الاقل ما يخلونا نحتار نسويها ولا لأ

 

[goreyflower]

اهلين حبابيبي وخواتى

مشكورين من كل قلبى على وقفتكم معاي الله لا يحرمنى منكم واختى مالفيينا اي هذا زوجي وابو عيالى اللى بمستشفي مبارك و واللى يسئلنى عن اسم الدكتور، اهوه كان مسويه عند دكتور يصير له وان مو حابه اقول اسمه لان اهو بعد تعبان وايد وكله سهران معاه لان اول حاله تصير معاه جذي وبعد من اهله والحين زوجى تعبان وايد
وامس سوله عملية ثانيه وحطوله دعامه غير الدعامه اللى كانو حاطينه لان حرارته ارتفعت اول تمس وصلت 40 وسوله اشعه امس بين في تسريب ولمى سوله منظار علشان يحطون دعامه ثانيه اكتشفو ان الدعامه الأولى سبحان الله منقظه من نصف وهم مو عارفين السبب والحين دخلو الدعامه ثانيه بلأولى وانشاء الله تكون اهيه الدواء وشفى حقه يارب ياالله يارحمان يارحيم يارؤف بعبادك يا قدير يامن تقول كن فيكون اشفه بدوائك فأنت الشافي المعافى يا الله
ومشكوره اختى بنت الكويت 1973 على دعائك لزوجي والله يجعله في ميزان حسناتك وانشاءالله يارب ان الله يستجيب دعائكم وانا صابره ومتحمله واملى بالله كبير ان زوجي يتعافى والله سميع مجيب الدعوات وألف الحمد لله على كل حال ويارب ان يرجع لعياله وابشركم يارب

 

[كشموووشه]

واي بعد عمري الله يعينج ويخليلج زوجج ويشفيه ويعافيه ويبعد عنه كل مرض وان شاء الله لمن ادش الموضوع مره ثانيه اقرى بشارة سلامته ياعمري انتي

 

[مالفينيا]

واي بعد عمري كنت حاسه انه اهو الي يتكلمون عنه

الله يشافيه يارب ويرده لج ولعياله سالم ومتعافيه ياااارب

عليج بالصدقه باسمه كل يوم واننشالله الله ماراح يخيب رجاكم

انا اييدج انج ماقلتي اسم الدكتور لان مافي دكتورماصار معاه غلط طبي بس الي راح ينعرف اسمه راح تنمسك عليه لي يوم القيامه

ونصيحه يابنات مو كل دكتور عرفتو انه صار معاه غلطه مع غيركم معناه ان اهو مو شاطر او مو زين وانجح الدكاتره واشرهم عندهم

مليون بس ماتبين مع كثرة عملياتهم

وهالدكتور بجد موقفه صعب وايد لان يصيرله وكان مهتم فيه وايد وتدرون بعد اذا احد يعرفكم ولا يصيرلكم شلون بيصير اهتمامه فيكم وكلنا

نقول جان زين عندنا احد نعرفه بس هذا قضاء وقدر الله كاتب له جذيه

 

[بنفســـــج]

التسريب مو شرط بسبب الدكتور لكن نوعية المعدة تأثّر كثير بأنها ما تتقبل التدبيس ولاتتسكّر

حبيبتي لاتنسون الاستغفار على طول انتي وزوجج وصّيه ,, والأذكار عليكم فيها والرقية الشرعية ما تدرين لو ان إلي فيه عين ؟! عيل شلون حتى الدعامة تخترب جذيه سبحان الله

ربي يطمنكم عليه يارب

 

[جمولة مزيونة]

الله يشفيه ان شاء الله و يقومه لك بالسلامة آميييييييييين

 

[*^^حرم الدكتور^^*]

اسال الله العظيم رب العرش العظيم ان يشفيه

و طهور بإذن الله

 

[.. Dior ..]

الله يشفيه ويعافيه ويرفع عنه ويصبرج ياقلبي

 

[سمسميه]

اسال الله العظيم رب العرش العظيم ان يشفيه
والله يطمنكم عليه ويقوم بالسلامه يا رب

 

[موج الحزن]

مايشوف شر حبيبتى والله يشافيه ويقومه بسلامه ان شاءالله

اسأل الله الكريم رب العرش العظيم ان يشفيه
اسأل الله الكريم رب العرش العظيم ان يشفيه
اسأل الله الكريم رب العرش العظيم ان يشفيه
اسأل الله الكريم رب العرش العظيم ان يشفيه

 

[HASSOS]

اللة يشفية ويقومة بالسلامة وتقر عينج فية بوسط بيتة وعيالة ياااااااااااااااااارب

 

[أم حمادين]

ان شالله يارب اتشافيه واتقومه بالسلامه بمره ملك يارب

 

[مالفينيا]

بشري حبيبتي طمنينا شصار مع بو العيال انشالله احسن